السلام عليكم
هاي اول مشاركة الي في هذا الركن مع اني من اول ما ولدت وانا اتابعكم

مشكلتي مع بنتي طويله شوي وبتمنى تتحملوني:

بنتي عمرها 9 شهور
من اول ما ولدتها لحد ما صار عمرها 6 اشهر وهي بتنام ليلها الطويل يعني كانت تنام مش اقل من 12 ساعة وكنت اصحيها غصب عشان ترضع و والله ما كنت احكي قدام حدا عشان ما انحسد. وطبعا بالنسبة للهدوء.... ما كانت تبكي نهائيا وحتى بس اروح عند الناس يستغربو منها دايما ساكته وبتضحك للرايح والجاي.

ولما كان عمرها 4 شهور بلشت اطعميها رز مطحون وسيريلاك وكانت تاكل بشهية وكل امورها تمام.

وبعد ما صار عمرها 6 اشهر!!!!!!!!!
مرضت وصار معها سالمونيلا وخلصت المرضة باسبوع وبعديها على طول صار عندها التهاب شديد في حلقها وضلت كمان اسبوع مريضة. وطبعا نزل وزنها كتييييير مع انها كانت مليانه كتير من قبل.

ومن لما مرضت لهلأ انقلب حالها:.....
بطلت تنام بالمرة وما بتخليني انام ساعة على بعضها. وطول الليل نكد وعياط ورضاعة دلع!!!
وبطلت تاكل بالمررررره ولا شي بترضى تاكل حتى الاشياء اللي كانت تحبها وهي 4 اشهر بطلت تحبها.
وصار الاكل عندي كله نكد وعياط!!!!
و صرت طبعا بس اروح عند الناس بس نكد وعياط وقومي رضعي وقومي غيري.!!!!
ولما رحت للدكتور قلي لازم تفطميها عشان تصير تاكل وانا لهلا مش فاهمة كيف افطمها وهي لا بترضى تاكل ولا تاخد حليب صناعي مع انها كانت تاخد حليب صناعي ايام الهنا!!!

وطبعا مع انها بس بترضع مني بس مع هيك بتعملها 4 او 5 مرات في اليوم وبتعبي حالها وبغيرلها كل ملابسها!!!! ودايما اسهال

وبس احكي للناس بيقولولي بدها تسنن!!!
والله مش عارفه متى بدو يشرف هالسن!!!!!
مع العلم اني بتفرج على لثتها وما في شي مبين!!!


اسفه طولت عليكم وبتمنى لنكم تساعدوني لاني تعبت كتير
وانا كمان بشتغل ودوامي لل 4 ودايما بروح مش نايمه
وبحطها عند وحده صاحبتي وانا بشتغل (هي عامله متل حضانه في بيتها بس للناس الي بتعرفهم) وبتحكيلي انو عندها بتاكل وبترضع و كل امورها تمام!!! طب ليش هيك بتعمل معي؟؟؟؟

ارجو المشوره والمساعده منكم اخواتي

تحمليها الطفل الاول دائما يتعب امه
لازم يكون بالك طويل وبخصوص الفطام الطبيب عنده حق لاازم توقفيلها الرضاعة ولما تجوع ستقبل الحليب والاكل
ويرجع جسمها مثل اول واقرئ لها اية الكرسي والمعوذتان وقت النوم وهي في حضنك حتى تشعر بالامان
سلام

اتمنى ان يفيدوكي الاخوات
وفقك الله

واللهي عزيزتي كأنك بتتكلمي عني وعن بنتي نفس الكلام بالظبط
وأتمنى إن الاخوات يفيدونا
حقيقي انا شكيت انك تعرفيني..

من فترة عانيت مع بنتي نفس الشي وصدقيني الحل هو اليانسون بتصير تاكل وتنام وبتصير رايقة وهادية متل أول كل يوم غليلها يانسون وحليهم بشوية سكر و عطيها ملعقتين الصبح و عشية بس يكونو فاترين وكل ما لقيتيها عم تتحسن خفيفي الكمية يعني عطيها ملعقة الصبح وملعقة عشية وبعدين صيري عطيها يا الصبح يا عشية أنا بس أعرف حالي تاني يوم بدي إضهر بعطيها قبل بيوم ملعقتين وكتير برتاح وهي كمان بترتاح ما بيضر أبدا وخبرينا شو بيصير معك

حبيبتي ام عبد العليم شكرا على الرد
رح حاول اني افطمها مع اني عارفه اني ما رح اقدر لاني في الغربة ومافي حدا كبير يساعدني.
مشكورة

rovy عن جد اني استغربت انو في حدا متلي. وانشاء الله نجد حل لمشكلتنا ويفيدونا الاخوات.
كم عمر بنتك؟
ولله بالزمانات لما كانت بنتي هاديه حكولي انها بعد فترة رح تقلب وتتغير!!! وهاي عن جد قلبت.
بتمنى من الاخوات اللي عندهم خبره انهم يساعدونا.

ربنا يهديهالك يارب بصراحه معنديش اى فكره ويارب البنات يفيدوكى

عزيزتي انا بنتي كمان يومين يتكمل عشر شهور
واللهي طالع عيني من قلة النوم وقلة الاكل
وكل الناس بتلوم عليا مع اني مش مقصرة معاها
هي بس الاسبوع ده طلعت نص سنه وبدات يعني تزحف
بس مش يتزحف كتير يعني بحطها على الارض واحاول اخليها
تزحف نادر لما بتتحرك معرفش ليه ودايما مالهاش نفس للاكل مع
ان الدكتور كاتب لها على مالتي فايتمين فاتح شهيه اسمه
بيبي-فيت
اتمنى يكون في حد من البنات مجرب الحاله اللي احنا فيها دي
ويقدروا يفيدونا علشان نريحهم ونرتاح..

عن جد يا ROVY زي كانه بنتي وبنتك متفقين مع بعض.
انا رحت عند الدكتور مبارح
وعلى موضوع الاكل قال انو مافي ولد طيب وانهم خبيثين وانه بنتي ما بترضى تاكل لانها عارفه انو بعد عنادها رح ارد عليها وارضعها وفعلا هاد اللي بصير. وقلي اني لازم اجبرها ومبارح قعدت ساعه كامله على 6 لقم مع عياط ونكد طبعا!!!

وبالنسبه للحركه بنتي مثلك ما بتتحرك وقلي الدكتور اخليها دايما على الارض عشان تصير تتحرك وتقوى عضلاتها ولازم اعرضها للشمس عشان فيتامين د المهم لتقويه العظام والتسنين.

وهلا بلشت المعركه معها والله يستر