السلام عليكم
اخواتي الحبيبات
كانت الاخت نور الصباح علي نفسها في ورشة مفرش سفره
ونزلت صورة المفرش اللي بدأت اعمله ده

وعجب الاخوات
واحسن خيط لعمل المفرش بعد العديد من التجارب هو خيط الغزل
وده عندنا في مصر الشله بجنيه
والشله بتعمل 3 وحدات ونص
انتي تشوفي السفره بتاعتك عاوزالها مفرش مساحته كام وحده وتحسبيها وتجيبي الخيط
او الحل الاسهل انك تختاري خيط لونه متوافر عند المحلات كلها وتشتري كل ماتنزلي كام شله عشان ماتحسيش بتمن الخيط خالص
لو بقى حابين تنفذوا نفس المفرش لسرير فهتغيروا نوع الخيط بس تجيبوا خيط حرير الشله بجنيه وربع في مصر برضه
او خيط قطن وده بيبقى غالي شويه والبكره منه بتعمل خمس وحدات بخمسه جنيه
هستناكم تقولولي مستعدين للبدء انزلكم الباترون وشرحه

انا معكي عجبني جدا

انا سالت علي خيط الغزل عندنا ف اسكندريه قالي الكيلو ب 70 وانتي بتقولي الشله بجنيه لو ينفع تصوريلنا الشله وتحطيها وخيط الحرير ال 100 جرام ب 3 جنيه هل هو ده وشكرااااااااا

كتبت بواسطة sumayya

انا معكي عجبني جدا

ربنا معانا كلنا ان شاء الله
جيبي الخيط والابره واستعدي

كتبت بواسطة farawlla07

انا سالت علي خيط الغزل عندنا ف اسكندريه قالي الكيلو ب 70 وانتي بتقولي الشله بجنيه لو ينفع تصوريلنا الشله وتحطيها وخيط الحرير ال 100 جرام ب 3 جنيه هل هو ده وشكرااااااااا

اهلا بيكي يافراوله
على فكره انا برضه من اسكندريه من 45
وصورتلك شلة خيط غزل اهه


والشله دي بجنيه
واعتقد الكيلو اخر مره من شهرين كان بستين جنيه
بس الشله بتتباع بجنيه في محل الخيط
ونصيحه مني اشتري الغزل بالشله ماتشترهوش بالكيلو لان بالكيلو بيبقى من جوه متقطع كتير ومربط
انما لو بالشله بتبصي في الشله كويس وتتاكدي انها مش قطوعه
انما الحرير فعلا الشله 100 جرام بجنيه وربع ده كمان عند بتاع الخيط العادي
لو بالكيلو بتقف ارخص من كده

دكتوره فوفو ..........جيتى فوقتك انا نفسى جدااااااا أعمل مفارش كبيره بس مكنتش اعرف والمفرش ده حلو اوى
وانا طبعااااااا معاكى وبكره هشترى الخيط بس لو عايزه اعمل المفرش مساحته اد اللى فى الصوره ممكن أخد كام
شله عشان اجيبهم مع بعض عشان مشكله أختلاف الالوان .........ومعلش سؤال تانى هو انا لما اشتريها اأقول عايزه خيط غزل ملهوش اسم تانى لانى اول مره بصراحه اسمع عنه ..............
والف شكر ليكى على تعبك معانا.....

كتبت بواسطة رومة

دكتوره فوفو ..........جيتى فوقتك انا نفسى جدااااااا أعمل مفارش كبيره بس مكنتش اعرف والمفرش ده حلو اوى
وانا طبعااااااا معاكى وبكره هشترى الخيط بس لو عايزه اعمل المفرش مساحته اد اللى فى الصوره ممكن أخد كام
شله عشان اجيبهم مع بعض عشان مشكله أختلاف الالوان .........ومعلش سؤال تانى هو انا لما اشتريها اأقول عايزه خيط غزل ملهوش اسم تانى لانى اول مره بصراحه اسمع عنه ..............
والف شكر ليكى على تعبك معانا.....

معقول
رومه مستنياني انا اشجعها
ده انا غلباااااااانه
عموما اهلا بيكي
بما انك من مصر فاتطمني الاسم الوحيد للخيط ده هو خيط غزل
ونفس مقاس المفرش اللي في الصوره تحتاجي تقريبا 51 شله
لو انتي ايدك بتفرد في الشغل 50 لو ايدك ضيقه في الشغل يبقى 55 شله
والشكر لله وحده ياجماعه اهو حتى تشجعوني ونشجع بعض

السلام عليكم
مستعدات اخواتي
الباترون الاساسي أهوة

شكله يعقد مش كده ؟
ماتخافوش هو يبان معقد شويه بس ماتخافوش
سهل جدا جدا
اول وحده بس بتبقى صعبه وبعد كده هتحبوه اوي
شويه اسيبكم تلفوا فيه حبه
وبكره ان شاء الله اكون ظبطته ووضحته شويه وانزل الصوره الاوضح مع الشرح التفصيلي للباترون

فكرة روعة
لو مش بشتغل اكثر من حاجه حاليا كنت تابعت معاكم


بس ليا ملحوظة
المفرش ده الوحدات الى فيه منها فيه نجمة اسرائيل
لو انا ملاحظتى صح ياريت تغيروه
و انا مستعده اجيبلكم مفارش كتير و انتم اختاروا

كتبت بواسطة bosy_md

فكرة روعة
لو مش بشتغل اكثر من حاجه حاليا كنت تابعت معاكم


بس ليا ملحوظة
المفرش ده الوحدات الى فيه منها فيه نجمة اسرائيل
لو انا ملاحظتى صح ياريت تغيروه
و انا مستعده اجيبلكم مفارش كتير و انتم اختاروا

اهلا بيكي ياقمر
بس على فكره هو مافيهوش نجمة اسرائيل
وعلى فكره كمان في النقوش الاسلاميه في شغل الارابيسك بتكون موجوده النجمه دي
وده ايا كان تصميم
وشكله حلو ومش شبه نجمة اسرائيل