مرحبا السلام عليكم
درس اليوم هوي عبارة عن ثيم مخصص بالفلنتاين والحب والقلوب وهي الامور استغليت ه الفرصة تاعمل قلب زغير من الكروشيه بس ازا لاحظتو منيح رح تلاقوه زغب يعني كانو فيو ريش وهالشي اللي خلاه كيوت بقى حضرو حالكون لنبلش الدرس
الباترون :
(ليلّي بيحبّو يحملوه PDF من هون)

1/ نبلش بـ 5 غرزات حشو ولا تنسي تعلمي الغرزة الاولى
2/ غرزتين بكل غرزة ------بيطلع معنا 10 غرزات
3/ غرزة,غرزتين بنفس الغرزة (نكرر هالعملية 5 مرات ) ------ 15 غرزة
4/ غرزة,غرزة,غرزتين بنفس الغرزة (نكرر ه العملية 5 مرات )----- 20 غرزة هون نكون خلصنا قاعدة القلب تزكرو انو شغلنا بيبلش من فوق يعني بدنا دائرتين لنشكل القلب ,لحديت هلأ خلصنا دائرة ارجعي اتبعي الخطوات اللي عملناها منشان يصير في عندك دائرتين
5/اضيفي الدائرتين مع بعض واشتغليهن عادي بدون اي زيادة يعني رح يطلع معك ----- 40 غرزة (الدائرة الاولى 20 + الدائرة التانية 20 غرزة )
6/ 7 غرز, اشتغلي غرزتين مع بعض بيعطونا غرزة وحدة (عم نّقص الشغل), 2 غرزتين ,غرزتين مع بعض, 14 غرزة,غرزتين مع بعض,2 غرزة , غرزتين مع بعض,7 غرزات ----- 36 غرزة
7/ غرزتين مع بعض, 4 غرزات, غرزتين مع بعض, 2 غرزات, غرزتين مع بعض, 6 غرزات (نكرر العملية مرتين)------30 غرزة
8/ 5 غرزات, غرزتين مع بعض, غرزة, غرزتين مع بعض, 10 غرزات, غرزتين مع بعض , غرزة, غرزتين مع بعض, 5 غرزات------26 غرزة
9/ 4 غرزات, غرزتين مع بعض, غرزة, غرزتين مع بعض, 2 غرزة, غرزتين مع بعض (نكرر هالعملية مرتين)-----20 غرزة
10/ 2 غرزة, غرزتين مع بعض, 2 غرزة, غرزتين مع بعض, 4 غرزات , غرزتين مع بعض, 2 غرزات, غرزتين مع بعض, 2 غرزة------16 غرزة
11/ 2 غرزة, 2 غرزتين مع بعض, 4 غرزات, 2 غرزتين مع بعض, 2 غرزة-----12 (هون بلشو احشو القلب بس مو كتيير بس النص مشان الحشو ما تلبك الشغل وقت منجي نقفل)





12/ 4 غرزات, غرزتين مع بعض (منكرر ه العملية مرتين)-----10 غرزات
13/ 3 غرزات, غرزتين مع بعض (منكرر هالعملية مرتين)----8 غرزات هون منكفي الحشو كلا
14/ 2 غرزة, غرزتين مع بعض (منكرر هالعملية مرتين) -----6 غرزات
بعد ما نخلص نخيط القفل كلو ومنكون خلصنا

بعد ما نخلص نخيطٌ الفتحة كلا ومنكون خلصنا
ps:جربت وضّح الشرح وبسطو قد ما فيي وهاد اللي طلع معي بتمنى تستفيدو منو وما تلاقو اي صعوبة

ملاحظة:
مشان تعمل ه الزغب اللي على القلب بنجيب مشط للشعر ما منعوزو يعني ما عم نستعملو ونمشط فيه القلب كلو لا تخافي من هالخطوة
لانو خيط الصوف بينمشط بسرعة بس هالمرحلة منعملها قبل الحشو مشان ما يطلع معنا اي تفاصيل غير مرغوب فيها

والنتيجة هيك بتكون

جربوها وناطرة التطبيقات من عندكون

السلام عليكم

يييييي كتير حبيتو للقلب عنجد كيووووووت
رح بلّش التطبيق بالويكند وان شالله يطلع حلو


يسلمو كتير عالدرس المبسّط 3>

الله يسلمك حبيبتي ورح اشرف شخصيا على انو تطبقيه
بتمنى تحطي صور لتطبيقك مشان نشوف جمالية الالوان

تسلم الايادي شكلوا رائع جدا يعطيك العافية

سهل وبسيط

نقل موفق

جميل جدا غاليتى وثيم القلب والحب ليس مخصص لعيد الوثنيين
بل يحمل فى اسلامنا معان اجمل وارقى واطهر حبنا لله وروسوله وحبنا لشرعه وحبنا لبعضنا لنيل محبه الله وووو .....
اذا رايتى القلب تذكرى هذا الحب الطاهر واملئي الركن بتلك القلوب الجميله التى تدل على طهاره قلبك ورقه احساسك ..

تسلمي غاليتي

راااااائع

كتبت بواسطة فينوس الجميلة

سهل وبسيط

نقل موفق

شكرا على المرور
حبيبتي هاد مو نقل هاد مجهودي الخاص ولو كان منقول كنت كتبت انو منقول

كتبت بواسطة Rana363

جميل جدا غاليتى وثيم القلب والحب ليس مخصص لعيد الوثنيين
بل يحمل فى اسلامنا معان اجمل وارقى واطهر حبنا لله وروسوله وحبنا لشرعه وحبنا لبعضنا لنيل محبه الله وووو .....
اذا رايتى القلب تذكرى هذا الحب الطاهر واملئي الركن بتلك القلوب الجميله التى تدل على طهاره قلبك ورقه احساسك ..

تسلميلي اكيد ديننا الحنيف لا يخلو من الحب والتسامح والالفة شكرا على التنبيه جاري التعديل

كتبت بواسطة حماس العقيدة

تسلمي غاليتي

راااااائع

شكرا على المرور نورتي

ماشاء الله روعه جدا جميلة

حلوو كثير
ربي سلم اديكي وما يحرمنا من عطاءك