حبيبتي زهره
استني ماتفكيش انا لقيت الحرده صح زي ماقلتي واقابلك بالليل
يعني كده الضهر مظبوط معاكي ونبدا في الامام

مشكورة علي ردك السريع ، والله فتحتي نفسي علي الشغل تاني
برضه شوفي الصورة كده يمكن ليكي رأيي تاني

يا ساتر ، الصورة كبيره اوي كده ليه
طب شوفي دي كده
http://www.arb-up.com/files/arb-up-2008-1/BHh16746.jpg

http://www.arb-up.com/files/arb-up-2008-1/XLz17187.jpg
http://www.arb-up.com/files/arb-up-2008-1/jgx17520.jpg


المشكلة بقي كمان زي ما قلتلك ان الغرزة اللي استخدمتها في الظهر هي غرزة البليسيه بس المفروض تكون غرزة الرز ، انتي ايه رأيك ؟ افك والا اكمل وخلاص
عموما انا رغم تريقة ماما عليا خصوصا عشان المقاس مش مظبوط بس انا مبسوطة اني مشيت كل الخطوات دي ، واديني باتعلم ولا ايه ؟؟

قوليلي كمان لو سمحتي لو الظهر كده مظبوط والحرده كده صح ، اعمل ايه بباقي الغرز اللي لسه موجوده علي الأبره
لأن انا سبتهم علي الأبرة وابتديت اعمل الوجه علي سنارتين اخرتين.

متهيالى ان الحردة مش متساوية فى الجهتين هناك اختلاف واضح فى الصورة

ايوه صح كلام نسايم ( ازيك يانسومه منوره ياقمر ) الناحيه اليمين صح والناحيه التانيه فيها غلط زي ماتكوني بتفوتي سطور
حبيبتي اقفلي في نفس السطر في اوله واخره وسيبي السطر اللي راجع واهي الحرده
انا مش عايزه احبطك بس عايزه الشغل يطلع مظبوط

اقفلي 6 غرز في بدايه السطرين التاليين وبعدين اقفلي كمان 6 غرز في بدايه السطرين التاليين وبعدين ابدئي بتنقيص غرزه lمن كلا الجانبين في سطر وسيبي سطر كالتالي
اشتغلي اول غرزه عدل ثم اسلتي اللي بعدها من غير شغل واشتغلي تالت غرزه عدل ثم اقلبي المسلوتع علي تالت غرزه دي وفي نهايه السطر لما يبقي عندك 3
غرز خدي غرزتين عدل معا ثم اشتغلي الاخيره عدل وفي الوجه الخلفي حاتعملي اول غرزتين مقلوب وتمشي غرزه الرزه بعد كده لغايه اخر غرزتين اعمليهم مقلوب وهكذا
حاتعملي الحرده 29 مره وحايفضل عندك 35 غرزه سيبهم علي ابره تانيه وابدئي الامام
وده الامام
النصف الامامي الايسر- بالابرنم4.5ابدئي—57 غرزه واشتغلي البليسيه زي الضهر ثم ابدئي غرزه الرزه المزدوجه مع زياده غرزتين ليكون عندك 59 غرزه واشتغلي لغايه مايوصل طول القطعه زي الضهر 13بوصه ابدئي في عمل الحرده من جانب واح
واحردي روجلان زي الضهر ولما طول الحرده يوصل 3 بوصه ابدئي حرده الرقبه من الجهه الاخري للقطعه مع الاستمرار في حرده الرجلان احردي للرقبه من الجهه الاخري للسطر 12 غرزه ثم احردي غرزه كل سطر وسطر 4مرات اشتغلي لعليه حرده الرجلان ماتبقي 8.5بوصه وحطي الغرزتين اللي حايفضلوا علي الابره علي ابره تانيه
اعملي الجانب الايمن للامام زي الجانب الايسر بس بالعكس
انا معاكي اهه وباذن الله مش حااسيبك الا اوانتي لابسه الجاكيت

لأ لأ لأ
واحده واحده عليا انا كده اتلخبطت

بالنسبة للظهر انا والله عملت الجانبين زي بعض بس ماعلينا هافك كل دا لحد بداية الحردة واشتغل الحردة من الأول

حضرتك بتقولي اقفلي 6 غرز في بداية السطرين التاليين وبعدين اقفلي كمان 6 غرز في بدايه السطرين التاليين

تقصدي اقفل 6 غرز في بداية ونهاية السطرين التاليين ؟؟؟
اصل ما ينفعش اقفل من ناحية واحدة 6 غرز وبعدين في السطر التالي اقفل 6 غرز من الناحية التانية ولا انا فهمتك بالمشقلب ؟؟؟

بالنسبة بقي للتنقيص
انا بصراحة ماعملتش زي ما حضرتك قولتي كده انا فهمت من الباترون الانجليزي ان اقفل غرزة واحدة من كل ناحية في 29 سطر
لكن التنقيص سطر وسطر لأ بصراحة ما عملتش كده

انا برده ان شاء الله هافك الظهر زي ما اتفقنا وهاركنه شويه، لأني بالفعل ابتديت في شغل أيسر الأمام
وليا سؤال هنا : قولتيلي ابتدي ب 57 غرزة وفعلا عملت كده وعملت البليسه ومعاه الحمصة كبداية وبعدين عملت غرزة الرز ، بس ازود عدد الغرز ل 59 امتي بالظبط ؟؟

انا خلاص اتلخبطت خالص وهاين عليا اعيط
اصل اشتغلت كتير اوي واديني هافك الشغل تاني

حبيبتي زهره
معلش كل شيء في اوله صعب وانا اول بلوفر عملته كان يهلك من الضحك
شوفي سيبك من الضهر وخلينا في الامام
تزويد غرزتين بعد ماتخلصي البليسيه بس مش مشكله مش هم دول اللي حايفرقوا معانا
طيب عامله ايه في الرزه ماشيه معاكي ولا برضه بتقلب بليسيه

يا سلام على شرحك يا ام قسمت

الصراحة انت الى دايما بتنقذينا واللة