باترون مفرش بيضاوى بالشرح يكون رقيق علشان افرشه عل تربيزة الانتريه
ولانى مبتداة يكون مشروح لان البيضاوى بيبقى معقد كتير
وشكرا لكم

الشرح

البدايـــــــــة : 10 سلاسل وتقفل فى دائرة

السطـرالاول : 3 عمود مجمعين من اعلى ثم 3 سلاسل ونكرر 6 مرات و يقفل

السطر الثانى: نعمل 3 سلاسل وعمودين و2 سلسلة و3 عمود والشغل راح يكون فوق السلاسل اللى فى السطر السابق ثم نشتغل 2سلسلة و3 عمود و2سلسلة و3 عمود ويكرر لأخر السطر و يقفل

السطر الثالث : نعمل 3 سلاسل و4 عمود فوق العماويد اللى فى السطر السابق ثم 2 سلسلة و5 عمود و2 سلسلة ويكرر لأخر السطر

السطر الرابع : نعمل 3 سلاسل و4 عمود و5 سلاسل فوق العماويد اللى فى السطر السابق ثم 5 عمود و5 سلاسل ويكرر لأخر السطر

السطر الخامس : فى السلسلة رقم 3 فى السطر السابق هنشتغل 3 سلسلة و2سلسلة ثم 1 عمود ثم 5 سلاسل و5 عمود مجمعين من اعلى فوق العماويد اللى فى السطر السابق ثم 5 سلاسل ونشبكهم فى السلسلة رقم 3 فى السطر السابق ثم 5 سلاسل ثم 5 عمود مجمعين من اعلى ويكرر لأخر السطر ويقفل

السطر السادس : نعمل 2 عمود و2 سلسلة 2 عمود بين العمودين اللى فى السطر السابق ثم 5 سلاسل نشبكهم ثم 5 سلاسل ونشبكهم ثم 5 سلاسل ونشبكهم ويكرر لأخر السطر ونقفله

السطر السابع والثامن والتاسع : نفس السطر السابق مع مراعاة زيادة 5 سلاسل فى كل جنب


منقول

شوفى كدة المفارش دى

يارب يعجبوكى يا قمر
كمان انتى ممكن تعملى اى وحدة مربعة وتشبيكيها
بس مش على شكل مربع لا على شكل معين

شكرا لك يا هنهن وشكرا لملكة الكروشيه
كلهم رووووووووووووووووووووووووعة انا هابدا بالاول ان شاء الله كده اجربه بس انا بخاف شويه من التشبيك
واشكركم مرة تانية الاولانى رووووووووووووووووووووعة هابدا بيه ووراه ان شاء الله
بس ياريت اللى عندها باترون واضح تجيبهولى علشان هو عاجبنى قوى بس باترونه مش واضح
او الشرح وشكرا لكم مرة ثانية

ابلة هنهن انا بدات بالاولانى خالص دلوقتى
اريت تبقى ان شاء الله تساعدينى فيه وعايزة اسال ممكن ادخل فيه خرز ولا لا ياريت ترد عليه

ماشاء الله موسوعة تجنن ربنا مايحرمنا منك ياهنهونة وياملكة
هنهونة ياريت شرح المفرش الاول لانة سهل تقريبا كدة

حبيبتى باك الشرح فوق اخدت بالك يا قمر ولا انت عايزة المزيد

المفارش رائعة طبعا الاستادة مجيبش الا كل شيء جميل منتضرين المفرش يا اسماء موفقة

جزاكى الله خرا اختى شاوى