السلام عليكم ورحمة الله وبركاته
وانا باتمشي زي عوايدي في النت
لقيت شرح الفستان الجميل ده
وكنت مستنيه ابدأ فيه واصور الخطوات
بس لقيت نفسي متعطله
قلت خلاص بقي انزل الخطوات اللي لقيتها مع شرح مبسط
بس معلش مبدئيا وعلشان مااشتغلتش بايدي مش حااعرف تغيير عدد الغرز تبعا للمقاسات المختلفه
يعني حاالتزم بالعدد الموجود في الشرح لكن لو عملته اقدر اعرف تقدير عدد الغرز للمقاسات المختلفه
تبعا لنتيجه شغلي للفستان
ويارب تستفيدوا من الورشه الجميله دي
بسم الله
ابدئي علي 120 غرزه
السطر 1- حشو
السطر 2و3
اعملي اعمده
السطر 4- عماويد
السطر 5- اعملي 3سلاسل وسيبي غرزه واعملي غرزه حشو في الغرزه التاليه لها
السطر 6 كرري السطر 5
السطر 7
في كل لوب مكون من 3سلاسل اعملي 3عمود
اعملي سطر عماويد خلفيه عمود علي كل عمود
كرري كمان مره من اول سطر اللوبات
وده شكله لما حانثنيه
كرري اللوبات فقط
بسم الله
بعد ماعملت سطر اللوبات
عملت سطر لوبات كمان بس من خلف السطر ده
كده
السهمين بيشيروا الي السطرين وزي ماانتوا شايفين عاملاهم خلف بعضهم
وحاتكمل علي السطر الخلفي وتترك الامامي ياخد بروز يدي شكل جميل للفستان
علي اللوبات الخلفيه بتعمل عمود-سلسله- ثم( عمود في اللوب التالي ثم سلسله )وكرري مابين القوسين حتي نهايه السطر
حاتبدئي الغرزه
السطر 1
(عمودين -2سلسله-عمودين)في اول لوب من السطر السابق -ثم 6سلاسل-و(سيبي لوب وفي اللوب التالي اعملي عمودين-سلسله-عمودين) وكرري مابين القوسين
وده شكل الشغل لغايه السطر ده
الروابط المفضلة