أرجوكم يا جماعة ساعدونى لحسن حتجنن بجد

ههههههه انتي لسه يانونا
داانا قلت خلاص مشي الحال
اشمعني التويست في المقلوب
يعني قصدك غرزتين مقلوب ولا واحده مقلوب وواحده عدل وبتعدي المقلوب من ورا العدل

افنان حبيبتي انتي قصدك عايزه تعرفي تعملي التويست ازاي في السطر علي الوجه الخلفي ؟؟؟؟
اصلك بتقولي في الشغل المقلوب
في الوجه الخلفي مافيش ويست خالص بتشتغلي السطر عادي
ردي علي ياقمر علشان اقدر افهمك وافيدك
وليه مش بعتي علي الخاص يعني انا بالصده دخلت الموضوع

جزاك الله خيرا يا أم قسمت يارب
البلوزة اللى انا نفسى اعملها ده اللى فى الصفحة الأولى معمولة جرسيه مقلوب فى الجناب وعليهم تويست وأنا مش عارفة اعمل التويست لليمين ده خااااااااااااااااااااااالص
نانا اديتنى باترون حاولت امشى عليه بس لما بتبع الشرح بتاعه برضه بلاقى حاجة مش مضبوطة وجربت برضه اعمل التويست المقلوب من الدورة فيه طريقة ليه برضه معرفتش
حتجنن خلاااااااااص

سلامتك من الجنان يانونا هههههه
بصي ببساطه كده المقلوب لااااازم ييجي تحت العدل يعني في اي تويست لازم تودي الغرزه المقلوب للخلف
خليكي معايا دلوقت انتي عايزه تجيبي العدل لليمين وتودي المقلوب لليسار
ماشي
قدامك دلوقت غرزه مقلوب وبعدها غرزه عدل وعايزه تجيبي العدل مكان المقلوب
بتحطي الابره في الغرزه العدل (يعني تطنشي المقلوب وتشتغلي العدل اللي وراها )وبعدين بعد ماتطلعي الابره وعليها الغرزه مش تطلعيها من الابره اليسري بتطلعيها علي الابره اليمني بس وهي في مكانها
لو سلتيها من الابره اليسري حاتلاقي عندك الغرزه المقلوب حاتقع من الابره اليسري وتبقي في الشارع ههههه
لا ارجعي بالابره اليمني تاني وهاتي الخيط للامام واشتغلي الغرزه المقلوب مقلوب
خلاص لميتي الغرزتين علي الابره اليمني خديهم بقي وامشي ههههه
يعني اطلعي بيهم من علي الابره اليسري
وكده الغرزتين معاكي ومقلوبين مكان بعض والمقلوب ورا العدل
جربي كده