السلام عليكم ورحمه الله وبركاته
انا كنت عايزة اسال
عن ابنى
هو الان عنده ثلاث سنوات
وثمانيه اشهر
ونطقه صعب جدا
ومبيعرفش يكرر ورايا
ومابيحاولش اصلا
انا تعبانه معاه كتير ومضايقا علشانه الاصغر منه بيتكلمو عنه
دة غير انه مابيعرفش يكون جمل نهائى
وحروف كتير مبيعرفش يقولها
انا مش عارفة هو كدة اتاخر
انا عندى اخته
سنه واربع شهور بدات تطلع ثلاث او اربع كلمات
مش عارفه اعمل
بالله عليكم شورو عليا وماتنسونيش من الدعاء

بصي انا اخويا قعد لحد تلات سنين و نص مبيتكلمش كتير بس هو كان عنده ظروف كان عندنا شغاله سيرانكيه و كانت عملاله مشاكل نفسيه يا حبيبي فماما وديته لدكتورة قالتلها ودي روضه و خليه يحتك مع أطفال و فعلا وديته و كانت المشرفه ترسمله كوره و تقوله كوره لحد ماتكلم و بقينا مش عارفين نسكته فمتقلقيش هو محتاج يروح حضانه و في دكاترة تخاطب ان شاء الله يفيدوكي أكتر و يسرعوا الكلام عنده...

اانا فعلا وديتو روضة
بس مابيرجع مابيحكيش على اى حاجة حصصلت نهائى
الا فيما ندر

يبقى وديه دكتور تخاطب بس تأكدي انه قاعد بيخزن في كلمات و هتلاقيه فجأه اتكلم ... متقلقيش ان شاء الله حاجه بسيطه و بعد كده هتبقي نفسك يسكت دقيقتين على بعض زي ابني... ربنا يهديهم يا رب

السلام عليكم ورحمة الله وبركاته
اختي العزيزة طالما هو بيسمع ويتكلم حتي لو كلمات بسيطة يبقي كده الحمد لله المشكلة بسيطة
ولكن يحتاج لدكتور وباذن الله هتلاقي عنده الحل يجب ان تسرعي بالذهاب للدكتور حتي لا تتفاقم المشكلة ويصعب حلها وربنا معاكي

المهم انك تتداومى انك تتكلمى معاه
حتى لو هو مش أتكلم
واتكلمى بحروف صحيحه علشان يعرف ينطقها
وواحد واحده هتلاقيه بدا يتجاوب معاكى
خاصة لو اتكلمتم فى موضوع هو بيحبه
زى الكوره افلام الكرتون الالعاب
الحاجه اللى بيحبها
اوى

وان شاء الله يتم شفاه على خير
ويبارك ليكى فيه

اشكركم على الاهتمام بس زوجى رافض فكرة انى اوديه لطبيب تخاطب نهائى
والمشكله التانيه انى ابنى عند لا مبالاة
يعنى ما اقعد اتكلم معاه ولا يبصلى اصلا
انا خايفة اكون ظالماه ولازمو علاج
وسؤال اخير امتى يعتبر الطفل متاخر ويلزم العلاج فورا؟
وشكر على تعبكم معايا

انتى كأم لازم تقدرى تعرفى ابنك بيحب ايه
أخرجى معاه واتكلمى
ادخلى المطبخ معاه واحكى له بتعملى ايه
اطلبى رأيه فى موضوع حتى لو مش هيرد
اتفرجى معاه على الكرتون وبعدين قولى رأيك وشاركيه حبه ليه
ولو بيروح روضه
روحى ليه فى وسط اليوم
اتعرفى على اصدقاءه
اعرفى بيحب مين

حاولى تساعديه انه يتخطى المرحله دى
وان شاء الله مش يحتاج اى دكتور

بس انتى قربى منه وحاولى تعرفى سبب المشكله دى ايه
وربنا يوفقك

حبيتي أم محمد
أنا لا أريد إخافتك بردي
يمكن إبنك عنده مشكلة غير النطق مثلاً كيف علاقته مع والده هل يقربه إليه
هل يتفاعل مع الأطفال الأخرين عند اللعب
هل يتم تخويفه بشيء معين أو يخاف من شيء معين
هل يتفاعل معكي ( قلتي إنه لا ينظر إليكي عندما تحدثينه - وهذه مشكلة طفل التوحد لاسمح الله - هل هو ماهر في الألعاب اليدوية)

عزيزتي أم محمد
مثل ما قالت الأخت كليوباترة ما دام مفيش مشكلة في السمع فبإذن الله مشكلته محلولة وللأمانة فقط إبنك تأخر في الكلام
فلا تتأخري في إستشارة الطبيب وطلب المساعدة لأنه حكمل 4 سنوات بعد 4 أشهر حادثي زوجك بخصوصه لأنه كلما عرفنا المشكلة بدري مثل ما يقول الأخوة المصريين كان الحل أبكر بكثير ثم إن الإستشارة في موضعها وعند صاحب الإختصاص أفضل من الأخذ بتجارب الأخرين وأسهل بالنسبة إليكي لأنه حينها فقط تعلمين ما تتعاملين معه فلا تضيعي الوقت وساعدي ولدك حتى لا تندمي لأنكي تأخرتي وليس في الأخذ بإستشارة الأطباء عيباً أو رجعية بل من الخطأ ألا نفهم ما يمر به أطفالنا.
إعذريني عزيزتي على صراحتي والله يعلم إنني أتمنى من كل قلبي ألا يكون به شيء بإذن الله فأنا أيضاً أم وقلقت حينما قرأت موضوعك وشعرت انكي لم تحاولي البحث عن المساعدة الحقيقية حيث يجب عليكي طلبها ( عند الإختصاصيين )
طمنينا عليه ودمتي و ولدك في حفظ الله

عزيزتى ن الراشدى
شكرا لاهتمامك والرد ولكن ان فعلا كنت شكا فى موضوع التوحد دة
بس الحمد لله
فى اخت ابنها عنده توحد ولما شفته قالتلى ده لامبالاة فقط
وبعدين هو ماهر فى الالعاب اليدوةيه بس مش اوى
وبعدين هو بيتكلم
حاليا كلام كتير
بس مش مرتب
يعنى اما يسئل عل حاجة
مايقوليكيش دة اسمه اية؟
يقول دة اسمه مين؟
وشبعت اقول
وال فى دماغو هو ال بيعملو
عموما اشكر كل من اهتم ورد
لقد خففتم عنى
بارك الله فيكم جميعا