الي عندها فكره لي أكل الأطفال تتفضل(( 7شهور))

**amkaled** · 20-09-2005, 05:52 PM

السلام عليكم ورحمة الله وبركاته

انا عندي طفله ومحتاره في أكلها :

الغداء كالاتي:
رز مصري
جزر
فاصوليا
بطاطا
كوسا
هذي الاكلات كلها ويا بعض تنخلط في الخلاط واعطيها
كل يوم على هالطريقه

والعصاير :
يوم تفاح
ويوم كمثرى
فقط لاغير
الاني اذا عطيتها اي فاكه ثانيه تستويلها حساسيه في الصدر(( يعني بلغم))

والشورباتك:

جزر
بطاطا
عدس( الدال)
فاصوليا

كلهم في الخلاط واعطيها اياها
وساعات جزر وبطاط وعدس
وكل يوم على هالحاله

واذا حد عنده اكلات غير هالشئ اتمنتى ان يكتبها ويكتب الطريقه

وعندي كم سؤال:

الذره الحلوه الي في القواطي تنفع حق اليهال الي في عمرها والا؟

وكذالك الفطر(( المشروووم)) ينفع حق الي مثل سنها ؟

وانا سمعت حليب بالأرز كيف الطريق اذا حد يعرف واي حليب احطلها هل معقوله حليبها ؟

وعادي اعطيها كسترومهلبيه اذا عادي ابي الطريقه ؟؟

وبكون شاكره لكم

**حمرة الورد** · 20-09-2005, 07:04 PM

جربي لها اللبن http://www.lakii.com/vb/showthread.php?t=150152 .....بس انتبهي من الحساسية ..

**ام البنين1977** · 20-09-2005, 08:21 PM

اضغطي هنا
اكلات الاطفال بالصور
كل ماتحتاجينه لتغذية طفلك منذ الولادة الى مابعد السنة......

**مزدلفه** · 20-09-2005, 10:14 PM

اهلا اختي طريقت الحليب مع ارز اسلقي ارز في ما اكثر من حاجته الى ان يستوي ويبقى فيه قليل من الما ثم ا حطي عليه حليب السعوديه افضل خليه يطبخ الى ان يشرب الحليب

زيادت الما حتى يستوي مرررررررررررررررره ويصير زي الجريش ولا تنسين تحركينه في ملعقه كل شوي اذا شرب الحليب خلاص برديه واعطيه طفلتط بالهنا

**amkaled** · 21-09-2005, 11:35 AM

مشكوره اختي حمرة الورد على الرد

بس انا بنتي ما اقدر اعطيها فواكه

**amkaled** · 21-09-2005, 11:36 AM

يزاج الله خير اختي ام البنين1977 على الرد

ومشكووره على الوصلات وماقصرتي

**amkaled** · 21-09-2005, 11:46 AM

مشكوره اختي مزدلفه على الرد

بس حليب السعووديه مب زين حق الي في سنها؟

**ام سهيل** · 21-09-2005, 03:25 PM

الله يحفظها لك

شوفي ما دام عندها حساسية من بعض الفواكه ابعديها عنها واعطيها مثلا فتة حليب بالخبز

مرقة دجاج مع خبز مثل الفتة

اممممممممممممممم , اعطيها سناك بسكوت شاي مع حليب

كمان ممكن من اكل البيت كمان تعطيها

اعطيها لبن زبادي مع عسل

اعطيها كمان جبنة تشدر بس وصلة وصلة يعني قطع صغيرة .

هذا اللي عندي والاخوات ماقصروا .

**حمرة الورد** · 21-09-2005, 06:53 PM

شوفي يا ام خالد مادام الفواكه تسوي لها حساسية اخريها بعد السنة ..بنتي كانت تتعب مررة لما تاكل بيض او اي شي فيه بيض وبعد ماكملت سنة صارت طبيعية ..ما انسى اول مرة اكلت فيها البيض بغيت تروح فيها حتى الدكتورة قالت لنا لاتسكتو عليها لاينسد حلقها وتختنق ..

المهم بالنسبة للرز ممكن تسويه باللبن بدل الحليب هذا اقتراح وممكن تستخدمي الرز الجاهز اليي يجي زي السيريلاك وحطي عليه حليب اطفال ..وفيه رز من سيريلاك معاك حليب اطفال بس تحطي عليه موية..

انا عن نفسي ماكنت اهتم بالرز ..كنت اعطي تفاح وخضار وبعد مدة بدأت السيريلاك ..لكن لما جيت هنا اضطريت اعطيهم رز وسبب لهم امساك الى يومك هدا ولدي 4 ونص وبنتي 6 ونص اما الاول تربية السعودية الحمد لله ماعنده امساك..

نسيت اقولك اعطيها اللبن سادة..واذا ماتاخد تفاح اعطيها جزر ..ابعدي عن مسببات الامساك خاصة لو في العيلة احد تعبان من الامساك..

ام سهيل ما اتفقنا انه مافي عسل للاطفال قبل السنة ..بدليه بالتمور..

اعرف انه جربناه وماضر احد... مايضر برضه تأخيره مادام الاطباء قالو لنا احتمال يضر الامعاء..هذا رأي ..

ام خالد بنتك لسة صغيرة وقدامك وقت الين تحتاري في اكلها خدي موضوع اكل الاطفال بالصور وشوفي ايش يعجبك منه بصراحة رائع ..

**amkaled** · 22-09-2005, 01:15 PM

اعطيها لبن زبادي مع عسل

اعطيها كمان جبنة تشدر بس وصلة وصلة يعني قطع صغيرة .

مشكوره اختي ام سهيل ؟؟

لكن للأسف ما اقدر اعطيها الان يوم عطيتها وااايد تعبت ووديتها عند الدكتوور وقالي لا تعطينها الين مااتكمل سنه وبعدين اعطيها ؟

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الي عندها فكره لي أكل الأطفال تتفضل(( 7شهور))

أدوات الموضوع

العرض