انا شفت شرحك الجميل وبفضل الله فهمته وان شاء الله هعمل واحدة لبنت أختى اصلها عجبتها اوى واشترت الخيط ووضعتنى امام الامر الواقع قلت مش مهم اجرب فيها الاول ههههههه.... جزاك الله خيرا موفقة ان شاء الله ياحبيبة قلبى ياغالية

ونبدا بسم الله
وبتبدا عند الورده اللي في المنتصف وخطوات عمل الورده نشوفها مع بعض
ااعملي 9 سلاسل

ووصليهم بمنزلقه لتكوين حلقه


ثم اعملي 18 غرزه حشو في الحلقه واقفلي بمنزلقه

السطر التالي - اعملي 3 سلاسل (ثم عمودين في غرزه الحشو التاليه- عمود في غرزه الحشو التاليه- )

كرري مابين القوسين لنهايه السطر واقفلي بمنزلقه

السطر التالي - سلسله ثم 36 غرزه حشو موزعه علي الاعمده واقفلي بمنزلقه

السطر التالي - منزلقه الي اول غرزه حشو ثم 3 سلاسل واقفليهم في غرزه الحشو التاليه بغرزه حشو-( منزلفه لغرزه الحشو التاليه- 3سلاسل واقفليهم في غرزه الحشو التي تليها)وكرري مابين القوسين حتي نهايه السطر واقفلي بمنزلقه وحايكون عندك 18 مجموعه لوب كل لوب مكون من 3 سلاسل

[
كده الورده الاساسيه اللي في وسط البلوزه خلصت
ياللا طبقوا ياغاليات

كتبت بواسطة هنهن2007

الحمد لله انا اول واحدة فى الفصل

اهلا بيكي يااحلي تلميذه ههههههه

كتبت بواسطة bosy_md

تسلميلى يا ماما يا سكرة
اخبار مرمر ايه ؟
ديدي تمام و موجوده و ان شاء الله ابلغها سلامك
و ان شاء الله ابدأ فى البلوزة معاكى اجرب اول جزء و اشوف

بس لو عايزه اعملها صوف ايه رايك اجيب خيط اد ايه و ابره كام

حبيبه ماما حاتنوريني والله والسلام امانه لبنتي ديدي
بصي انا عملتها قطن واخدت تقريبا150 جرام وممكن تجيبي 300 جرام صوف علشان مش يعجز معاكي

كتبت بواسطة بدايت انسانه

البلوزه عجبتني كثير واتمنى ابداء معاكم بس ماقدر انزل صور

واخاف تكون صعبه

كتبت بواسطة بدايت انسانه

انا افضل الخط المصري

حبيبتي اهلا بيكي وباذن الله مش صعبه واحنا كلنا معاكي امال هي ورشه ليه علشان نشرح لبعض ونساعد بعض
والخيط القطن المصري طبعا لايعلي عليه

كتبت بواسطة ريحانة عربية

انا شفت شرحك الجميل وبفضل الله فهمته وان شاء الله هعمل واحدة لبنت أختى اصلها عجبتها اوى واشترت الخيط ووضعتنى امام الامر الواقع قلت مش مهم اجرب فيها الاول ههههههه.... جزاك الله خيرا موفقة ان شاء الله ياحبيبة قلبى ياغالية

ريحانتي واجمل ريحانه وحشتيني جداااا والله ياااااه الواحد بيفرح لما يشوف اسمك بس فين العصافير الجميله اللي كانت في توقيعك
وتحيه شكر لبنت اختك الجميله علشان حاتخليني اشوفك واتواصل معاكي

هلا حبيبتي ام قسمت البلوزة روووووووووعة يعطيك العافية



انا ان شاء الله نعكم في الورشة بس يمكن اتأخر شوية

وهذا تطبيقي يااااااااااارب يكون صح

السلام عليكم ورحمة الله وبركاتة
ام قسمت الغالية انا انفذ الان ورشة سارة الاعظمية ولجمال البلوزة فكرتها جديدة عليا
اسناذن من سارة شوية وتنضم معكم
ارجو ان تقبلينى واكون لك شاكرة

انا جييييييييييييييييييييييت خدت مقلب روحت جبت الخيوط وجييت لقيت النت فاصل وفضل مفصول طول الليل عشان كده معرفتش انتو اتعلمتو ايه من حبيبتي ام قسمت
لكن انا هاطبق الدرس ان شاء الله وليا طلب ام قسمت انا عايزاها مقاسي اقيسها ازاي على نفسي؟

السلام عليكم ورحمة الله وبركاته

ده تطبيقي لشرحك معلمتي ..........ايه رايك ؟؟

( انا من هواة التريكو وده اول عمل لي في الكروشيه ) فان كان غير جيد قوللي عشان اصلحه

بسم الله ما شاء الله ولا حول ولا قوة الا بالله


أم قسمت يانور عيوني
والله انتي القمر الشارد في منتدانا ودايما طلتك عسل وغيبتك بتأثر فينا

وحشاني كتيييييييير ومجرد ما ألاقي أم قسمت جات بفرح وانبسط كتيييييير


وطبعا البلوزه جميله وسبق وباركتلك علي بلوزة بنتك اللي في منتهي الجمال والأتقان في الموضوع القديم وفرحت كتييييير بشغلك الجميل أوي ما شاء الله وفعلا ذوق عالي وانا نفسي بحب البلوزه دي جدا


ربنا يعينك يارب ويعين كل أخواتي الجمال اللي هينفذوا معاكي البلوزه


يارب يوفقك ياأم قسمت ويباركلك في كل أحبابك وينور طريقك ويسدد خطاكي يارب

سأنضم الى الورشه عشان اعملها لبنوتى اكيد ام قسمت ماتقولين لا ههههههههه اعرفج حبوبه يسلموو على انه بنتعبك معانا بالاسئله