السلام عليكم ورحمة الله
علشان اخواتى البنات طلبوها منى
ده موديل التوب وممكن تتعمل كمان للبنانيت الصغيرة بتبقى جميلة
انا عملتها لاختى الضغيرة
شوفوا يا بنات اهم حاجة المقاس وده طبعا يختلف من شخص للاخر
الاول احنا هبتدى بشغل الورد اللى فى القمر تحت وعن طريقه هنحدد المقاس يعنى هنعمل الوردات الاول ونشبكها على مقاس الخصر يعنى تحت الوسط عند عظام الحوض تمام وبعدين هنشتغل داير ما يدور بالغرز لفوق
الاول با ترون الوردة اهو
وطريقتها واحدة واحدة
نبتدى بعمل 7 سلاسلل ونغلق بمنزلقة
بعدين نطلع 4 سلاسل
بعد كده نحشى الدايرة ب 16 عامود بلفتين
ونغلق بمنزلقة فى السلسلة الرابعة فى العامود رقم واحد
بعدين نطلع 4 سلاسل
ونسيب اول وتانى عامود وبعدين ندخل حشو فى العامود التالت
وهكذا نسيب عامودين ونعمل غرزة حشو فى العمود التالت
ثم نغلق بمنزلقة
بعد كده ندخل فى اول فراغ عملناه ونطلع بمنزلقة حتى نكون داخل اول فراغ
نطلع بعد كده 4 سلاسل
بعد الاربع سلاسل اللى بمثابة اول عامود نعمل عامود بلفتين بس نسيب اخر لفة خالص فيه
ونعمل كمان 2 يعنى هنعمل 3 عماويد غير الاربع سلاسل يعنى يعتبروا 4 عاوميد
هيبقى فيه على الابرة 4 لفات
نطلع بيهم كلهم بغرزة واحدة منزلقة وبعدين سلسلة
نمشى بعد كده 5 سلاسل
كده عملنا البتلة الاولى ندخل فى تانى فراغ ونكرر فيه نفس الخطوات
4 عاوميد ونخلى اخر لفة لكل عامود على الابرة وبعدين نطلع بيهم كلهم مرة واحدة بمنزلقة
لغاية ما نوصل ل 8 بتلات ونغلق بمنزلقة
وبكدة تكون طريقة عمل الوردة
فى التشبيك يا بنات بنجيب بتلتين قصاد بعض ونشبكهم زى كده بحيث يبقى مبنهم سامبوكسة ان خيطهم بابرة الكنافة بنفس الخيط اخدت فتلة لان الخيط على 5 فتلات وخيطهم من الظهر
ولما نيجى نشبك نشبك من فبل البتلة بغرزة او سلسلة يعنى لغاية تانى بتلة بسلسلة
كده الورد اللى فى القمر تمام وان شاء الله هبقى انزل باقى الصور بتاعة الجزء العلوى قريبا معلش اعزرونى بس والله مشغولة جدا بس ان شاء الله هنزلهم
اهم طلب بس منكم اللى هتعمل البلوزة بالله عليها متلبسش تحتها بادى كارينا ضيق او خفيف الله يكرمكم علشان انا محملش زنبها ومتزعلوش منى اصل مروة خوفتنى من الموضوع ده
هى اختى بتطول الطرحة عليها لما تلبسها بس هنا علشان نبين الموديل قصرت الطرحة
الروابط المفضلة