السلام عليكم و رحمة الله و بركاته
أنا أم لولد عمره 1و 6 شهور و حامل في بداية الشهر الثامن ...
ما أطول عليكن ,, لكن بما أني أنجبت متأخره من شوقي و حبي للأولاد عودت ولدي أنه ينام في سريره لكن 6,30 صباحاً (لما أبوه يطلع للدوام ) أني آخذه ينام في حضني و لما صار عمره 5-6 شهور و قام يتحرك صار يجني في السرير بحكم أن سريره ملاصق لسريري و لما كمل 10 شهور بعدت سريره عني بس يومياً أجيبه لعندي الصبح و لما ثقلت في الحمل يعني من 3 شهور تقريباً قللت جياته لعندي يعني ما أجيبه إلا لما هو يناديني و في بعض الأحيان يكون نومه متواصل فـ ما يناديني و أنا ودي أقطع هالعادة عننا (أنا و هو ) إستعداداً للبيبي الجاي ,,
أولاً - شوووو رايكم في أسلوبي من البداية ,, يعين أتبعه مع البيبي الجاي و إلا لا ,.؟
ثانياً - شوووو الطريقة المثلى أني أبعده عني عشان ما يغار من البيبي بعد ..؟
أي و حبيت أقول لكن عن موقف صار قبل كم يوم ..
’’ كنت أجهز شنطة البيبي و عجبوه شرابين (جرابات ) و يبي يلبسهم لكن قلت له للبيبي و زعل و بكى و كل شوي يختار قطعة من ملابس البيبي و يبي يلبسهم و أقول له لا هذا صغير و ما يجي مقاسك و نجليه للبيبي و يزعل و يبكي و مناحة (أنتوا عارفين كيف ) المهم لما في الليل بنطلع و جهزت له البدلة و الجوكيت (لونه أبيض ) قال : لالالالا هد دادا (لالالا هذا للبيبي ) و عجزت منه يلبسه بصراحة خايفة ولدي يتعقد و أمس شغلنا شريط الفيديو و هو عنونو يوم كنا في المستشفى و كان مستغرب و زعلان و يجي يحضني و يبوسني و يقول دادا دادا مع أنه كان متعلق في أمي كثير بس هالشهر اللي تعلق فيني و بزيادة يعني و أنتوا بكرامه حتى لو دخلت دورة المياه يحرسني إلى أن أطلع مع أنه قبل كان عادي و لا يهتم لي ,,
و أي بعد موقف ثاني صار في العيد يوم أني شلت حفيدة خالتي (4شهور ) زعل و صار يبكي و يبي يآخذها و يعطيها أمها و يقول : أمه أمه (عطيها لأمها ) و ما يبيني أكلم أو أشيل أي بيبي و يزعل يقول : ماما مالي ..
آسفة طولة عليكن بس بصراحة حبيت أوضح لكن كل شيئ من إلى ,,
أي بعد وصيت أمي و زوجي يوم أولد و أنا في المستشفى إذا بيجيبون لي ولدي ينبهوني عشان ما يدخل علي و أنا شايلة البيبي عشان ما يكرهها أو يحط في خاطره عليها ..!!
شوووو رايكن .؟؟؟
الروابط المفضلة