يا جماعة استحلفكم بالله انا تعبت جدا من مدارس المعادي المولعة نار يعني حرام اقل مدرسة ب 5500 ومستواها ذي الزفت ومبقاش قدامي بعد رحلة بحث طويلة غير مدرسة القناه للغات اللي في زهراء المعادي لبنتي داخلة كجي وان لانها مصاريفها معقولة اوي بس نفسي اعرف مستواها ايه معرفش حد خالص فيها حد يفيدني ارجوكم انا تعبت وكتبت كتير عنها في المنتدي لكن ماحدش رد عليه انا قدمت لان السنة كانت حاتضيع علي البنت وهي دلوقتي اربعة سنين و8 شهور يا ريت حد يقولي ومش مهم السنة دي ممكن ابقي انقلها بعد كده بس اعرف اي حاجة عن المدرسة رجاء وشكرا ليكم

ربنا معاكي وانا اللى اعرفه انه مستواها مش اد كده من كلامهم بالمنتدى هنا انا معرفهاش وانا بنفس الموال بتاعك لان ابني هيدخل السنه الجايه وانا ساكنه بالمعادي

اصلا المعادي موضوع فاشل في المدارس لاني جالي اكتئاب و انا بشوف مدرسه لبنتي
و كنت قدمت ليها في كذا مدرسه منهم القناه و فيكتوريا بس اترفضت سن

بس ساعتها مكنتش اعرف حاجة عن المستوي بالنسبه للقناه بس و انا موديه نور للغات بس قلت في نفسي لو في يوم من الايام اضريت اغير للمدرسه لان المصاريف في تزايد عجيب و انا عندي واحدة تانيه داخله السنه الجايه فكرت في القناه صراحة بس معرفش مستواها يا ريت اللي تعرف اي معلومه تقول

شكرا يا ملوكة علي ردك انا مبسوطة اوي اني لقيت حد من المعادي انتي وجنا انا كمان قدمت لبنتي في فيكتوريا واترفضت سن والقناة قبلتها فقولت ما ضيعش عليها السنة وذي ما انتي بتقولي المدارس مشكلتها انها بتزيد زيادة عالية اوي وربنا يقدرنا كلنا واللي عنده معلومة يفيدنا خصوصا عن مدرسة القناة هي في ناس بيشكروا فيها اوي عن فيكتوريا بس يا ريت معلومات اكتر ذي اللغة والانشطة معاملة المدرسين كده يعن والله المستعان

ربنا معاكي انا هدخل بالموال دا السنه الجايه وهشتغل شغل عن جد بالتدوير علىالمدارس بس المشكله مش في المدرسه المشكله بالمنطقه
مدارس اسعار غاليه على اساس انك ساكنه بالمعادي وياريت بيدو خدمه مقابل الاسعار دي
موقف حصل مع ولاد عم ابني هما في ثانوى بمدرسه العروبه ودخلوها ايام الزمن الجميل كانت غاليه بس مش بالدرجه دي بيدفهوهم على الطلب 5 الاف ومع كده حطوهم بغرف صغيره كانت تستخدم للخزين عشان الطلبه الاي جي كترو فاضطرو يفضو ليهم دور بحاله عشانهم وعشان بيدفعو اكتر طبعا واكيد عملو تكييفات للدور دا والطلبه التانيه سابوها في الحر والقرف
هما شغلتهم هنا لم الفلوس وخلاصصصصصصصصصص
انا اللى نفسي فيه حد يفيدني بمدرسه برا المعادي

jana انا فعلا فكرت بموضوع مدرسه خارج نطاق المعادي يعني حته قريبه بس المشكله انا اصلا من الاسكندريه و بقالي يا دوب 3سنين هنا منهم سنه و نصف في زهراء مدينه نصر جنب شغلي في التجمع الخامس فعلشان كدة معرفش الدنيا هنا قوي و في حتت كتير معرفهاش

ربنا معانا كلنا وغريب اوي الموقف ده يا جنا مع ان العروبة دي مدرسة ليها سمعتها من زمان بس هي غالية اوي فعلا وبالمناسبة يا جنا انا فكرت نفس تفكيرك اني ادور في مدارس خارج المعادي وبالفعل السنة اللي فاتت دورت في مدارس الدقي لانها بجد تحفة نفس مستوي المدارس الغالية عندنا وباسعار اقل ذي مثلا نارمر الجديدة دي مصاريفها 4000 بس للاسف مافيش باص للمعادي وباباها رفض عشان البعد طبعا وفي مدرسة اسمها تشايلد هوم دي في شارع التحرير بالدقي وبيشكروا فيها اوي بس برده نفس مشكلة الباص وانا بفكر جديا في بورسعيد اللي في الزمالك
ايه رايكم يا بنات مدرسة عريقة وليها سمعتها من زمان وسمعت ان الباص بيدخل المعادي وده اللي شجعني افكر فيها بدل من نطاق المعادي الضيق ده ايه رايكم

[QUOTE=dodydoooo;9028147]ربنا معانا كلنا وغريب اوي الموقف ده يا جنا مع ان العروبة دي مدرسة ليها سمعتها من زمان بس هي غالية اوي فعلا وبالمناسبةيا جنا انا فكرت نفس تفكيرك اني ادور في مدارس خارج المعادي وبالفعل السنة اللي فاتت دورت في مدارس الدقي لانها بجد تحفة نفس مستوي المدارس الغالية عندنا وباسعار اقل ذي مثلا نارمر الجديدة دي مصاريفها 4000 بس للاسف مافيش باص للمعادي وباباها رفض عشان البعد طبعا وانا بفكر جديا في بورسعيد اللي في الزمالك
ايه رايكم يا بنات مدرسة عريقة وليها سمعتها من زمان وسمعت ان الباص بيدخل المعادي ايه رايكم

انا كمان جيت المعادي بقالى 3 سنين عشان كده معرفش مدرسه لا جنبها ولا فيها
وانا مش متحامله على مدرسه لعروبه دا اللى حصل بالفعل انا بقولك ان ولاد اخو جوزي فيها وهو اللى قالى كده

انا اصلا و با في ر حله البحث مع بنتي سمعتعن العروبه انها مابقيتش زي الاول لا من ناحيه المستوي التعليمي او الاخلاقي و حطي خطوط تحت الاخلاقي

دودي انت بتقولي علي مدرسه الزمالك مش بعيدة الزمالك ديه عن المعادي و لا ايه
و لو كويسه ممكن الواحد يفكر يدخل فيها