السلام عليكم ورحمه الله وبركاته انا عندي مشكله مع بنتي عمرها سنتين وشهر بالضبط ولكن حووووووووووووووسه ما خلت شي في البيت كسرت التحف والزوايا وماخلت شي سليم منها ومشغلتني طووووووول الوقت وحتى لمن يجي ابوها من العمل تقعد تبكي ولا تدلع عليه لاتفه الاسباب اوقات كثيره يتضايق منها ويطلع وحتى احنا مو قادرين نطلع نتمشى من شقاوتها تخيلو مره فتحت باب السياره وهي تمشي الله ستر ما صار لنا شي لكن عجزت فيها وحركاتها عرررررررررربجيه تقول ولد مو بنت والمشكله مو راضيه باافلام الكرتون اشغلها ماتجلس عندها ابد اتمنى انها تنسجم معاها لكن من غير فايده وهي ماشالله عليها ذكيه انا علمتها تعد حتى ال عشره تعلمت ما شالله عليا في نفس اليوم وللحين انا اقول لها قولي واحد وهي تكمل لكن ماني قادره اسيطر عليها او بالاصح ماني عارفه وش تحب وش تتمنى والمشكله هي بسرررررعه تمل من الالعاب ومن اي شي اتمنى تساعدوني الله يجزيكم الخير لاني تعبت منها مررررره وعلى فكره انا عندي ولد عمره سبعه اشهر ما تتصورو قد ايش تحبه وحنونه معاه واذا زعلتها تروح عنده تبكي وتحضنه اعتذر على الاطاله اشكرا

وعليكم السلام رحمة الله وبركاته
أهلين أختي الغالية
تصدقي كأنك تتكلمي عن ولدي ريان لما كان في نفس عمرها وراح أعطيك حلول الحمد لله نفعت مع ولدي وإن شاء الله تنفع مع بنوتك الله يخليها لك ..

في البداية أقلمي بيتك على وضعك الجديد وليكن عملياً وأمناً على الأطفال أكثر
ففي مكان الجلسة أزيلي التحف القابلة للكسر والزروعات المحتوية على الأتربة الصغيرة يعنى انتي بتقديرك
وخلي التحف في قسم الضيوف ..

وبالنسبة لأبوها تقفدي الأسباب جيدا فربما لا تشاهد والدها كثيرا فتشتاق اليه وعندما يأتي لا يلويها الأهتمام
الذي تنتظره فتلجأ الى أسلوبها في البكاء .. أو تشعر بأنكِ تعتطي الطفل أهتمام أكبر .. راجعي الأسباب جيدا حتى تستطيعي حل هذه المشكلة ..

و وقت التمشيات خصصي ألعاب للسيارة حتى تشغلها مثل اللاب توب الصغير الذي يعلم الحروف الأبجدية
أو الأرقام وتكون هذه الألعاب في السيارة فقط .. ومن الأفضل اذا أحضرتي لها كرسي الأطفال ودائما في أغلب
السيارات يوجد رز حماية للطفل بحيث يغلق الباب ولا تستطيع فتحه من الداخل فقط من الخارج وبذلك تضمني سلامتها

غاليتي .. ما شاء الله بنتك ذكية للغاية وحركة في نفس الوقت أنصحك انك تشتري لها الألعاب التى تتطلب جهد
حتى تفرغ فيها طاقتها مثل النطنيطة البلاستيكة الزحليقة المراجيح لا تكبتيها بأفلام الكارتون والألعاب حقتها لا تخليها بين يدينها باستمرار خبئيها عنها بحيث تشتاق إليها ولا تمل منها وفي اليوم أو اليومين خرجي لعبة وهكذا
ويمكنك الاستفادة من هذا الموضوع
مرحلة ما قبل المدرسة
سامحيني على الاطالة بس حاسة بمعاناتك وخاصة اني عانيت منها بس بشكل أكبر والى الآن أعاني ولله الحمد
بس ان شاء الله أكون وفقت وأفدتكِ

أختك / عصفورة

مشكوووووووووره اختي عصفوره الجنه والله يرزقك الجنه يااااااااااااااارب على ردك الاكثر من رائع واسال الله ان يجعله في ميزان حسناتك والباقي انتضر ردودكم وافكاركم الحلوه زيكم