السلام عليكم ورحمة الله وبركاته
ازيك يا حلوات يا رب تكونوا بخير
انا لما نزلت البلوفر اللى عملته فى العيد كتير من البنوتات طلبوا الطريقة وخصوصا ام عزوزى اللى مش هتسبنى فى حالى هههههههه
وده تطبيقى
http://www.lakii.com/vb/showthread.php?t=755934
بس كنت انا عامله من ورشة من منتدى اخر لاخت رائعة فاضلة اسمها جوهرة البدر
وعلشان البنات طلبوا الخطوات تم استئذانها ووافقت هى جزاها الله كل خير بشرط ان الاسم الاساسى للموضوع يتم الحفاظ عليه
وهو اسم بلوفر مهند
فأنا جبت ليكم الخطوات
اتمنى ليكم ورشة ممتعة مع الاخت جوهرة
بسم الله نبدأ
اول حاجة
وهنبدأ بأخذ القياس
فى الصورة ده مقاس محيط الصدر وبناءا عليه نحدد عدد الغرز المطلوبة فى هذا الجزء
لان البداية من اسفل وممكن تكون عددها اقل فبنزود غرز فى اول سطر بعد البليسيه عشان نوصل للمقاس المظبوط
عند محيط الصدر
هنا هنقيس عشان نحدد عدد الغرز اللى هنبدأ بيها البلوفر وهيكون عددها زوجى
وهنزود حوالى 2 سم عشان التلبيس
يعنى مثلا فى بلوفر مهند {مقاس 3 سنين } كان القياس هنا 52 سم فى المحيط كله زودنا 2سم
يبئى 54 اشتغلت سلاسل قد المقاس ده طلعت 126 سلسلة وانا خليتهم 128 س
لان الغرزة اللى اشتغلت بيها البلوفر بتحتاج غرز عددها مضاعفات الرقم 8
و128 من مضاعفات 8
وكمان يقبل القسمة على 14 او 16 عشان الصدر والظهر يكونوا متساويين
كلام مهم ركزوا جااااااااااااااامد 900){this.width=900}" alt="مش فاهمة هو ايه اللي حصل" border="0">
ولان البيبهات محيطات جسمها مقارب من بعضه يعنى القياسات مبتفرقش اوى فممكن منحتاجش نزود غرز
وفعلا عدد الغرز فى البلوفر عندى فى محيط الصدر 64 فى الصدر و64 فى الظهر يعنى 128
ودى مقاسها بالمازورة 35 سم
لكن ممكن المقاسات الكبيرة شوية يكون الاولاد اعرض فى منطقة الصدر
والحل اننا فى كل غرزة مكونة من 8 اعمدة بنعملها على 7 اعمدة بليسيه بس ونعمل في العمود رقم 4 من ال 7 دول 2ع مع بعض فى اول سطر بعد البليسيه مباشرة فقط ........وده يتكرر فى كل غرزة مكونة من 8 ع
الروابط المفضلة