حبايبي ربنا يسعد قلبكوا زي مااسعدتوني باستجابتكوا وتطبيقاتكوا الجميله
لغايه مابقيه البنات يخلصوا حاناخد اخر حاجه في الاساسيات ودي اللي حانختم بيها الجزء ده من الدوره
وهي
الضفاير
والضفاير تعتبر اشهر غرزه في التريكو وهي سهله جدا وبتعطي تاثير جميل جدا في القطعه المشغوله بيها وعامه الضفاير بتتعمل علي الغرزه الجرسيه علي الوجه العدل وبتكون خلفيتها جرسيه معكوس يعني الضفاير بتكون عدل وحولها مقلوب علشان تظهر
الضفاير في اساسها نوعين
ضفيره لليسار او اماميهfront cross cable over 4 stitches (C4F)
ضفيره لليمين او خلفيه back cross cable over 4 stitches (C4B)
1- الضفيره لليسار الاماميه بنسميها كده علشان لما بناخد الغرز علي ابره اضافيه بنسيبها امام الشغل وبيكون اتجاه تحويل الغرز لليسار وعاده بتكون علي غرز عدل وبيكون الغرز اللي حولها مقلوب علشان تبقي بارزه في الشغل وممكن تتعمل الغرز اللي حولها مرنه او اي غرز تانيه
نفرض انك بتعملي ضفيره علي 4 غرز
اول حاجه بتسلتي الغرزتين الاولي ةالثانيه علي ابره ضفاير كده وبتسيبيهم امام الشغل
تاني خطوه بتشتغلي الغرزتين التالته والرابعه عدل كده
[والخطوه التالته بترجعي الغرزتين تاني من علي ابره الضفاير علي الابره اليسري وتشتغليهم عدل
كده نقلتي الغرزتين الاولي والتانيه مكان التالته والرابعه
الروابط المفضلة