السلام عليكم ورحمة الله

الى بنات الامارات

حابه استفسر عن جامعة اللامارات بالعين

اول شي متى التسجيل للخليجيات ... شو اقسامها ..... والتسجيل للخليجيات سهل والا لا (لاني سالت وحده قالت لي لازم بعثه من دولتك عشان يقبلوني وذكرت انها عمانيه وماقبلو ابنها ....

وحده قالت لي ان قبول المواطنات انتهى بس الخليجين بعده ....

وبالنسبه للانجليزي ذكرو انه مهم بس يسون لك اختبار قبل ما تتدرسي المواد الاكاديميه طيب اذا وحده انجليزي عنده يمشي الحال صح هم يعطونكم كورست لمده سنه قبل صححح والا لا يعني ممكن الواحد عقب هالسنه يعدي الفاينل والا لا

الله يجزاكم خيررررررررررر افيدوني دار راسي من كثر ما اسال بس بنات لكي ان شاء الله غيررررر

واي شي بخصوص الجامعه فيدوني فيه الله يرضى عليكم لا تتاخرون علي


وجزاكم الله خيرررررررررر

وعليكم السلام ورحمة الله وبركاته

مرحبا اختي
بإذن الله اخواتنا من دولة الإمارات لن يبخلن عليك بالجواب على استفسارتك

موفقة بإذن الله

للأسف ماعندي فكره

عبارات جزاك الله خيررر واحنا في انتظر الاخوووووات

up

up

السلام عليكم و رحمة الله و بركاته...
للأسف أدري أنه ردي متأخر نوعاً ما ... و لكن أرجو الإستفادة منه..

اول شي متى التسجيل للخليجيات

بصراحة ما عندي فكرة...

شو اقسامها

تتكون الجامعة من 9 كليات و كل كلية تتكون من عدد من التخصصات يعني وااااايد أقسام
1: كلية العلوم الإنسانية و الإجتماعية
2: كلية التربية
3: كلية الإدارة و الإقتصاد
4: كلية الأغذية و الزراعة
5: كلية القانون
6: كلية العلوم
7: كلية الهندسة
8: كلية تقنية المعلومات
9: كلية الطب و العلوم الصحية

والتسجيل للخليجيات سهل والا لا (لاني سالت وحده قالت لي لازم بعثه من دولتك عشان يقبلوني وذكرت انها عمانيه وماقبلو ابنها ....

بصراحة مثل ما قالت الأخت لازم تحصلين على بعثة من دولتج أو واااااسطة بس ما أدري إذا شي
طرق ثانية بس أنا بنت خالتي عمانية حصلت على بعثة من عمان عشان تدرس في الجامعة..بس
لو عندج واسطة كل أمورج بتمشي تمام ... أنا أعرف فلسطينيات بالهبل في الجامعة دخلن بواسطة مواطن..

وبالنسبه للانجليزي ذكرو انه مهم بس يسون لك اختبار قبل ما تتدرسي المواد الاكاديميه طيب اذا وحده انجليزي عنده يمشي الحال صح هم يعطونكم كورست لمده سنه قبل صححح والا لا يعني ممكن الواحد عقب هالسنه يعدي الفاينل والا لا

قبل ما تدرسين في الجامعة تمحنين إمتحان السيبا في الإنجليزي بشكل أساسي + الرياضيات+ امتحانات تحديد المستوى في (العربي+ تقنية معلومات طبعاً كلها بالإنجليزي) و على حسب الدرجة يحطونج في المستوى و بعض البنات يخلصن في كورس و بعضهن في كورسين) بس ما أعتقد أنه نظام امتحان السيبا تغير..بس على فكرة القوانين تتغير...

هذا موقع الجامعة http://www.uaeu.ac.ae/

و هذا الرابط عن الكليات الموجودة في الجامعة طبعاً كله بالإنجليزي http://www.uaeu.ac.ae/academics/colleges.asp


و بالتوفيقـــــ

وعليكم السلام ورحمة الله وبركاته

جزاكِ الله خيراً أختي بارقة أمل..

تمنياتي لكِ بالتوفيق أختي (نسيت كلمة المر)..

وعليكم السلام ورحمة الله وبركاته ..

موفقة يااارب

مشكورة بارك الله فيك.