معلش يا جماعة انا لسة مبتدأة ف التريكو .. أنا لقيت نفسي باخد مقاسات أكبر من السنارة نفسها .. إيه اللي يحصل بقى ف الحالة دي ؟؟

انا مش خبيرة تريكو
بس برضو ما فهمت السؤال..
ممكن توضحي

يعني مثلاً حبيت أبدأ بطاقية لبنتي أخدت دوران راسها وجيت أنفذ لقيت الغرز عايزة إبرة قد اللي معايا مرتين

حبيبتى مش معقول الكلام ده ابدا
شوفى ياقمر اول حاجة تعمليها حتى لو كنتى خبيرة فى التريكو انك تعملى عينة من عشر غرز مثلا وتشتغلى كام سطر وتقيسى العينة عرضها اد ايه وانتى محتاجة عرض اد ايه ومنها تقدرى تحسبى عدد الغرز اللى عايزاه ( دايما تلاقى على الخيط عينة 10×10سم) ويقولك ان العينة كام غرزة فى كام سطر ومع ذلك انا برضه بعمل عينة لنفسى

لكن الابر بتكفى اى مقاس ايا كان حجمه
موفقة يا اختى

اللي فهمته ان عدد الغرز على السناره كثير ,
اذا صح فهمي , ماعليك اضغطي الغرز على بعضها مابيأثر على الشغل .

بسـ الله الرحمن الرحيم ـم


اللي فهمته إنك عايزة مقاس غرز البداية

تكون مساوية لمحيط الرأس

لو بالكروشيه ممكن لكن بالتريكو الموضوع مختلف

بطريقة العينة كما ذكرت الأخوات

بتضربي عدد غرزات العينة في الطول المطلوب

وتقسمي على طول العينة

صح كلام الاخوات لازم تجربى عينة الاول وتقيسى تشوفى مقاس بنتك هاياخد كام سم وتقيسيه على العينة و تقررى هاياخد كام غرزة

ربنا يخليكوا ليا وشكراً جداً على اهتمامكم .. يعني اي شغل اعمل المعادلة دي مش كدة ؟؟ لو كدة انا فهمت خلاص شكراً
بس انا حبيت اوضح للي مش فاهم قصدي :
دوران راس بنتي لقيته ١٨ انش وسنارة التريكو اقل من كدة بكتير .. انا عارفة موضوع ضغط الشغل على بعضه ده بس انا ماكنتش عارفة اقيس سطر البداية ازاي ... بس ربنا يخليكم وضحتولي وانا كنت أول مرة أعرف اني لازم اقيس غرز الخيط الأول
شكراً كمان مرة على توضيحكم