بعد اذنك عايزه اعرف انتى سبق وشرحتى غرزه الاناناسه
بعد اذنك عايزه اعرف لما اعملها فى فستان مثلا تتعمل كل واحد لوحدها ولا اشتغل كذا واحده مع بعض يا ريت تفهمينى
للبحث في شبكة لكِ النسائية:
|
بعد اذنك عايزه اعرف انتى سبق وشرحتى غرزه الاناناسه
بعد اذنك عايزه اعرف لما اعملها فى فستان مثلا تتعمل كل واحد لوحدها ولا اشتغل كذا واحده مع بعض يا ريت تفهمينى
اليك بعض الافكار لعلها تساعدك في طريقة العمل
mekkaouinana مشكوره حبيبتى بس برضه مفهمتيش قصدى انا مش عارفه اعمل وحده وبعدين اقطع الخيط واعمل غيرها ولا كلهم بيبقوا متوصلين ببعض
ياريت افهم انا كمان شكرا حبيبتى على الموضوع انا وكأنك عارفة ان انا نفسى اتعلم الحاجة دى انا كمان
كلهم متصلين ببعض بينهم سلاسل ويمكن ايكون بينهم غرز كالصدفة او المهم متاصلين وانت تمشي حسب الباترون
شاوي
شكرا حبيبتى افادك الله
جزاكم الله خيرا جميعا فعلا كل ما أسأل على حاجه تفيدونى ربنا يجعله فى ميزان حسناتكم
شوفي شرح لاخت وجدته قفي منتدى اخر
هذا هو باترون الاناناسه الذى استخدمته
وهذا هو الشرح بالتفصيل
لانى طبعا اشتغلت الجيبه كقطعة دائريه
وشرح الغرزة فى الباترون المرسوم قطعه مستطيلة وفى بعض الاخوات بيكون لديهم صعوبه فى ترجمة الباترون المرسوم بالشكل السابق لقطعة دائريه من حيث بدايه ونهاية السطر
اخر سطر وصلنا له بعد ما عملنا السلسلة لحردة الباط هو سطر حشو ( وبه 20 سلسلة لكل باط زى اخر صورة )
نعمل سطر حشو بس كل غرزة حشو نعمل فيها غرزتين اخر وكمان فى كل
سلسلة نعمل 2 حشو ( الزيادة دى حتعطينا وسع للجيبة ) ونقفل السطر بمنزلقة
بداية الاناناسة
نعمل 3 سلسلة تعتبر اول عمود وفى نفس مكان البداية نعمل 8 عمود ( يعنى كأن عندنا 9 عمود فى غرزة واحدة )
نشتغل 3 سلسلة ونترك 3حشو فى السطر السابق ونعمل غرزة حشو فى الرابعة
ومرة اخرى 3 سلسلة نترك 3 حشو ثم حشو فى الرابعة
و3 سلسلة و نترك 3 حشو ونعمل حشو فى الرابعة
و3 سلسلة ونترك 3 حشو ونعمل حشو فى الرابعة
و3 سلسلة ونترك 3 حشو ونعمل حشو فى الرابعة
ثم نترك 3 حشو وفى الرابعة نعمل 9 عمود فى غرزة واحدة
ونكرر ما سبق حتى اخر السطر
لاحظى ان السطر لازم ينتهى عند السلسلة اللى قبل ال9 عماويد فى غرزة واحدة
لان احنا حنقفل السطر بمنزلقة فى اول غرزة سلسلة اشتغلناها فى السطر وتتكون عندنا دائرة اولها 9عمود فى غرزة واخرها السلاسل والحشو
وطبعا السطر ده هو سطر بداية الجيبة فممكن الاول قبل ما تبدأى شغل فيه تقسمى الغرز بحيث تكون زى ماحنا عاوزينها
علشان كده احنا اشتغلنا فى السطر الاول بداية من 9 عمود فى غرزة وننتهى ب5 حشو بين كل حشو والتى تليها 3 سلسلة
السطر التانى
نبدأ بعمل 3 سلسلة ( كأنهم اول عمود ) وسلسلة وعمودفى العمود وسلسلة وعمود فى العمود وهكذا يعنى حنعمل فى كل عمود عمود وبينهم سلسلة واحدة
نترك اول حشو تقابلنا وفى الحشو التالية نعمل ( 2عمود وسلسلة و2 عمود )
وفى الحشو التالية نعمل ( عمود سلسلة عمود)
وفى الحشو التالية نعمل ( 2 عمود وسلسلة وعمود )
نترك اخر حشو ونعمل فى كل عمود من ال9 عمود بينهم 1 سلسلة
ونكرر حتى اخر السطر
السطر هنا حينتهى
بأخر ( 2عمود وسلسلة و2 عمود )
نشبك بمنزلقة فى سلسلة بداية السطر
السطر التالت
حنعمل غرزة واحدة منزلقة فى العمود الاول حتى نصل الى او سلسلة بين اول عمودين
نشتغل 4 سلسلة وغرزة حشو فى السلسلة التانية بين العمودين ونكررعمل 4 سلسلة وحشو فى السلسلة التى بين العمودين
عندنا الان 7 حلقات او فستونات كل منهم مكونه من 4 سلسلة
نعمل سلسلة واحدة وفى السلسلة الفراغ اللى فى (2عمود وسلسلة و2 عمود ) نعمل ايضا ( 2 عمود وسلسلة و2 عمود ) (راجعى الصورة ) كما لاحظى ان احنا كل ما حنوصل للمنطقة دى حنشتغل نفس النظام والغرزة دى اسمها الصدفة فأنا للاختصار بعد كده حاقول عليها الصدفة
وفى السلسلة الفراغ التالية اشتغلى عمود فقط وفى السلسلة الفراغ التى تليها ( 2 عمود وسلسلة و2 عمود ) ثم سلسلة
ثم نبدأ بعمل غرزة حشو فى اول سلسلة فراغ بين العمودين فى مجموعة ال9 اعمدة
ثم نكرر 4 سلسلة حشو بين الاعمدة
يعنى فى السطر ده سوف نحصل على 7 فستونات فى مجموعة ال9 اعمدة
ينتهى السطر بسلسلة واحدة تشبك فى الغرزة المنزلقة اللى عملناها فى اول السطر
السطر الرابع
نعمل2 غرزة منزلقة فى الفستونة الاولى المكونه من 4 سلسلةثم نشتغل فيها غرزة حشو
( لاحظى ان بدايات السطر اماكنها بتختلف علشان الشكل دائرى )
ثم 4 سلسلة ثم حشو فى الفستونة التالية وهكذا
سوف نحصل على 6 فستونة كل منها مكون من 4 سلسلة
2 سلسلة
فى السلسلة الفراغ التالية نشتغل الصدفة
نترك العمود الذى فى السطر السابق
وفى السلسلة الفراغ التالية نشتغل الصدفة
2 سلسلة
حشو فى اول فستونة
4 سلسلة حشو فى تانى فستونة
وهكذا
ونكمل بالطريقة دى حتى اخر السطر
حينتهى السطر ب2 سلسلة تشبك فى اول منزلقة
السطر الخامس
نشتغل 2 منزلقة فى اول فستونة ثم حشو ثم 4 سلسلة ثم حشو فى الفستونة التالية وهكذا حتى نحصل على 5 فستونات
2 سلسلة
صدفة فى السلسلة الفراغ فى الصدفة فى السطر السابق
صدفة اخرى فى السلسلة الفراغ فى السطر السابق
2 سلسلة
حشو فى اول فستونة
4 سلسلة
وهكذا
حينتهى السطر ب2 سلسلة تشبط بمنزلقة فى المنزلقة بتاعة بداية السطر
السطر السادس
2 منزلقة فى الفستونة الاولى وحشو
4 سلسلة
حشو فى الفستونة التاليه وهكذا
عندنا الان 4 فستونات
2 سلسلة
صدفة
3 سلسلة
صدفة
3 سلسلة
حشو فى اول فستونة
4 سلسلة حشو فى تانى فستونة
ونكرر
ينتهى السطر ب3 سلسلة تشبك فى اول منزلقة
للتذكير لاحظى ان الاسطر بدايتها مكانه بيختلف
السطر السابع
2 منزلقة وحشو فى اول فستونة
4 سلسلة
حشو
لدينا 3 فستونات
3 سلسلة
صدفة
فى ال3 سلسلة الفراغ نشتغل
عمود 2 سلسلة عمود
(ودى بداية الاناناسة التانية )
صدفة
3 سلسلة
حشو فى اول فستونة
4 سلسلة
حشو ......
ينتهى السطر ب 3 سلسلة تشبك فى اولمنزلقة
السطر الثامن
2 منزلقة وحشو فى اول فستونة
4 سلسلة
حشو
4 سلسلة
حشو
لدينا 2 فستونة
3 سلسلة
صدفة
فى ال2 سلسلة فراغ بين العمودين نشتغل صدفة
صدفة
3 سلسلة
حشو
4 سلسلة
حشو
4 سلسلة
حشو
ونكرر
ينتهى السطر ب 3 سلسلة
السطر التاسع
2 منزلقة وحشو فى اول فستونة
شاوى حبيبتى مش عارفه اقولك ايه ربنا يخليكى ويبارك فيكى
وجعله فى ميزان حسناتك
الروابط المفضلة