السلام عليكم ورحمة الله وبركاته


احب امسي على الجميع بالخير.......



موضوعي وبختصار ابي مساعده بسيطه منكم
الاسبوع الجاي ان شاء الله راح اطلع ميداني
يعني بطبق مستوى متوسط ..
خايفه بالمره ,, ابي ماتبخلون علي بنصايحكم..

عشمي فيكم كبير..




ذكراي الرحيل

وعليكم السلام ورحمة الله وبركاته..
حبيبتي لا تخافين ولا تحطي في بالك بالعكس التطبيق حلو وممتع .. أنا كنت مثلك قبل خايفة بشكل ما تتصورينه بس لما بديت وشرحت أكثر من مرة صار الوضع عااااااادي جداً..
ونصيحتي لك لا تخافي أكثر من اللازم خليك طبيعية وأهم شيء توكلي على رب العالمين ولا تنسين تقرين وردك وقبل ما تدخلين الفصل قولي: لا حول ولا قوة إلا بالله .. اللهم لا سهل إلا ماجعلته سهلا وأنت تجعل الحزن إذا شئت سهلاً سهل لي أمري يارب العالمين.. اللهم افتح لي فتوح العارفين بنعمتك وانشر علي رحمتك.. رب اشرح لي صدري ويسر لي أمري.. واذكري ربك لحد ما تهدين..
وإذا دخلتي الفصل لا تبدين بالشرح على طول أول شي سلمي واشملي الفصل بنظرة (تفقدية) وليس (تخويفية) ! وخلي بنت تمسح السبورة لحد ما تهدئين شوي وتتأقلمين مع الجو.. وحاولي ما تكون المشرفة معك في أول حصة..
أهم شيء التوكل على رب العالمين ومن ثم التحضير الجيد المسبق للدرس..
الله يوفقك وزميلاتك وكلللل البنوتات .... يا سلام شوقتيني للتطبيق<<< ههه ما كأني قبل كم أسبوع مخلصة !

الله يسهل لك ويوفقك

وان شاء الله ربي يفتح عليك وتنبسطي وتتمني الأيام تنعاد عشان تطبقي من جديد

في البدايه اكيد راح يكون صعب بس لاتحطي ببالك بالعكس اعطي نفسك محفزات بأنك قوية وراح تقدري تواجهي اي صعوبه وراح تتعاملي مع اي موقف ببشاشة ورحابة صدر


كوني مع الطالبات كالأخت الكبرى وليس كالأم يعني مو مره شديده ولا مره متساهله

وقلبي معاكِ

ترى ماجربت بس ان شاء الله بعد اسبوعين او ثلاثه حأجربـ