السلام عليكم ورحمة الله وبركاته
كيف حالكم يااخوات وحشتوني؟؟
جيتكم اليوم ومعاي مشكلة اتمنى منكم تساعدوني في حلها
القصة ومافيها جارتي عندها اطفال من 12 الى 4 سنين تربيتهم كويسة ماشاء الله بس من فترة لاحظت على ولدها الصغير بعض الحركات الغريبة يعني مرة تلقاه يلعب في اعضائه ومرة يبوس اخته الرضيعة على فمها
لمن حاولت تسأله من فين جاب الحركات ذي ؟؟؟ انصدمت بالجواب
تخيلوا يقول : ياماما احنا لمن نروح لبيت جدي يمسكني خالي ويقفل علي الغرفة ويسوي لي كذا لاوكمان يوريني اعضائه ..
طبعا خاله مراهق عمره 14 سنة ... واطفالها متعلقين في خيلانهم كثيير واسبوعيا عندهم
الام فالبداية ماصدقت ولدها لكن بعدين بدت تلاحظ على اخوها اهتمامه في ولدها الصغير مرة ويطلب انه ينام معاه دائما .. اضطرت انها تواجه اخوها لكنه انكر وزعل وكأنه مظلوم ...
وهي الان محتارة ايش تسوي؟؟ خصوصا ان الطفل صار يطبق اللي يشوفه على اللي اصغر منه
وهي خايفه انها تعاقبه ويزيد ويعاند وترسخ في ذهنه هالامور وفي نفس الوقت ماتقدر تقاطع اهلها او تكلم زوجها لانها ماتبي فضائح ...
اخيرا هي الان في حاجة لمشورتكم كيف تتصرف وان شاء الله ماتقصرون معها
الروابط المفضلة