من يقدر يقول لى عن اماكن بيع الخيط فى القاهره بالتفصيل اى شرح العنوان بالتفصيل حتى اعرف المكانولكم جزيل الشكر

السلام عليكم: في اخت تاتا محل كل شيء في ميدان الجامع بمصر الجديدة لكن اسعاره غالية شوية بس خيوطه جميلة جدا, وهناك محل الغندور في شارع الموسكي بالعتبة لكن يجب ان تشاهدي الخيوط اولا قبل شرائها لأن ممكن يكون مش نفس الفتلة اللي انت عايزاها او مش بنفس الجودة المطلوبة.
واصحابي قالوا لي ان في في التربيعة في الازهر بس الصراحة مش عارفة فين بالظبط, وكذلك في محلات في الغورية القديمة لكني ايضا لا اعرف طريقها.

على اي حال ميدان الجامع بمصر الجديدة- اخر شارع هارون- فيه مجموعة محلات لبيع الخيوط, وكان في محل عند اخر كوبري الازهر باتجاه جامع الحسين لكن للأسف غير نشاطه الى بيع الاقمشة والستائر.

شكرا لكى ولو فى محلات كمان يبقى جزاكى الله كل خير

ان شاء الله الأخوات يساعدوكي

السلام عليكم: في اخت تاتا محل باباجيان في شارع 26 يوليو وفي فرع ليه في شارع قصر النيل وفي فرع تالت بس مش فاكرة فين بالظبط. وهو محل مشهووووووووووور جدا لكن اسعاره غالية جداااااااااا, يعني ماما اشترت منه مجلة مفارش كروشية فيلية ب55 جنية. ولو عرفت اي عنوان تاني ان شاء الله اقولك عليه.

السلام عليكم
بصى يا تاتا محل كل شئ له فرع فى الهرم بعض الاسعار مثل التى بالازهر و بعضها اغلى بحوالى 2 جنيه
وبصى التربيعة انزلى عند جراج الاوبرا واسالى عن اول شارع الازهر ستجدى الشارع بيمر به كوبرى الحسين وله 3 تفريعات جهة الشمال الموسكى و فى المنتصف شارع الازهر و اليمين لا اتذكره
المهم عندنا شارع الازهر امشى فيه حتى تجدى كوبرى للمشاه اذا كان ظهرك لهذا الكوبرى ثانى شارع مباشرة هو اللى فيه الخيط اوله قماش و بعده بقليل الخيوط و عم قنديل هو المحل الذى به انواع كثيرة و رخيصة
اذا كان فيه ميكروباص اركبيه

شكرا لكم جميعا بجد افدتونى