بعد الولاده
لف البيبى او عدم لفه
أدم أتولد فى 4 يعنى مع بدايات الحر
كنت الفه علشان ينام مرتاح لانه بيكون خايف واللفه بتدفيه
وكان يحب فى الكارى كوت علشان صغير وبيحس بالدفا فيه
بس لما الجو حرر بدأت اشيل اللفه خالص
مش لفيته تانى غير لما حسيت ان ظهره واجعه
لفيته بقماش قطن
على الجلد على طول من غير بامبرز ولا غيارات علشان الحر
بدأت أخفف لأدم واحده واحده
وهو طبعه زيى مش بيطيق الحر
فدا ساعدنى اكتر انى اخفف ليه هدومه بقلب جامد
وكنت لما احس انه بردان او ايديه بارده أغطيه او البسه فانله بكم بس مش اتقل ليه تانى
عرضته للشمس وهو عنده 20 يوم
طبعا رجله وظهره بس وشه لا
ودا الى خلى الصفرا تروح بسرعه
5 دقايق بس
والصبح بدرى الساعه 9
وبحاول كل جمعه لما زوجى يكون هنا اطلعه فى الشمس الصبح بدرى
رحت بيه للدكتور امبارح طلع عنده شوية برد
هما الى السبب فى التهاب اذنه
اخذ قطره مسكنه ومطهرة للاذن اسمها اوتو كالم
ودوا ساين اب للبرد
وميعادنا مع الدكتور بعد اسبوع
ربنا يشفيه
ولو افتكرت حاجه تانيه هدخل اولها
واتمنى اكون بفيد اى حد
الروابط المفضلة