تعالو شوفوا ماذا فعلت وانتظر رأيكم
المطلوب:-
عدد 2 شلة او شلة 100 جرام انا عملتها بخيط الصوف اولا اعملى 45 سلسة+ 3 سلسلة دول بنوع اول عمود يعنى مجموع الاعمدة 45 عمود بلفة وبتشتغلى دايما فى
رأس العمود
ثانيا:- هتشتغلى 8 سطور طبعا العمود بلفة ( الا هو البريد بلفة) وفى رأس العمود
ثالثا :- السطر التاسع هتشتغلى العمود بلفة خلفى علشان يعطيكى حرف العلبة وده فى السطر التاسع بس بمعنى سطر واحد
ودة طريقة العمود الخلفى والعمود الامامى
رابعا:- هتشتغلى بعد السطر الخلفى الا هو التاسع عدد 3 سطور كمان عمود بلفة واحدة( الا هو البريد بلفة)
خامسا:- هتعملى سطر كمان بس دة الا هنعمل فية فتحة المنديل بصى
هتشغلى 12 عمود ثم تشتغلى 20
سلسلة وتعدى عدد 20 عمود من الا موجود فى السطر الا قبله وتدخلى فى العمود 21 وتكملى باقى السطر
سادسا:- هتشتغلى السطر الا بعده عادى لما توصلى للسسلسة امشى عليها ال20 عمود وتكملى باقى السطر
سابعا :- هتشتغلى 3 سطور كمان عمود بلفة
ثامنا:- الحرف التانى للعلبة هتعملى سطر واحد عمود امامى علشان يعمل الحرف المقابل للعلبة
تاسعا:- هتشتغلى 7 سطور عمود بلفة وبكده نكون خلصلنا واجهه العلبة
بالنسبة للجنب بتاع العلبة هتعملى 23 سلسلة +3 سلسلة بتوع اول عمود واشتغلى
عدد 24 عمود بلفة واحدة) البريد بلفة واحدة
ثانيا تشتغلى 8 سطور
طبعا الجنب هيكون قطعتين تجهزيهم علشان التشبيكبالنسبة لحليه فتحة علبة المناديل بتدخلى خيط اول الفتحة الا بيطلع منها المنديل وتشتغلى عدد4 عمود بلفة واحدة فى نفس المكان بمعنى ان العمود نفسه بتذودى عليها 3 عمود كمان بيسيروا 4 عمود
وبعدين تعملى غرزة حشو بين العمود التالت الا فى السطر السابق علشان يعطيكى شكل الفستون وتكررى لحد لما الفتحة تخلص وتقطعى الخيط
الاسطوانة الا هى ظهر الكنبة
اولا هتعملى 25 سلسلة وتغلق بمنزلقة ثم تشتغلى داخل الدائرة 25 عمود بلفة واحدة
ثانيا:- هتشتغلى عدد 36 سطر ولما تخلصى اقطعى الخيط
لعمل الدائرة الا فوق الاسطوانة
وبتعملى 6 سلسلة وتغلق بمنزلقة وتشتغلى داخل السلسلة الا اتعملت عدد 25 عمود بلفة واحدة وتغلق بمنزلقة
لما تخلص الدائرة هتشبكى فى الاسطوانة بغرزة النص عمود بتدخلى اول غرزة بالدائرة مع اول غرزة
بالااسطوانة وهكذا لحد لما التشبيك يخلص مع مراعاة فرد الدائرة بعد التشبيك لانها بتقوس متقلقيش من كده
او ممكن تشبكى بالابرة الخياطة
السطر الا بعدة بتذودى يعنى بتشتغلى عمود عمودين لحد اخر الدائرة غرزة النص عمود
السطر الا بعدة مفيش تذويد امشى عادى
السطر الاخير فى الدائرة بتعملى عدد 3 سلسلة وتدخليها بين كل عمود والتانى بغرزة حشو لحد الا نتهاء من الدائرة الاولى
بعد كده تحشيها الفيبر او القطن وتعملى الدائرة التانية بنفس الطريقة وبكده تكون الاسطوانة خلصت
يارب تعجبكم
الروابط المفضلة