يا صبايا من منكم دخل قسم أنجليزي كلية التربية بالله أفيدوني هل هو صعب أم سهل ودائماً الناس يقلون أن بنات الأنجليزي غير من ناحية المظهر والتفكير وش رايكم بالمقولة تكفووون ردوووا لأني أعتبركم زي أخواتي ولأني أبي أدخله ؟؟؟؟؟

الصراحة انا متلك .. ما بعرف .. ويا ريت في حد يفيدنا .. لأني هادي الصيفية بدي ادخل .. ما بعرف ...
مع حبي ..

أهلين يا اختي وحياك الله الف مرة.
اولا انا خريجة ادب انجليزي كلية التربية من اكثر من خمس سنوات اذا عندك اي استفسار او تخوف ارجو عدم التردد في السؤال واعرف كم وحدة توهم متخرجين السنة اللي راحت من نفس الكلية. وتقبلي تحياتي ودعائي لك بالتوفيق

الله يعطيك العافية ياقلبي بصراحة أنا متخوفه من هالقسم مررررره ودي أخله لآني أدرس الآن في ثالث ثانوي علمي ويقلون أنه صعب وتعجيزي لازم أي وحده تدخله ترسب وتدبل كل سنه يعني (تعشش)هل هذا الكلام صحيح وأنا ماأبي كذا أبي قسم سهل مررررره وهل واجهتك صعوبات في دراستك هل لابد أن تكون اللي بتدخله عندها خلفية وبتعرف تتكلم ولا على عماها وخصوصاً في مدينةالرياض وهل الدكاترة معقدين أرجو الرد علي يا عسل مسعل والله يجزاك الله خيير ويوظفك

كيفك يا اخت اسيرة الجنان؟ انتي الان اهم شئ انتبهي لاختباراتك وخلي الامور هذي بعدين. اما من ناحية صعوبة القسم , فهو صعب في اول سنتين لانهم يضغطونك شوي ولازم يكون عندك خلفية جيدة في الانجليزي لان هم زي ما يقولون:ما هو دورهم يعلمونك انجليزي لكن دورهم يعلمونك ادب انجليزي. كثير من البنات تعيد سنة وتقريبا لازم كل بنت تكون حملت معها مادة او اثنتين طوال فترة الدراسة.لكن اذا عندك صبر وجلد وتحسين مخك مفتح مو متنح انا انصحك فيهم لانه صراحة احس ان اللي تتخرج من عندهم تكون انجليزيتها صح.يعني هي بس مسألة ضغط في البداية عشان كثرة اللي يبغون هذا القسم. اما جامعة الملك سعود فتتميز بانها تعطي كل المستجدات كورس تمهيدي للغة الانجليزية في البداية. لكن بصراحة التربية مستقبلها احسن ومخرجاتها التعليمية اقوى.اما بالنسبة للدكتورات فهم يتغيرون كل فترة والثانية.ونصيحتي لك هذي الايام لاتفكرين الا في مذاكرتك واللي يكتبه ربي لك فيه الخير ونعم بالله والله يوفقك ان شاء الله

السلام عليكم , انا خريجة من كلية التربية قسم اللغة الانجليزية بالنسبة للدراسة فهى تكون صعية بالنسبة للطالبة التى تعتمد فقط على المدرسة في تعلم اللغة ....اهم شي تحبين تتعلمين اللغة و الادب ,لانه في البداية ندرس الادب القديم وتكون اللغة مختلفة شوي في الكلمات و لما تدرسين حاولي تعرفيين اسلوب كل دكتورة و ماتركز علية في المحاضرة وما عليك من كلام البنات ...بعض الطالبات يحبون تخويف البنات ...وبالنسبة ان طالبات القسم مختلفين في المظهر و التفكير هذا حسب كل دفعة ...وليس شامل لكل الطالبات
فيه طالبات مثلا ولدوا في الخارج مثلا او تعلموا في معاهد و اصبحن ممتازات جدا ...لكن الاغلبية بنفس المستوى ونفس المدراس و طريقة تعلمنا ...الفرق ان كل طالبة تجتهد اكثر حتى تكون ممتازة و تنجح في جميع المواد , اهم شئ بالنسبة لكي هو انك تحبين اللغة و الادب و تكون القواعد صحيحة بقدر ما تستطيعين و استخيري و توكلي على الله و اتمنى لكي التوفيق ,

لو تدرسي في جامعة يكون احسن وافضل من كلية التربية
كلية التربية زي نظام المدرسة ينزلولك 11 ماده او 12 كل ترم ولازم تدرسيها كلهاااا وماعندك اي خيار
بس بالجامعة اسهل شوي لانو انتي تسوي جدولك بنفسك وانتي اللي تحددي وتختاري المواد اللي تبغيها يعني لو تدرسي 4 مواد خلال الترم عادي.. فيصير عندك فرصه انو تركزي على عدد قليل من المواد وتنجحي بإذن الله.. بس كلية التربية صعب انو تدرسي 12 مادة ولو رسبت بأربع مواد تبقي للإعادة ولو بقيت للإعادة مره تانية يفصولك.. لو حاسه نفسك ماراح تمشي او مانتي فاهمه شي بالانجلش لا تخاطري وتدخلي..
الله يوفقك استخيري قبل كل شي..