السلام عليكم ورحمة الله وبركاته
عزيزتي ام قسمت محتاجة مساعدتك بعد اذنك
ممكن تشرحيلي باترون الجزء السفلي (الغرزة) لهذا الفستان
والتنورة هذه فقط
للبحث في شبكة لكِ النسائية:
|
السلام عليكم ورحمة الله وبركاته
عزيزتي ام قسمت محتاجة مساعدتك بعد اذنك
ممكن تشرحيلي باترون الجزء السفلي (الغرزة) لهذا الفستان
والتنورة هذه فقط
اتمنى ام قسمت تشرحلك ...اشياء جميلة ...و جزاؤها الجنة
بلوزة وجيبه حلوة قوي
اعتقد انها غرزة الجرسيه سطر عدل وسطر مقلوب
بس الافضل اننا ننتظر ماما ام قسمت للفائده اكتر وجازها الله الجنه علي مجهودها في المنتدي وتقبلي مروري
شكرا لكم على تواجدكم
حبيبتي اهلا بيكي
معلش اعذريني للتاخير في الرد
شوفي ياقمر انا بافضل دايما ان يكون مع الحاجات دي باترون علشان الشرح يكون صح ميه الميه
بس باذن الله احاول اوضح لك الفكره
بالنسبه للفستان الاول
بتعملي عدد غرز كتير يعني ممكن فوق ال100 غرزه حسب وسع الجيبه اللي انتي عايزاها
بتعملي مثلا 10 غرز عدل وغرزتين مقلوب
لمسافه 10سم مثلا او 15 سم وبعدين تبتدي تنقصي من العدل غرزه من كل جانب
وتمشي بيهم شويه
وعلشان تكوني ماشيه صح قيسي طول الجيبه اللي ناويه تعمليها وقسمي التنقيصات علي طول الجيبه مع حساب عدد الغرز اللي ناويه تعملي بيها الصدر
يعني افرضي انك بداتي ب100 غرزه وعايزه توصلي ل50 غرزه للصدر كده حاتكوني عايزه تنقصي 50غرزه
ممكن تنقصيهم علي 3مرات بين كل مره والثانيه 10سم او حسب طول الجيبه
مش عارفه الشرح مفهوم ولا لا علشان كده بافضل يكون فيه باترون اشرح عليه
بالنسبه الجيبه الثانيه
دي بتزودي من عند الكمر وانتي نازله
يعني بتبدئي بعد غرز مقاس الوسط وممكن اكبر بعدد من الغرز علشان لو حاتركبي استك
وتعملي الكمر مجوز يعني تعملي حساب انك تثنيه ويكون بغرزه البليسيه وبعديت تبتدي ي الجيبه
وقبل ماتبتدي تقسمي عدد الغرز علي 6 لان الجيبه 6اقسام وتعملي حساب بين كل قسم وقسم 2او3غرز وتحطي علامات علي جانبي الغرز دي (قبل وبعد ال2او3غرز)
حاتشتغلي جرسيه (سطر عدل وسطر مقلوب ) وتزودي علي جانبي العلامات لفات كل 5سطور تقريبا او زي رغبتك (يعني لو عايزه الجيبه واسعه قوي زودي مرات الزياده والعكس صحيح)
واستمري كده لغايه الطول اللي انتي عايزاه وبعدين اعملي 6سطور بالغرزه العدل واقفلي
دككي شريط ساتان زي الصوره
طريقه الزياده
بتيجي قبل اول علامه وتعملي لفه وبعين تشتغلي ال2او3غرز وتقابلك ثاني علامه بتعملي لفه
والسطر التالي بتشتغلي اللفه مقلوب مع بقيه السطر
ما شاء الله فعلا ما قصرت الأستاذة والقطعتين حلوين يسلم ذوقك فلة
ربنا مايحرمنا منك ياام قسمت والهى دايما منورة
ممكن اطلب طلب تقوليلى اعمل جيبة زى دى ازاى لعمر سنة وطبعا مش هاوصيكى علية بالشرح الممل لانى فى التريكو مش قوى بس بحبة جدا لشياكتة
الروابط المفضلة