الوسائل الذكيه للتعامل مع أسئلة الاختبار اللتي لاتتذكر اجابتها :
* أسألة الصح والخطأ
فيه منها نوعين .. النوع اللي يجيك فيها جمله رئيسيه فقط
مثلاً : الرياض عاصمة المملكه العربيه السعوديه ( صح او خطأ ) فهذي دايماً يكون على حسب معرفتك ومذاكرتك ..
النوع الثاني :
الجمل المقيده ..
فيه ثلاث انواع للقيود
1 ) مقيده متطرفه ايجابياً :
كل - دائما - الافضل - بالتأكيد - كلية - فقط .
2 ) مقيده بين وبين :
معظم - بعض - احياناً - نادرا - يوجد - محتمل .
3 ) مقيده متطرفه سلبياً :
أطلاقا - الاسوء - لا .
الجمل اللي تتضمن كلمات مقيده متطرفه سواء سلبيه او ايجابيه غالباً تجي خطأ .. مثلا : جميع الحيوانات تأكل اللحوم . هذي خطأ
أما الجمل اللي فيها كلمات مقيده بين وبين هذي غالباً صحيحه
- الاساله اللي فيها كلمات سالبه , يعني اوقات اللي يحط اسأله الاختبار يكتب قبل الجمله الرئيسيه : غير , ليس .. للجمله الرئيسيه
وعشان تعرف كيف تتعامل مع هالاسأله حط يدك على هالكلمه السالبه وشفها الجمله , إذا كانت صح إذا العباره الاصليه خطأ .. والعكس صحيح .
مثال : راس تنوره
ليست اكبر مصدر نفط في العالم .. حول هذا السؤال للأسأله المباشره .. من خلال التعامل مع المقوله المنطقيه : نفي النفي اثبات
- التخمين : اذا ماش مرره مره ماعرفت .. خمّن .. العب حقره بقره قلي عمي اللي هي بس لاتخلي الاجابه فاضيه
.
* إجابة أسئلة الاختيار :
اول شي اقرا التعلميات زين مازين واقرا نص الفقره كله .. اذا ماعرفت الاجابه اول شي احذف الاختيارات اللي انت متأكد من انها خطأ
لما نخلص .. نركز على ثلاث انواع من الباقي .. ( اختيار سخيف - اختيار غريب - اختيار مقيد متطرف )
مثلاً :
يعد نهر الفرات :
- الاحلى طعماً (
اختيار سخيف )
- يتكون ماءه من فلزات ولا فلزات (
اختيار غريب )
- يفيض طوال العام دائماً (
كلمات مقيده متطرفه )
وواحد من هذولي بيكون صح .. طبعاً غير الاختيار السخيف والغريب .. بيكون الاخير
ملاحظات :
لما يكون ماعندك اي فكره عن الاجابه خذ الاختيار اللي يكون مليان معلومات لان المعلم اوقات يميل لتوضيح الاجابه الصحيحه بشكل سهل
حاول اجابة السءال قبل ماتشوف الاختيارات عشان تسمح لعقلك انه يفكر باجابه صحيحه بدون تأثير الاختيارات ..
لا تقرر الصح من اول ماتشووفه يمكن اللي بعده يكون هو الاختيار الصحيح .
* أسئلة المقابله ( صل عمود أ بعمود ب ) :
لا تحاول انك توصل اي فقره من هذا السؤال قبل لا تقرا كل العامودين واقرنهم ببعض بحيث تبدا بالفقره الاولى من العامود الاول وبعدين تبحث عن الاجابه
بالعامود الثاني وبعدها وصل .
* أجابة أسئلة اكمل الفراغ :
- حدد طول الاجابه من طول الفراغ الموجود لك .. وهذا الشئ راح يساعدك بتخمين الاجابه الصحيحه .
- اذا كنت ابد منتب عارف الاجابه .. فحاول انك تقرب من الاجابه وهذا يخليك ع الاقل تجيب نص الدرجه .
* اجابة اسألة المقال :
- اختار الاسئله اللي راح تجاوب عنها واحذف اللي قررت انك ماتجاوبها بناء على التعليمات ورتب الاسئله اللي راح تجاوبها .
- حلل اي سؤال راح تجاوبه عن طريق قرايته واقراية ناقده والتدقيق في الكلمات اللي يتضمنها واكتشف معانيها .
الروابط المفضلة