ابنتي 3شهور والتهاب الحلق المتكرر ماالحل؟

**rawdh** · 19-05-2007, 01:34 AM

السلام عليكم ورحمة الله
ياجماعة انا عوزه حد يقولي من تجاربة في موضوع التهاب الحلق

ابنتي ندى الجميلة الطيبة الصغيره

عمرها 3شهور وماشيه في الرابع ...ندى كل شويه حلقها ملتهب .يمكن كل 3أسابيع نروح للدكتور يقول انا مضطر اكتبلها مضاد حيوي المشكلة ان المضاد الحيوي بيتعبلها معدتها جدا انا خلاص احترت هذة المره قلت أجرب العسل واليمون لكن برضو تعب لها معدتها جدا انا مش عرفه أعمل ايه نفسي اقوي مناعتها.....ارجوكم ساعدوني بتجاربكم ربنا يشفيها يارب

**yehia2007** · 19-05-2007, 09:03 AM

اكبر غلط اللى عملتيه تديها عسل فى السن ده يبقى بتؤذيها العسل للاطفال بعد السنه وبعدين انا عايزه اعرف انتى بتعرضيها لهوا بارد علشان يحصلها كده وكم وزن بنتك عند الولاده ودلوقتى

**yehia2007** · 19-05-2007, 09:04 AM

ونسيت اسالك بترضع طبيعى ولا صناعى

**rawdh** · 19-05-2007, 09:11 AM

متشكرة يا yehiya2007 على ردك
أولا بترضع طبيعي ثانيا والله مابعرضها للهوا وبحافظ عليها جدا وزنها عند الولاده3كيلو والان6.250كيلو يعني كويس وكمان زيادة انا بجد محتارة
جزاك الله خيرا على ردك

**yehia2007** · 19-05-2007, 10:41 AM

,والهى انا محتاره الرضاعه الطبيعيه بتعمل مناعه للجسم وانتى حاولى تخففى المضاد الحيوى عشان ما تتعودش عليه وبلاااااااااش العسل واسالى الدكتوره وربنا يشفيها يارب انا كمان بنتى نور عندها ثلاث شهور ونص عايزين نعمل موضوع مع بعض نتعاون فيه ونكتب فيه التغيرات اللى بتحصل للطفل فى الشهر ده وكل ام تدخل تكتب اللى تعرفه وياريت نتواصل مع بعض فى المنتدى يا روضه وبوسيلى ندى

***قماري*** · 19-05-2007, 12:55 PM

مرحبا اختي اول شي العسل ماينفع تعطيه للطفل الا بعد سنه ثاني شي المضاد الحيوي لاتعطيها اياه الا بعد الوجبه لانه ثقيل شوي على المعده ويخليها تستفرغ
ولازم تدفيها كويس وتبعديها عن المكيف والهواء

**rawdh** · 21-05-2007, 01:01 AM

انا متشكره جدا ياyehiya2007
على ردك الجميل وكمان وصلت البوسه لندى وهيه بعتت واحده لنور
على فكره انا كان نفسي اسمي بنتي نور انشاء الله المره الجاية

شكرا يا *قماري* على ردك واهتمامك جزاك الله خيرا

**ام البنين1977** · 21-05-2007, 02:16 AM

على فكرة أنا طفلي لما يمرض في إلتهاب الحلق بس بيطلبوا مني إني أعطيه تايلنول يعني خافض للحرارة .
شو رأيك يا قلبي تسألي الدكتور محمد في موضوعه المثبت في الركن /ما شاء الله عليه ما بيقصر أبدا في الردود الله يجزيه الخير

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ابنتي 3شهور والتهاب الحلق المتكرر ماالحل؟

أدوات الموضوع

العرض