كيفكم حبايبي ان شاء الله الكل في صحه وعافيه
حابه اعمل سالوبيت لابن اخي باتريكو هذة صورة
عمري ما عملت سالوبيت تريكو دخلت على اليوتيوب بس يطلع كروشيه لو في وحدة تعرف فيديو
لعمل سالوبيت تريكو تنزله في المنتدى او ورشه لعمل سالوبيت ارجاء مساعدتي ولكم جزيل الشكر

و عليكم السلام و رحمه الله و بركاته

ان شاءالله بنات التريكو تدخل و تلبي طلبك اختي الكريمه ..
ينقلالموضوع للركن المناسب ..

بسـ الله الرحمن الرحيم ـم


أنا أيضاً لم أنفذ سالوبت أطفال

لكن بالبحث على جوجل وجدت لكِ هذا الشرح بإذن الله يفيدك

وتقوليلنا النتيجة





المواد المطلوبه:
صوف اللون كما تحبي
(350-400)جرام
ابر تريكو مدببه ودائرية مقاس 5
ومقاس 4 للبليسيه
زراير خشب 5-5-6 (6-6)قطعة


ملاحظه:


فتحات الزراير فى هذا الموديل
هنقفل عشان فتحات الزراير فى البرواز الامامى اليمين كالتالى هنشتغل الغرزة الثالثة والرابعه من البرواز الامامى معا ثم هنعمل لفه وفى السطر التالى هنشتغل اللفه عدل
هنقفل عشان فتحات الزراير عندما يصل الطول الى:
مقاس1/3شهور=24, 31, 38 , 45سم
مقاس6/9شهور=28, 37, 45 , 53سم
مقاس12/18شهور=32, 40, 48, 55 , 62سم
مقاس2سنه=34, 42, 50, 58 , 67سم
مقاس3/4 سنه=39, 47, 56, 65 , 74سم
ملاحظه اخر فتحة زرار هنعملها على برواز الرقبه


شرح السالوبيت
الرجل:
_هنشتغل الرجلين فى وقت واحد
*هنبدأ بعمل 44-48-52 (56-60)غرزة لكل رجل ونشتغل سطر عدل ثم هنستمر بعمل البليسيه(2ع,2م)ونكرر مابين الاقواس
*عندما يصل الطول الى 12 سم هنستمر بعمل غرزة القماشةوفى نفس التوقيت هنقص 10-12-12 (12-12)غرزة على مدار السطر سيصبح عدد الغرز بعد التنقيص=34-36-40 (44-48)غرزة
*عندما يصل الطول الى 14سم هنزود غرزة من كل جانب ونكرر التزويد كل 2-2-3 (4-5) سطر لمدة7-8-9 (9-10)مرات سيصبح عدد الغرز بعد جميع التزويدات=48-52-58 (62-68)غرزة
*عندما يصل الطول الى 21-24-28 (31-36)سم هنقفل غرزتين من كل جانب سيصبح عدد الغرز=44-48-54 (58-64)غرزة




جسم السالوبيت:


هنشتغل الوش والظهر معا
*عندنا على السنارة دلوقتى 88-96-108 (116-128)غرزة
*هنبدأ اول سطر كالتالى هننشأ3غرز جديده ثم هنشتغل كل الغرز عدل وفى نهاية السطر هننشأ3غرز جديدة سيصبح عدد الغرز=94-102-114 (122-134)غرزة
*هنضع علامه بعد 25-27-30 (32-35)غرزة ثم علامه اخرى بعد 44-48-54 (58-64) غرزة لمعرفة الظهر من الوش عشان اما نيجى نفصلهم عند حردة الباط
هنستمر بعمل غرزة القماشة مع عمل 5غرز طوق من كل جانب للبرواز الامامى
*فى نفس الوقت عندما يصل الطول الى 24-28-32 (34-39)سم هنبدا بعمل فتحات الزراير كما هو مشروح فى اول الموضوع على البرواز الامامى اليمين
*عندما يصل الطول الى 45-53-61 (65-71)سم هنقسم الشغل اتنين من عند العلامات وهنشتغل الظهر لوحده والأمام لوحده




الظهر:


_عدد الغرز= 44-48-54 (58-64)غرزة
_هنستمر بعمل غرزة القماشة وفى نفس الوقت هنزود غرز جديدة عشان الكم من كل جانب فى نهاية كل سطر كالتالى
3غرز 2-1-3 (1-2)مره
5غرز 1-2-1 (2-2)مرة
7غرز 1-1-1 (2-2)مرة
9-10-11 (14-16)غرز مرة واحدة
سيصبح عدد الغرز بعد التزويدات= 98-108-118 (140-156) غرزة
_عندما يصل الطول الى 55-64-73 (78-85)سم هنقفل ال16-18-18 (20-20)غرزة اللى فى المنتصف عشان حردة الرقبة ونشتغل سطرين فوق ال 41-45-50 (60-68)غرز المتبقيه لكل ناحية ثم نقفل العمل




الجزء الامامى الشمال:


_عدد الغرز=25-27-30 (32-35)غرزة
_هنستمر بعمل غرزة القماشة مع عمل 5غرزة الطوق للبرواز الامامى
_فى نفس الوقت هنزود غرز جديده عشان الكم من الجانب فى نهاية كل سطر كما هوا مشروح فى الظهر
_سيصبح عدد الغرز بعد التزويدات =52-57-62 (73-81)غرزة
_عندما يصل الطول الى 52-61-69 (74-81)سم هنقفل 5-6-6 (7-7)غرزة ناحية الرقبه ثم هنقص عشان حردة الرقبه كالتالى
غرزتين مرتين
غرزة مرتين
سيصبح عدد الغرز=41-45-50 (60-68) غرزة
_هنقفل الشغل عندما يصل الطول الى 56-65-74 (79-86) سم


الجزء الامامى اليمين:


زى الجزء الامامى اليسار ولكن معكوس مع عمل فتحات الزراير


*هنوصل القطع ببعضها ونخيطها


برواز الرقبه:


_هنلقط حوالى 52 _65 غرزة حول الرقبة
_هنشتغل 4 سطور غرزة الطوق فى نفس الوقت فى السطر التانى هنقفل اخر فتحة زرار على نفس مستوى فتحات الزراير الاخرى ونقفل الشغل من الناحية الخلفية للعمل




برواز الكم :


* هنلقط 32-36-36 (40-40)غرزة هنشتغل سطر مقلوب ونستمر بعمل البليسية (2ع,2م)
*هنقفل عندما يصل الطول الى 5سم

الشرح منقول

إن شاء الله الشرح يفيدك