السلام عليكم ورحمه الله وبركاته..
مادري اذا مكان الموضوع هنا صح اولا
المهم..
ابي نتعرف على عادات النفاس يعني كل وحده تكتب عن بلدتها يعني اللي في مصر والكويت والبحرين ووووو
يعني طريقه وضع السرير ,اذا جاكم الحموله يعني اهل الزوج
انا يعني يا اهل الرياض طريقتنا تكون الوالده تطلع من المستشفى على بيت اهلها والبعض يكون في بيتها اذا كان عندها عيال كبار يدرسون..
يكون فيه سريرين واحد رسمي للضيوف والثاني تكون فيه على طول,سابع يوم يكون فيه السماوه يعني يجون الرجال من اهل البيبي ويسمونه وفيه البعض لهم عادات تختلف في هذا اليوم,
بعدين اذا انتصفت الام او اكثر من النص يجتمعون النساء من اهل المولود ويجون في يوم واحد نسميه الجمعى والاغلبيه ايضا تكون البكريه يسون لها هذي الحركه او على حسب الحموله يجون او لا"
تجلس عند اهلها الاربعين يوم كامله طبعا البعض يجلس زياده والبعض تروح قبل ما تتم
واخيرا يكون فيه عزيمه للام بعضهم يحط تمائم المولودبنفس العزيمه والبعض لا وطبعا يطيها زوجها هديه تسمى الطلاعه عباره عن طقم ذهب وايضا فيه اختلاف على حسب الذوق..
عاد اسمعو مو تهبون فيني تقولون غلط عليك انا من الرياض ومانسوي كذا ,انا قلت الاغلبيه هذي عاداتهم..
يالله ورونا ما عندكم
انا في انتظاركم..
الروابط المفضلة