كيف حالك يا جوهره السعوديه ؟
بالنسبه لمبني العلوم الروائحه فيه عادي
بس انا ما سمعت إنه أحد أغمى عليه من الروائح
أما المعدل فكلامك صحيح اذا كان المعدل مو كويس يدخونك أي تخصص
شد حلك في الدارسه المستوي الاول دائما يكون سهله
للعلم اذا كانت درجتك حلو في المستوي الاول فعمدل يرتفع بطريقة عاليه
وفي المستوي الثاني
أما عند التخصص فالمعدل لا يرتفع زي السنه الاول حتي لو كانت درجتك حلو
حاولي تكسبي الدرجات من المستوي الاول و الثاني
عشان تجالسي مرتاح بعدين
انت ايش تخصصك علمي أو أدبي
أنا في خدمتك إذا تبغي أي شي ثاني
لا يردك إلا لسانك
نحن في العون بإذن الله

انا بغيت اسال عن نظام الحذف والا ظافة
لانى عندى مادة الاربعاء وبخليها فى يوم غير يوم الاربعاء لانو صعبة اجى عشان محاضرة وحدة ...........
وشكرا لك على الشرح الممتاز
ممكن سوال انتى فى اى مستوى وفى اى كلية
الله يوفقك يارب ...........

مشكوووووره حبيبتى
استفدت كثير منك

كتبت بواسطة جوهرة السعوديه

مشكورة قلب أختها على هذا المجهود الرائع

لا تشكرنني أخواتي ،، هذا واجبي

ممكن تقوليلي البلايز اللي أكمامها تجي قصيرة شوي يعني إلين ربع الكوع من فوق
لإني أشتريت بلوزة زي كذا وخايفة تكون ممنوعة لإنها مرةةة عجبتني

مو ممنوعة << بس ان شاءالله أكون فهمت قصدك!
عموماً الـ T-shirt مسموح بس ما يكون الكم مررة قصير، أقرب لأنه يكون بدون كم!

وكمان البلايز اللي تكون مفتوحة من فوق مو مرة بس شوي ممنوعة ولالأ ؟
لإني مني ناقصة إني أتهزأ أول يوم

وكمان البلايز الضيقة ممنوعة ولالأ ؟ ولا لازم تكون الملابس واسعة ؟

مو ممنوعة ،، ألبسي كل اللي تحبيه ،، بشرط إنه يليق بمكان طلب العلم

مشكورة ومعليش كثرت أسئلة ونسيت

لا أبدًا ما كثرتي << وأسألي كمان

بالنسبة للشنطة إيش أشتري أخاف أشتري صغيرة وماتكفي
وهل ممكن أشيل كتبي في يدي
وممكن توريني صورة شنطة ممكن تكفيني علما بأنني كلية علوم
وشكرا طولت عليكي

ممكن تشتري شنطة كبيرة، وتخلي كتبك فيها ،،
وممكن تشتري شنطة صغيرة، وتشيلي كتبك بيدك ،،
على حسب << يعني مثلا أنا من النوع اللي ما أحب أشيل في يدي عشان كدا شنطتي كبيرة ،، بس مو مرة كبيرة يعني شوية، وأقرب للوسط << فاهمة قصدي ،،
بس صاحبتي تحب تكون شنطتها صغيرة، يادوب تكفي دفتر وكتاب ،، وتشيل الباقي على يدها ..

وترى ممكن أيام ما يكون عندك محاضرات كثيرة فشنطة صغيرة تكفي كتاب ولا اثنين ،، وممكن العكس ،،
وفيه مواد انتِ ما حتحتاجي تجيبي الكتاب معاكِ الجامعة، بس دفترك ،، !

و اذا كان على صورة، بأدورلك << بس زي ماقلتلك عادي في الجامعة ترى على كيفك زي ماتحبي،، بس أغلب البنات شنطهم تكون وسط أو تكون صغيرة ،.
شكلي توهتك زيادة !!

نسيت أقولك دامك علوم << أظن الأفضل شنطتك تكون كبيرة أو وسط ،، لأنك يمكن تحتاجي كتب كثير وملازم
صاحبتي في العلوم دايمًا أشوفها شايلة كتبها على يدها ،، وكمان شنطتها شوي كبيرة أو وسط ،.

يا بنات فتحوا الحذف والإضافة من الصباح ،.

كتبت بواسطة مرافئ الوداد

انا بغيت اسال عن نظام الحذف والا ظافة
لانى عندى مادة الاربعاء وبخليها فى يوم غير يوم الاربعاء لانو صعبة اجى عشان محاضرة وحدة ...........
وشكرا لك على الشرح الممتاز

اتبعي نفس الخطوات اللي ذكرتها لفتح الجدول ،، بس آخر خطوة لا تختاري الجدول الدراسي ،،
اختاري الحذف والإضافة << تلاقيها تحتها بشوية في نفس الصف ،.
و اذا استصعب عليك شئ << اسأليني

ممكن سوال انتى فى اى مستوى وفى اى كلية
الله يوفقك يارب ...........

أنا كلية ادارة واقتصاد ،، المستوى الرابع ،،
أجمعين يااااااااارب ،.

مشكوووووووووووورة والله موضوعك مرة مفيد و حيفيد كل البنات اللي حا يدخلوا الجامعة

مشكورة قلب أختها والله يوفقك
جزاك الله خيرا
وبالنسبة لك صيبا أنا تخصصي علمي وجزيت خيرا
دمتم بخير

كتبت بواسطة ^شوووق للجنان^

وفقك الرحمن أختي قلب أختها أشياء جدا هاااااااامة وحسيت تفيد الكل ..

اللهم لك الحمد << يارب الكل يستفيد

نورتِ شوووق

عاجبتني ..

<< فرحانة!

الله يسعدك ويجعله في موازين حسناتك

ياااااارب آمين ،،
ويسعدك ربي