السلام عليكم
اهلا حبيباتى
الحكاية ومافيها ان زوجى العزيز اخيرا اقتنع بعملى فى الكروشيه وطلب منى اعمل له جيليه شتوى شيك ... لكن هو ليه مواصفات خاصة وطلبات خاصة
اولا : لازم يكون فتحة الرقبة للجيليه ( v ) تكون مطاطة ومرنة مش محجرة كده لسهولة اللبس وكمان تكون بارزة شوية عن مستوى باقى الجيليه ( يعنى تكون عاليه كده زى التريكو )
ثانيا : لازم الكمر يكون شكله مظبوط ومطاط برضه ونفس الشيء لحردة الاكمام
ايه رأيكم ؟ مش انا غلطانة برضه انى عرضت عليه العرض ده من الاول
انا بافكر اكبر دماغى وأرفض
بس حرام ده ابو عيالى برضه والعشرة ماتهونش عليا
يلا حبيباتى ساعدونى .. هل ممكن طلباته دى تتنفذ بغرز الكروشيه ولا ده بيبقى متاح اكتر فى التريكو ؟؟؟... اللى تعرف الرد ما تبخل عليا
الروابط المفضلة