حاولت ان اكتب كلمات فيها عذوبة
ورقة وجمال
فوجدت انكم
انتم العذوبة &&&وانتم الرقة &&&وانتم الجمال
فبقلب ملئ بالمحبة وفؤاد ينبض بالمودة
اقدم لكم شرحي البسيط لعمل تلبيسة لعلبة المناديل ونزولا عند طلب الاخت محيرة البشر يلي حيرت الجميع بشرحها
ملاحظة
الخيط بيلعب دور كبير بجمال القطعة
وانا للاسف ما عندي خيط يقوم بهالمهمة
بس حاولت تطلع مقبولة شويه
نبدأ بعمل سلسلة من 20 غرزة ونغلقهم بمنزلقة
الدور الاول لك الاختيار اما تعملي داخل كل غرزة عمودين الى نهاية الدور او بتعملي داخل كل غرزة عمود والدور التاني بتعملي فوق كل عامود عمودين المهم بصير معنا 40 عمود انا عملت الاختيار التاني
وبنهاية الموضوع حتشوفوا الاختيار الاول
اذا اول دور 20 عمود
تاني دور فوق كل عمود عمودين 40 عمود
التالت نفس الشي بدون زيادة
اما الدور الرابع بتشتغلي 20 عمود 4س وبتكملي شغل 20 عمود الباقيين 3س وغرزة منزلقة
الدور الخامس بترتفعي 3س وبتشتغلي عواميد حتى توصلي ل4س اعملي داخلهم خمس عواميد وكملي الدور ونفس الشي من الجهة المقابلة وبداخل السلاسل الربعة منعمل 5 عواميد
ومنغلقهم بمنزلقة
الدور السادس كلوا عواميد واذا وجدتي انوا الشغل زم او كرنش معك شوي زودي فوق ال5 عواميد عامودين عامود من الاول وعامود من الاخير وهادا حسب الصوف
الدور السابع ممكن تغيري الغرزة وتعملي عامود خلفي وعامود امامي من دون زيادة انا عملت هيك بس ما كفى الخيط فغيرت الغرزة وعملت مربعات بس صورته قبل ما اعيد
الدور التامن عملت داخل المربعات عمودين وفوق العمود عمود وكملي بنفس الطريقة
وباقي الادوار عواميد
اعملي عشر ادوار
الدور يلي بعده اعملي 4س اتركي عمود واشتغلي عمود يلي بعده الى نهاية الدور
الدور يلي بعده اعملي 3س وداخل المربع عمود سلسلة وداخل المربع عامود الى نهاية الدور
وكملي 8 ادوار بنفس الطريقة
عمل الكرانيش لفتحة العلبة
اتركي اول صف من العواميد وثبتي الخيط بالصف التاني ارتفعي 3س ودخلي السنارة من تحت العامود واعملي غرزة حشو ثم اعملي 3س اتركي عامود ومن تحت العمود يلي جنبه اعملي غرزة حشو وهكذا ال نهاية الدور
هلا داخل كل قوس اعملي اربع مواميد وغرزة حشو ويلي بعده اربع عواميد وغرزة حشو حتى ينتهي الدور
الدور التاني فوق كل عامود اعملي عمودين يعني الاربع عواميد بيصيروا 8 عواميد وفوق غرزة الحشو اعملي عامود واحد وهكذا الى نهاية الدور وبطلع معك كرانيش رائعة
وهادا شكل الغطاء النهائي وزينوا بوردة
وهادا شكلها من الاسفل واذا طلعت واسعة معك من تحت دخلي مطاط حتى تثبت او اعملي
اخذت الشرح من موضوع الاخت محيرة البشر اسم على مسمى هههههههههوه بس ما كان مفهوم وحاولت حتى طلعت نتيجة معقولة
تقبلوا شرحي بصدر رحب
اطلت عليكم بس لاني اسبوع ومسافرة وحبيت استفيض بالشرح
لاني حشتاق للمنتدى
فطلعت كل اشتياقي لكم بالشرح
ههههههههههههه
دعواتكم لي وكل عام وانتم بالف خير
اللهم بلغنا رمضان
الروابط المفضلة