مساء الخير على كل العضوات اللى زى العسل اللى معانا ..

عارفة أنى تعباكم معايا أوووووووى والله بس معليش أختى ( أمورة الستات ) نزلت موضوع ( صيفنا كروشية ) ونزلت بلوزة حلوة اوى بس من غير بترون وأنا نفسى أنفذها ..

ممكن حد يساعدنى ويشرح لى الغرزة دى أو الاقى بترون ليها ؟؟

معليش تعبتكم أوى ويمكن زهقتكم بس والله العظيم بحب المنتدى هنا أوى وطول اليوم فاتحاه وأعترف أنى نفذت حاجات كتير بفضلكم .

سورى نسيت أنزل صورة البلوزة



يارب أعرف اعملها أو حد يشرح لى الغرزة .

انتي بنت حلال اسكندرانية جدعة صحيح عشان كدة أنا لسة حالاً شايفة باترونات تنفع قوي للبلوزة دي هاحملهالك حالاً و انزلهالك يا جميل

لا يجوز الحلف بالنبي ... تم التعديل بواسطة المشرفة العامة

اتفضلي يا قمر

و أي خدمة ياستي أصلك والله بنت حلال مصفية كمان لأن الباترونات دي أنا لسة شايفاها في منتدى تاني من حوالي ربع ساعة بس

منال وسمسمة حبايب قلبى
انا غير معتادة الدخول لهذا الركن لكن لفت نظرى العنوان
لا تفهمونى غلط
( من حلف بغير الله فقد اشرق به ) يعنى اى حلفان بالنبى او وحياة ابويا او امى او المصحف والحاجات دى حراااام وهذا شرك بالله وكفارته قول لااله الا الله
انا كنت كاى واحدة احلف بالنبى لكن من بعد ما قرات وسمعت هذا الكلام توقفت ولو نسيت بقول لااله الا الله
واسافة انا قصدى خير واخذ ثواب فقط احبكم فى الله

اعتقد ان دة باترونة

تسلم ايديكى يا سمسمة

كتبت بواسطة ghada_osama

منال وسمسمة حبايب قلبى
انا غير معتادة الدخول لهذا الركن لكن لفت نظرى العنوان
لا تفهمونى غلط
( من حلف بغير الله فقد اشرق به ) يعنى اى حلفان بالنبى او وحياة ابويا او امى او المصحف والحاجات دى حراااام وهذا شرك بالله وكفارته قول لااله الا الله
انا كنت كاى واحدة احلف بالنبى لكن من بعد ما قرات وسمعت هذا الكلام توقفت ولو نسيت بقول لااله الا الله
واسافة انا قصدى خير واخذ ثواب فقط احبكم فى الله

جزاكي الله كل خير أختي الغالية غادة أنا عن نفسي ماباحلفش بغير الله بس في ردي على أختنا منال أنا بأحاول أعملها نوع من الدعابة عارفة بالضبط زي ماأكون بأقولها (يا شيخة انتي بنت حلال) عموما ربنا يبارك فيكي و يجعله في ميزان حسناتك يارب الدال على الخير كفاعله

حبيبة قلبى سمسمة ...... ربنا يخليكى يارب ويجازيكى كل خير أن شاء الله بجد فرحانة أوى ومش عارفة أشكرك أزاى بس بجد بجد ربنا يكرمك يارب .

أختى الغالية شط أسكندرية جزاكى الله كل خير ومتشكرة جدا على تعبك ومساعدتك ليا .. نفسى أقولك نردهالك قريب ههههه بس معليش أنتى أشطر منى مش حعرف أرد أيه ولآ أيه هههههه بجد ميرسى أوى .

أختى الغالية غادة .. جزاكى الله كل خير وبارك الله فيكى وطبعا مفيش زعل لان كلنا أخوات هنا وبجد كان غصب عنى وأنا عارفة أن من حلف بغير الله فقد أشرك بس غصب عنى ساعات بقول والنبى وعموما ربنا يقدرنى وأبطلها أن شاء الله وجزاكى الله كل خير مرة تانية .

يا جميلة يا روح قلبى انا مقدرة ده وعارفة وشعورى لك زى اكنى بقول لماما لو نسيت او اختى او انا لما بنسى
فهمانى يا اسكندرية وحشانا اوى واللهاسكندرية وحبايب اسكندرية الى عندكم ربنا يسهل ونجيلها قريب فى الصيف