إلى الغالية شوشو... وكل الحلوات اللى يحبوا يشتغلوا غرزة ورقة الشجر وهى الحقيقة من الغرز الجميلة أوى اللى بتدى جمال وابهار لشغل التريكو

شوفوا مثلا الطعامة دى

الغرزة بتتبنى اساسا من غرزة واحدة ويفضل العدد يزيد بشكل تدريجى لغاية حد معين هو اقصى عرض للغرزة وبعدين يرجع ينقص برضه بالتدريج لغاية ما يرجع العدد الى غرزة واحدة مرة تانية

يعنى الغرزة بتمر بـ 3 مراحل:
1) مرحلة الزيادة التدريجية فى عدد الغرز نتيجة عمل اللفات بدون تنقيص
2) مرحلة الثبات
3) مرحلة التناقص التدريجى فى عدد الغرز والعودة إلى العدد الاصلى (1 غرزة)

وبرضه نقدر نتحكم فى عرض ورقة الشجر وطولها حسب الرغبة اوالباترون

احنا دلوقت هنقول الحجم المعتاد

ناخد بالنا طبعا ان عدد الغرز مش هيكون ثابت فى كل السطور

دلوقتى هنبتدى نشرح الغرزة بالتفصيل

زى ما قلنا الغرزة بتتكون من غرزة واحدة طولها 24 سطر

لاحظى أنه:

(ع = عدل) & (م = مقلوب)

الاسطر الزوجية للغرزة كلها مقلوب


نبدأ بأة تكوين ورقة الشجر

على بركة الله

المرحلة الاولى: (الزيادة)

السطر 1:
1ع

السطر 2:
1 م


السطر 3:
لفة – 1 ع – لفة
)بحيث يكون العدد النهائى للغرز فى السطر ده 3غرز(

السطر4:
3 م



السطر 5:
1 ع – لفة – 1 ع – لفة – 1 ع
(بحيث يكون العدد النهائى للغرز 5غرزة(


السطر6:
5 م



السطر 7:
2 ع – لفة – 1 ع – لفة – 2 ع
(بحيث يكون العدد النهائى للغرز 7غرزة)

السطر 8:
7 م


السطر 9:
3 ع – لفة – 1 ع – لفة – 3 ع
(بحيث يكون العدد النهائى للغرز 9غرزة)

السطر 10:
9 م


السطر 11:
4 ع – لفة – 1 ع – لفة – 4 ع
(بحيث يكون العدد النهائى للغرز 11غرزة)

السطر 12:
11 م


وفى نهاية المرحلة دى بيكون شكل الورقة كدة

المرحلة الثانية: (الثبات)

السطر 13:
11 ع

السطر 14:
11 م

المرحلة الثالثة: (النقصان)

السطر 15:
(ا سلت – 1 ع – اقلبى المسلوتة على العدلة) – 7 ع – 2 ع معا
(بحيث يكون العدد النهائى للغرز 9 غرزة)

السطر16:
9 م


السطر 17:
)ا سلت – 1 ع – اقلبى المسلوتة على العدلة) – 5 ع – 2 ع معا
(بحيث يكون العدد النهائى للغرز 7 غرزة)

السطر 18:
7 م


السطر 19:
(ا سلت – 1 ع – اقلبى المسلوتة على العدلة) – 3 ع – 2 ع معا
)بحيث يكون العدد النهائى للغرز 5 غرزة(

السطر 20:
5 م


السطر 21:
(ا سلت – 1 ع – اقلبى المسلوتة على العدلة) – 1 ع – 2 ع معا
)بحيث يكون العدد النهائى للغرز 3 غرزة(

السطر 22:
3 م


وهنا شكل الورقة أثناء عملية التنقيص

ده من الظهر

وكمان صورة من الأمام

وهنا خلاص باقى على الحلو خطوة

السطر 23:
غرزة ثلاثية: 2 سلت – 1 ع – اقلبى المسلوتين على العدلة
(بحيث يكون العدد النهائى للغرز 1 غرزة)



السطر 24:
1 م


ودى آخر مرحلة فى التنقبص (لما بيتبقى عندى 3 غرز على الابر بنشتغلهم مع بعض)

وهنا بأة الشكل النهائى للورقة

الله يعطيك العافيه

كتبت بواسطة شوق المحب

الله يعطيك العافيه

ويعطيكى ألف عافية حبيبتى
مرسى على مرورك
كل سنة وانتى طيبة

أما بأة هنا فده تطبيقى أنا للغرزة
يا رب يعجبكم