لحفظ الخيوط أثناء العمل... طريقة سهلة وبسيطة
حبيباتى الحلوات
كيفكن
ان شاء الله تكونوا بخير
من فترة شفت موضوع عن كيفية حفظ الخيوط وتخزينها
بصراحة انا حاولت كتير ألاقيه مرة تانية
عشان أحط لكم الرابط بتاعه
لكن للاسف ما لقيتوهوش خالص
المهم كان فيه واحدة من الاخوات اقترحت طريقة لطيفة لحفظ بكرة الخيط أثناء العمل
يعنى عشان الخيط يفضل نضيف
هى الفكرة كانت بسيطة خالص
هى اقترحت عمل كيس يتقفل من ناحية واحدة ومن الناحية التانية يتساب مفتوح وتتحط البكرة فيه ويتقفل باى حاجة
بصراحة الفكرة عجبتنى
وطبعا قعدت مع نفسى وعبقرت
وقلت لنفسى يا بنت يا رونا
(على فكرة ده اسمى)
ليه ما تعمليش الكيس ده من التريكو بحيث استغل كمان بواقى الخيوط
وغيرت شوية فى الفكرة بحيث تدى شكل جمالى
خلاص خلاص ما تزهقوش
هاوريكم الصورة دلوقت حالا
خلينى أعرض عليكم الشكل النهائى وبعدين نتكلم فى التفاصيل
اذا الموضوع عجبكم
بحيث ان الخيط بيكون بالطريقة دى
ها بأة ايه رأيكم
ان شاء الله تكون عجبتكم
طيب وايه رايكم فى الاضافة دى
انا يأة قلت عشان برضه نحقق التآخى بين التريكو والكروشيه
وما حدش يتهمنى بالعنصرية
هههههههههههههههه
عملت الاضافة الصغيرة دى
ايه رايكم
حلوة مش كدة؟
والنبى بأة يا عسولات تفتحوا نفسى كدة وتشجعونى
وتقوليلى حلوة
وحشة
اى حاجة منكم هتكون كويسة
انا مستعدة اشرح لكم الخطوات لو انتم عايزين
بس الاول اسمع رايكم
بااااااااااااااااااااااى
الروابط المفضلة