كان يا ما كان ...
يا سعد يا اكرام ....
ولا يحلى الكلام الا بذكر النبى عليه أفضل الصلاة والسلام
من زمان بعييييييييييييييد ...........
ما كانش فيه كمبيوتر ولا نت ولا منتديات
وأكيد ما كانش فيه أصحاب حلوين زيكم
كان فيه بنوتة صغيرة
كانت بتشوف مامتها
(ربنا يخليها لها قولوا يا رب)
وهى قاعدة بتشتغل تريكو
وتتمنى انها تتعلم التريكو عشان تعمل زى مامتها
أصل أنتم ما تعرفوش مامتها دى شاطرة فى التريكو أد ايه
كانت بتعمل لها هى واخواتها كل لبسهم تريكو × تريكو
يعنى فساتين وتاييرات وبدل وبونيهات وبنطلونات ... كل حاجة
اللى هوة بنظام دهب... ياقوت... ألماظ
هههههههههه
وكانت من كتر شطارتها تشتغل بسرعة جامدة
وطبعاً زمان كانت ابر التريكو ألومنيوم
فكانت الابر (اللى هى السنارتين) من السرعة تعمل صوت جميل أوى بتحبه البنوتة الصغيرة
وكانت كمان ممكن تشتغل وهى بتتكلم او وهى بتتفرج على التليفزيون
من غير ما تتلخبط او الشغل يبوظ منها
فالبنوتة الصغيرة كان نفسها تتعلم وتبقى شاطرة زى مامتها
وتشتغل بسرعة من غير ما تبص على الشغل
وتعمل أحلى صوت بالسنارتين وهمة بيخبطوا فى بعض
وراحت الأيام وجت الأيام
والبنوتة اتعلمت التريكو
بس طبعاً عمرها ما وصلت لشطارة مامتها
ولا الابر بتعمل الصوت الجميل
لأن ما فيش ابر ألومنيوم دلوقتى
ولا هى طبعاً سريعة زى مامتها
ههههههههههههه
المهم الوقت اللى البنوتة اتعلمت فيه التريكو
كان برضه موضوع النت ده والمنتديات والحاجات دى برضه لسة يعنى ما انتشرتش أوى
فكانت البنوتة بتعتمد على الكتب والمجلات كمصادر تجيب منها الغرز والموديلات
هى البنوتة مش كبيرة ولا حاجة
هى برضه لسة صغنونة
ههههههههههه
يا ترى عرفتم مين البنوتة
أيون
برافو عليكم
البنوتة هى اختكم رونا
وفى الوقت ده كنت غاوية وما زلت انى اعمل عينات للغرز وأشيلها
وبعدين بأة راحت الايام وجت الأيام
والحقيقة رغم ان النت بألاقى فيه كنوز للتريكو
لكن ما أخبيش عليكم
الكتب والمجلات برضه كان فيهم حاجات تحفة
والغريب انى رغم الزخم الموجود على النت
ما لقيتش زى الحاجات بتاعة الكتب والمجلات
طيب ايه المقدمة الطويلة دى كلها يا رونا
احنا دخلنا قسم الحواديت غلط ولا إيه؟؟؟!!!
لأ خلاص
أنا بأة هأوريكم النهاردة مجموعة من الغرز
مش هتلاقوها على النت أبداً
لأنها من كتب ومجلات قديمة
فانا حبيت انى أعرض عليكم مجموعة منها
واللى حابة انها تعرف طريقة أى واحدة منهم
أنا مستعدة أنزل لها الشرح
موافقين
طيب يلا شدوا الأحزمة
عشان نبدأ الطيران فى سماء التريكو اللا نتى
اللى هوة مش من الانترنت
ههههههههههههه
دى أول غرزة
نشوف غرزة تانية
تالت واحدة
كمان واحدة
وكمان واحدة
شايفين الحركة اللى عليها الاطار الاحمر
كأنها تجزيعة كدة فى الغرزة
حركات
ههههههههههههههه
وكمان واحدة عشان خاطر الحلوين
وواحدة كمااااااااااان
وآآآآآآآآآآآآآآآآآآآآآآآآآآآخر واحدة
أتمنى تكون المجموعة عجبتكم
مع الأخذ فى الاعتبار ان دى سنة أولى تريكو
مستنية آرائكم وطلباتكم
واذا عجبكم الموضوع
عندى حاجات حلوة تانية كتيييييييييييييييير
باى باااااااااااااااااااااااااااااااى
فى أمان الله
الروابط المفضلة