لا تستغربو العنوان
هى فعلا فصه غرام
ها بتقولو مالكو ومال الكلام الكبير ده
دانتو مالكو ونص
v
v
v
v
v
باختصار
القصه بدأت من عند شغل بنتى
زميلتها عرفت ان ام مروه فلحوصه فى شغل الكروشيه هههههه
اخدت مقلب مش كدا
حبت تفرجنى شطارتها
فارسلت لى مفرش بسيط من عملها
عارفه كل دا عادى
لكن الخيط اول مره اشوفه
عباره عن خيط قطن رفيع قوى
ويشبه الصوف شويه
معمول مجوز ومعه خيط سيرما فضى
الفضول اشتغل على هذه النقطه
المهم طلبت منها تجيب زيه بعد ما عرفت انه عند خردواتى جنب بيتها
جابت لى حسب طلبى الوان الطيف السبع
ووجدت فيهم اللى مع الفضى واللى مع الذهبى
البكره 50 جرام او اقل ب 250 قرش
طلبت منها تجيب 3 ابيض فى فضى و3 بيج فى ذهبى
المهم عملت مع الغاليه روما مفرش الاناناس
وجتلى فكره انى اعمل المفرش بخيط قطن المحله
ومعه الخيط اياه
وووووووواووووو
طلع تحفه وتصويره لم يعطيه حقه
جيرانى شافوه وانا غسلاه بعد ما خلص
والتليفونات اشتغلت منين المفرش وعاوزين زيه
ربكم والحق قلت ايه المانع اعملهم
وبعد تداول فى الاسره حددت سعر معقول له
وكمان عيلتى عاوزين منه
مطلوب اربع او 6 مفارش
جريت على بنتى مروه اطلب الخيط اياه
اوف اوف
اتصدمت البنت سابت الشغل بعد ما جالها العدل
على بختى
ربكم والحق اتجننت
كدا مشروع المفارش باااااظ
نزلت التربيعه بلفه من الخيط
وبقيت عامله زى واحده بتدور على عيل تايه
ههههههههه
اكمل الحكايه ولا زهقتو
v
v
v
v
v
v
هكمل وامركم لله
بعد لف ودوران وجدت محل بيبيع الخيط بكره كبيره
طيب يا حاج لفلى زى دى
قالى اوكيه بس تيجى تخديه بكره
بكره ----مين دا اللى يقدر ينزل تانى بكره ولا حتى بعد جمعه
المهم جبت الخيط شكله اهو
وطبعا جبت معاه الخيط الفضى والذهبى
ولفيت الخيط لغايه ما انا دوخت
لكن عندى خيط كتير قوى من ايه مش عارفه اعمل بيه ايه
تقدرو تساعدونى
ولا هتجيبو ام ساطور تدبحنى
عالصداع اللى عملته لكم
حكايتى ما خلصتش
لان عندى حكايه تانيه هقولكم عليه بعد ما اشوف ردودكم
الروابط المفضلة