ابغي ورشة عمل لهذا الفستان ضروري ضروري
لو سمحتون خبيرات الكروشية
للبحث في شبكة لكِ النسائية:
|
ابغي ورشة عمل لهذا الفستان ضروري ضروري
لو سمحتون خبيرات الكروشية
انت عندك باترونه ؟ لو كان كذالك نزليه و نحاول نعمله مع بعض .
شوفى يا البسمة الضائعة دة كان ورشة فى منتدى اخر
طبعا كل أخت عاجبها هذا الفستان هتنفذه معاى ولكن مع إختلاف المقاس
علشان طلبت عمل قطعة من نفس الغرزة المستعملة
1: قيسى وسع ال(20سلسلة ) = 7
2: قيسى إرتفاع ال (10 سطور ) 10سم ودونى كل القياسات فى أجنده
طبعا أنا هأشتغل على العروسة دى أنتوا تتخذوا نفس الخطوات مع إختلاف المقاس
قيسى دوران الوسط زى كده
بس زودى على القياس 4سم على دوران الصدر وعلى حسب
وهنا ياتى دور قطعة المقاس فاذا كان دوران الوسط مثلا38 سم +4 =42م دوران الوسط
إذا يبقى أنا عايزه أقسم 42على7= 6 أضربها فى (20سلسلة وسع)=0 12
الوسط اشتغليه 120سلسله وبنفس الطريقة إحسبى الارتفاع
إشتغلى السلسال المطلوب وإقفليهم بمنزلقة
إشتغلى سلسلة واحدة لانها تساوى إرتفاع غرزة الحشو
إشتغلى السطر كله بغرزة الحشو
إشتغلى 4 سلاسل بمثابة عمود بلفتين وأكملى الدوران كله بالعمود بلفتين
كده السطر خلص وأشتغلته بالعمود بلفتين
إقفلوا آخر السطر بمنزلقة
إشتغلوا دوران الوسط بعد القياس الصحيح
هأشتغل 2سلسلة وهى بمثابة غرزة العمود بلا لفة وأشتغل
السطر كله وأنهى بمنزلقة زى كده
بعد كده أشتغل 4 سلاسل بمثابة إرتفاع عمود بلفة واحده +سلسلة بين العماويد
وأكمل السطرعمود بلفة + سلسلة لآخر السطر أقفل بمنزلقة بس عايزه
ألفت نظركم لشىء أحدد خط الجنب بدبوس لان هذا المكان هيكون
فيه الزيادات الجانبية فعلشان تكون مضبوطة لازم تتحدد كويس
أكمل السطر وأشتغل عدد السطور اللى أنا محدداها تبع القياس اللى عيزاه
مع زيادة خط الجنب كل سطر أو كل سطرين لغاية ما أصل لفتحة الباط
عايزة أقول أن المسافة من الوسط لغاية فتحة الباط = ثلثى طول الوسط
والمسافة من فتحة الباط حتى الكتف هى الثلث الباقى
آخر مرة عدل بواسطة هنهن2007 : 11-06-2009 في 11:47 AM
شوفي هذا الرابط
فيهى شرح مفصل
http://ranaalanker.multiply.com/photos/album/23
عفوا اخت هنهن قاطعتك لاني لما فتحت صفحة كانت مافي ردود فراحت النات والصفحة مفتوحة ولما جات النات رديت مباشرة فوق الصفحة المفتوحة فوجدت ردك قبل ردي ماقصدت اقطع شرحك بارك الله فيكي
آخر مرة عدل بواسطة nourfa : 11-06-2009 في 11:48 AM
عند وصولى لفتحة الباط سأشتغل الامام وحده والخلف لوحده وهأبدأ بالأمام طبعا أنا محدده
من قبل خط الجنب ووسعت زى مأنا عايزه هاأبدأ فى التنقيص 4_3_2 أزاى؟؟؟؟؟
أول سطر فى فتحة الباط هأنقص 4 سلاسل طبعا أنا فى خط الجنب أشتغل 4
عيون بالمنزلقة لعدم إرتفاع الشغل وبعدين أشتغل 4سلاسل بمثابة عمودبلفة
وسلسلة بين العماويد زى كده
أكمل لغاية قبل آخر خط الجنب ب4سلاسل كده أنا نقصت من كل جانب 4 سلاسل
فى بداية السطر التالى أنقص 3 سلاسل ب 3 غرز منزلقة وأشتغا زى كل مرة 4
سلاسل بمثابة عمود بلفة وسلسلة بين العواميد زى كده
أثناء شغلى يمكننى قياس الوسط لأحدد إذا كنت عايزه أنقص أكتر ولا لأ
وكمان أحدد فتحة الرقبة
أنا هنا هابدأفى فتحة الرقبة أحدد أنا عايزة الفتحة كام سم أو مساحة كام عمود
أقسم الشغل بالنصف وأشتغل من الباط حتى منتصف المساحة اللى حددتها
لفتحة الرقبة لاننى سأكمل باقى المساحة عند الباط الثانى زى كده
انا هنا بأشتغل فى ناحية واحده حتى الكتف
كده خلصت أول ناحية من فتحة الرقبة وقطعت الخيط لأشبكه فى المكان اللى
حددته لفتحة الرقبة
أشبك الخيط فى المكان المحدد لفتحة الرقبه وأكمل الشغل مع تنقيص بسيط يصل لعين أو
إثنين لعمل فتحة ضيقه من أسفل وواسعة من عند الكتف
ومثلما إشتغلت فى الناحية اليمنى أشتغل فى الناحية اليسرى وأكمل الشغل زى كده
كده نصف الوسط خلص
كنا خلصنا الصدر وهنبدأفى الظهر وإشتغلنا دوران الوسط بشكل دائرى حتى وصلنا لفتحة الباط
وأخذنا نصف الوسط للصدر وخلصناه ودلوقتى هنبدأ فى النصف الثانى وهو الظهر
أقيس نصف الظهر وآخذه لاشتغل الظهر على قطعتين بمعنى أننى هاعمل فتحة تبدأ
فى نفس صف فتحة الباط للظهر لكى يلبس الفستان بكل راحة للطفله وفيما بعد سأقول كيف
تعملى لهذه الفتحة عراوى وأزرار
بدأت فى التنقيص مثلما حدث فى الصدر وأبدأ ب4 غرز ثم السطر التالى ب 3 غرز والثالث ب2
غرزه وأشتغل دون تنقيص ناحية فتحة الظهر التى ستفل بالازرار
إشتعلى دون تنقيص حتى يصل الشغل قبل مستوى للصدر بثلاث اسطر لنفتح فتحة الظهر
لاتنسى أن تبدأى كل أول سطر ب4 سلاسل ثلاثة منهم بمثابة عمود وسلسله
بين العماويد وكمان ياريت تثبتى دبوس كعلامة لمنتصف الظهر طبعاً
بعد قياس وسع الظهر اقسمى على 2 وضعى الدبوس
على فكرة أنا لبست الفستان ألوان داكنه ليظهر لكم بوضوح
هاكمل معاكم فتحة الرقبه للظهر وزى ماتفقنا إحنا شغالين فى نصف الظهر الجهه اليمين منه
ومثلما إشتغلنا فى النصف اليمين يجب تدوين كل الخطوات لنشتغلها بالضبط فى النصف
اليسار من الظهر هنا وصلت بالشغل للإرتفاع المطلوب وهأبدأ بفتح الرقبه
أشتغل سلسله واحده وأبدأ فى فتح الرقبه بشغل غرزة حشو(x) والغرزه التاليه غرزة
العمود بلا لفه والعين الثالثه عمود بلفه وبين كل غرزة وغرزة سلسله وانا بأعمل
كده لأرتفع بالشغل بالتدريج زى كده
هأكمل الشغل بالعمود بلفه لآخر السطر
أبدأ فى عمل إنحدار الكتف وهو يشبه فتحة الرقبه بمعنى أشتغل سلسله ونفس
الخطوات السابقه لفتحة الرقبه ولكن عند وصولنا الى فتحة الرقبه أشتغل 3 سلاسل
بمثابة عمود وأرجع بالشغل تانى مع مراعاة الشغل بغرزة العمود بلا لفه فوق الكتف
زى كده
أكملى الشغل بسطر آخر مع مراعاة تنقيص الكتف من ناحية الرقبه والجنب
حتى يساوى الكتف الأمامى (الصدر)
ده الشكل النهائى لنصف الظهر ومثلما فعلنا فيه إشتغلى النصف الآخر من الظهر
بعد الإنتهاء من الظهر سوف نزين الرقبه كما فى الموديل
وننزل على الجيب (الجزء السفلى للفستان )
على نفس خط فتحة الباط .كده الصدر خلص وكذلك الظهر خيطى الكتف مع بعض
بابرة الخياطة أو بإبرة الكروشيه زى كده
كنت عايزة اوريكم الرقبه قبل تشبيكها مع الظهر
وطبعا لسه محصلشى فيها حاجة إلا التقفيل فقط
وده شكل فتحة الرقبه الخلفيه للظهر
ده شكل الكتف بعد تقفيله بإبرة الكروشيه
كده الصورة للرقبه وضحت وباقى تكحيلها بالشكل اللى ظهر فى الموديل بتاعنا
اشتغلى بغرزة الحشو بداير الرقبه أمام وخلف وأنزلى بالغرزة على فتحة الظهر
لانها هتكون فيها ناحية زراير وناحية عراوى وسوف نشتغل سطر آخر حشو
وتوضح الصورة ناحية اليمين أول سطر حشو والناحية الشمال اشتغت سطرين
وهنا أنا بدأت أخلص السطر الثانى
النهارده هأعمل معاكم هأبدا بعمل عراوى للظهر طبعاً إحنا كنا فتحنا للظهر فى نفس السطر
لفتحة الباط (إرجعى لعمل الظهر ) فبقى عندى فتحة لسهولة لبس الفستان يجب عمل ليها
عراوى فى ناحيه وأزرار فى الناحيه الثانيه ....بالنسبه للعراوى إبداى فى عمل سطر
حشو فى بداية فتحة الظهر وكل عدد معين متروك لكِ إشتغلى 5 سلاسل وأغرزى الابره بعد
3 عيون ليحدث إرتفاع ووسع اللى هو العروه وعدى البعد المناسب للفتحة والمتساوى فى العدد
وإعملى عروة ثانيه ليكونوا على أبعاد متساويه وهكذا زى كده
أكملى سطر الحشو لفتحة الرقبه الخافيه وأنزلى على فتحة الرقبه الاماميه وكملى
على فتحة الرقبه الخلفيه الثانيه حتى تصلى بالشغل لأسفل الظهر إبدأى مره أخرى
فى عمل سطر حشو ثانى بنفس الطريقة السابقة بس عند وصولك للعروه
إدخلى الإبرة فى السلسال (5 سلسله ) لتغليف العروة وتسميكها لتتحمل دخول
وخروج الزرار فيها فيبقى شكل العروة كده طبعاً من الناحية الاخرى يثبت الأزرار
بشكل مضبوط للعروة
أما الرقبه من الامام أصبح مشغول عليها سطرين الحشو أشتغلى سطر عمود بلفه واحده
من الامام وحشو من الخلف بس ماتنزليش على فتحة الظهر بمعنى تشتغلى رايح جاى
على فتحة الرقبة فقط الاماميه والخلفية بس زى كده
إشتغلى سطر حشو فوق العمود بلفه من الامام واكملى لآخر الرقبه زى كده
نسيت أقول لك فى ( الكورنر بتاع الرقبه أتركى عين متشتغلهاشى لعمل زاوية
فتحة الرقبة الأمامية وعلشان متطلعشى فيها دوران زى كده
إشتغلى سطر حشو ثانى ليصبح حوض الرقبه الامامى عبارة عن سطرين حشو وسطر
عمود بلفه وسطرين حشو آخرين زى كده
هنا واضحة زاوية ركن الرقبة لما عديت عين من غير شغل
كده خلصت النهار ده إستنونى يكرة بإذن الله علشان نكمل اللون الثانى
هأكمل معاكم باقى جيبة الفستان كنت وصلت لغاية شغل جزء كبير عبارة عن 5 سلاسل وجزء
صغير عبارة عن 2 سلسلة ولكن فيه ملحوظة مهمة جداً أحب ألفت نظركم ليها إن هذه الأجزاء
لازم تكون زوجية العدد بمعنى مينفعشى أشتغلها بعدد فردى أى أشتغل 4...6...8....10 .....12...
وهكذا لإنى باشتغل على شكلين من الغرز فلازم تكون الاجزاء زوجية العدد
فى الصورة شايفين إنى أشتغلت فى الجزء الواسع وحدة عبارة عن
( 2عمود بلفة وسلسلة و2 عمود بلفة )أما فى الجزء الصغير أشتغلى عمود بلفة
واحده وعلى فكرة ده هيفضل لغاية آخر الشغل محتفظ بنفسة ( عمود بلفة واحدة )
كملى الشغل لآخر السطر وتملى أقفلى بمنزلقة
كررى السطر اللى فات مرتين وإشتغلى بعد كده نفس الوحده بس بدل عمودين
بلفة إشتغلى ثلاث عماويد ونسيت أقول لك بين الوحده والعمود الواحد اشتغلى سلسلة
هنا انا اشتغلت بس سطر واحد عمودين وسلسلة وعمودين وده لانى
باشتغل للعروسة بمعنى إنى مش عايزة طول كتير للفستان
كملى الشغل واشتغلى ثلاث عماويد و2سلسلة وثلاث عماويد و2سلسلة وعمود واحد
فوق العمود السابق وده لاخر الشغل كررى السطر ده حسب أحتياجك لطول الفستان
إشتغلى فى ال2سلسة اللى بين 6 عماويد السابقين 9 عماويد بدون سلاسل بينهم
ودى هتكون بداية الاناناسة إشتغلى 2سلسلة وإشتغلى العمود الواحد أشتغلى 2
سلسلة وإشتغلى ال6 عماويد وسطهم 2 وكملى لآخر السطر
السطر اللى بعد كده بين العماويد ال9 إشتغلى عمود وسلسلة هيتكون معاكى 8عماويد
إشتغلى 3 سلاسل وعمودواحد فوق العمود السابق و 3 سلاسل وإشتغلى
الجزء ال6 عماويد بينهم 2 سلسلة وكده اصبح عندنا جزئين من الشغل
جزء يمثل الاناناسة وجزء يمثل العماويدال6 وبينهم 2 سلسلة
وده غير العمود الواحد اللى يفصل بين الجزئين ب3 سلاسل
دلوقتى هأبدا فى عمل القناطر للاناناسة إشتغلى 4 سلاسل وأغرزى الابرة بين العمود
الاول والثانى للاناناسة وإشتغلى غرزة حشو كملى لغاية متخلصى العمايودال8
بكده تبقلى عملتى 7 قناطر (القنطرة 5 سلاسل ) كملى 4 سلاسل
والعمود الواحد و4 سلاسل وجزء ال 6 عماويد وبينهم ال2 سلسلة و4 سلاسل
والعود الواحد لآخر السطر
إشتغلى نفس السطر اللى فات بس هتكون القناطر نقصت واحد بمعنى هتكون القناطر 6
قناطر وكملى زى السطر السابق
لما يصل عدد القناطر 5 قناطر اشتغلى فى الجزء بتاع ال6 عماويد وبينهم
2 سلسلة 9 عماويد بين كل ثلاث عماويد 3 سلسلة لأننا هنكون
بنأسس لقاعدتين لجزئين فى السطر اللى بعده أما باقى السطر زى السطور
اللى فاتت بس ممكن تزودى فى السلاسل حسب رغبتك بدلا من 4 ممكن تكون 5
مع الإحتفاظ بعدد سلاسل القناطر ( 5 سلاسل للقنطرة )
أنا وضعت دبابيس فى الفراغات علشان توصل الفكرة بكده احنا بنقص فى القناطر لنزود
ونفتح لوحدتين جايين
وده شكل القناطر وهى بتنقص أتمنى اكون أفدت من تريد ووصلت الفكرة
إستنونى علشان نكمل المرحلة الاخيرة من الجيبة
وكنت وصلت معاكم بأنى عملت قاعدة لأفتح لفرعين من الشغل ( 3عماويد 2سلسلة 3عماويد )
طبعأً العماويد فى الموديل ده بلفة واحدة
أشتغلى فى مكان كل دبوس من الصورة السابقة وحدة مستقلة بذاتها
(3عماويد 2سلسلة 3عماويد ) 3سلاسل بينهم كررى الوحده
زى كده
إشتغلى 5سلاسل وعمود واحد و 5سلاسل وإبدئى فى قناطر الأناناسة
وهتلاحظى إنك كل سطر جديد إن الأناناسة بتنقص قناطرها فى نفس الوقت
بتزيد وبتفتح الوحدتين بجانبها إشتغلى 5سلاسل والعمود و5 سلاسل
والوحدتين إستمرى حتى آخر السطر
السطر التالى هأشتغل الوحده (3 عماويد 2سلسلة 3 غماويد ) 3سلاسل ووسط الوحدتين
السابقتين إشتغلى ( عمودين 2سلسلة ) وهذه الوحدة هتزيد كلما إرتفعنا بالشغل
فى الوقت اللى بتنقص فيه القناطر زى ماقلت سابقاً
كملى لآخر السطر إشتغلى الوحدة (3 عماويد 2سلسلة 3 عماويد ) 3سلاسل عمودين 3سلاسل
عمودين 3سلاسل كررى الوحده السابقة ( 3عماويد 2سلسلة 3عماويد ) كملة 5سلاسل
وعمود واحد و5سلاسل وكملى القناطر ( طبعاً 5سلاسل ) لإنها مش بتتغير لآخر الشغل
هكمل الشغل وكل ماطلع بالشغل أزود فى الوحدات (3سلاسل عمودين 3سلاسل عمودين 3
سلاسل عمودين 3 سلاسل ) طبعا ده بجانب الوحدتين اللى على الجانبين
(3عماويد 2سلسلة 3عماويد )
إشتغلى 5 سلاسل وعمود واحد و5 سلاسل وكملى القنطرة وهتكون
آخر القنطرة وبكده القناطر خلصت ومازلت بأفتح بالشغل من الجانب
( ملحوظة ) إستعنت بالدبابيس لتوضيح شكل الغرز
كده خلصت النهارده ومعلهش كنت بأعيد فى كلامى الخطوات أكثر من مرة
انا هنا اختى سيرين بس النت وعمايله المهم كنت وصلت لغاية ماكانت ثلاث وحدات
( عمودين و3 سلسال عمودين )
وشكل الاناناسه اصبح كده
اكملى السطر للآخر وابدأى سطر جديد طبعاً كل سطر بيزيد المجوعة
فمثلاً السطر اللى فات كانت الوحدات ثلاثة السطر ده بقيوا اربعة
والمجموعة عبارة عن ( عمودين و3 سلاسل عمودين )
والاناناسة بقيت كده مع مراعاة عمل ال5 سلاسل حول القناطر ( 5 سلاسل )
مكان الدبوسين هاشتغل العمود بلفه السطر اللى جاى
كده هاقفل الاناناسه وبكده باقى على نهاية الشغل سطرين بس
لاحظى إلتصاق الوحدتين ( 3 عماويد 2سلسلة 3 عماويد ) السطر اللى التالى
هاغرز الابره مكان الدبوس علشان اقفل اعلى الانانسه واشتغلى عمود بلفه
كده اشتغلت العمود وهاكمل
لاحظى المجموعات اصبحوا 5 وحدات ( عمودين 3 سلاسل عمودين )
اشكر تعاونك معي اختي هنهن
بس انا حابة الفستان يكون لطفله عمرها سنه كم يكون القياس
يعني كم سلسله اسوي هذا الذي لم افهمه بالضبط
++++++++++++++++++++++++++++++++
وكما اشكرك ايضا اختي نورفا
++++++++++++++++++++++++++++++++
إنشاء الله ابدأ التطبيق ومن ثم النتائج
آخر مرة عدل بواسطة البسمة الضائعة : 11-06-2009 في 11:58 AM
هنا هاشبك المجموعتين ال(3عماويد 2 سلسله 3 عماويد )
وهنا هاغرز الابرة وسط ال6 عماويد بمعنى فى (2 سلسله )
هنا اشتغلت المجموعتين وهاكمل الشغل وبرضه الاحظ زيادة المجموعات
(2 عمود 3 سلسلة 2 عمود )
هنا اصبحوا المجموعات 6 واشتغلى سطر كمان وده هيكون آخر سطر فى الجيبه
هاكمل الشغل واشتغل سطر زى السابق مع الزياده اللى اتكلمت عليها
كده انا باقفل على الاناناسه
هاسيبكم مع الصور لانها تتحدث عن نفسها
الجيبه كده خلصت هاعمل ليها شرشف (حافة ) وده هيكون على ذوقك
انا اخترت الغرزه دى وهى عمل 4 سلاسل اقفليهم بزرده(منزلقه )
اشتغلى 4 غرز حشو وهكذا لآخر السطر
كده الجيبه خلصت استنونى مع الاكمام وصورة للعروسة بالفستان
الروابط المفضلة