السلام عليكم ورحمة الله وبركاته
************
أختي الغاليه أم قسمت محتاجه منك طلب بسيط لو ممكن تساعديني
وبدايتا كيف أحوالك
أنا حاولت أبعت موضوعي ده علي الخاص بس رسايلك مليانه مش بتستقبلي جديد
0
أنا بشتغل دلوقتي جاكيت صوف مفتوح بسوسته من قدام لزوجي وبكم رجلان والحمد لله بشتغل في الصدر كويس من غير مشكله وبشتغل في الجزء اليمين حلو أوي والحمد لله
أشتغلت كنار 2 ق و2 ورا بطول 15 صف بس في حاجه أحب أقولهالك اني أشتغلت أول غرز في اليمين 3 واللي بعدهم 2ق و2 ورا وهكذا حتي أصبح عرض الكنار 73 غرزه والغرزه الزياده في اليمين دي عشان تدخل في الخياطه بتاع البلوفر
ثم أشتغلت 110 صف عدل وابتديت حردة الباط في الصف 111 بحيث اني أشتغلت أول 3 غرز في الصف 111 عادي وبعدين جمعت الغرزه 4و5و6و7و8 وكملت الصف عادي ثم أشتغلت الصف اللي بعده
عادي من غير تنقيص
ثم أشتغلت أول 3 غرز الصف الـ113عادي ثم جمعت الغرزه 4و5و6 وكملت
وبعدكده في الصف الـ115 جمعت الغرزه 4و5 فقط وهكذا كل سطر فردي أجمع فيه الغرزه 4و 5 عشان تكتمل الحرده الرجلان
والحمد لله كده تمام
بس أستفساري دلوقتي ياغاليه هل حردة الباط من ورا في الظهر هل أشتغلها زي قدام وللا في فرق في التجميع
وبسألك كمان عن الكم أشتغله أزاي وأزود الكم والحرده أزاي أنا دورت في دروس كتييييير عن طريقة شغل الكم والتزويد عشان متعبكيش والله بس موصلتش لحاجه وعلي فكره دي أول حاجه أشتغلها تريكو بعد الكوفيه وفعلا متفائله جدا ومبسوطه ومبهوره بالنتيجه
أنا هنتظر منك رد وحتي لو مش هتقدري تساعديني
يهمني أطمن عليكي غاليتي
مشكوره كتييييير وجزاكي الله خيرا
الروابط المفضلة