والله يا نسمة انا مش عارفه بالظبط ممكن تبدي بكام غرزة بالنسبة للأطفال، أنا مش محترفه اوي مع الأسف بس الحمد لله بفضل الأخوات اتعلمت حاجات كتير بس تعالي نسأل الأخت ام قسمت لأنها ما شاء الله من محترفات التريكو.
اما بالنسبة للجاكت اللي انا شغالة فيه علي عيني وعلي راسي اساعدك واحدة واحدة قوليلي بس انت مقاسك ايه لأن الباترون معمول علي 3 مقاسات صغير ، متوسط ، كبير
اللي انا شغاله فيه المتوسط وهو 117 غرزة، يعني عملت 117 غرزة علي السنارة ، انا دلوقتي لسه في الظهر حتي لسه ماوصلتش لحردة الكم لو تحبي تبدي معايا وان شاء الله تحصليني بسرعة.
وانا تحت امرك في اي مساعدة بس انتي ابتدي وانا معاكي ان شاء الله

انا مش عارفه ليه الصورة مش ظاهره عندك يا نسمه مع اني شايفاها كويس وبعدين دا انا نزلتها 3 مرات دا غير صور التطبيق بتاعي، انا عارفه انك لو شوفتي صورة الجاكت هاتتشجعي اكتر.

متشكرة جداَ جداَ يا زهرة على ردك علي
طيب أنا هابدأ معاكي واحدة واحدة وياريت أحصلك زي ما بتقوللي ربنا يسمع منك
بس بالنسبة لبنتي تفتكري أعملها المقاس الضغير أحسن ولا ايه
يعني خلينا في الصغير... نبدأ بكام غرزة؟

هي س غرزة الحمصة دي مغلباني يعني مش عارفة ازاي اعمل كذا غرزة في نفس الغرزة؟؟؟؟؟؟؟؟؟؟

نسمة المقاس الصغير بتعملي 109 غرزة .
بالنسبة لغرزة الحمصة انا برضه الغرزة بنت الأيه دي غلبتني اوي خصوصا واني مكنتش باعرف اشتغل تريكو خالص بس عنيا حاضر النهارده ان شاء الله هاصور الغرزة واحده واحدة وانزلها استنيني بالليل ان شاء الله
معلشي اني اتاخرت عليكي في الرد بس امبارح ان كنت بره البيت طول اليوم

حبيبتي زهره انا دورت علي الموضوع لغايه مالقيته
قولي ياقمر وصلتي لفين وعايزه ايه وانا معاكي خطوه خطوه واذا كان علي الحمصه الدوره بتاعتي فيها توضيح للغرزه استني اشوفها لك
http://www.lakii.com/vb/showthread.php?t=307134&page=3

يا سلام يا ام قسمت
دا انا قلبي كان هايقف لما شوفت ردك
اخيراً ردتي عليا ، دا انا كان ناقص امسك مايكرفون في وسط المنتدي ونادي علي ام قسمت الغاليه
انا مش عارفه اشكرك ازاي والله مجرد وجودك في موضوعي بيريحني نفسياً
اصل انت مش عارفه اد ايه انا مرعوبه لأنها اول تجربه حقيقية ليا
قبل كده عملت كوفيه والوتها حلوه اوي ، كان نفسي اعرضها في المنتدي بس ماما كوتها علي درجة حرارة عاليه فباظت لأ وكمان بلتها قبل ما تكويها
المهم عشان ماطولش عليكي اكتر من كده وادوش دماغك
يا ستي انا عملت الظهر بس مش عارفه انا صح ولا لأ
لأني اكتشفت كام خطأ بس بصراحة مش هاين عليا افك القطعه وقلت اكملها وامري لله
اول خطأ اني عملت قياس خطأ بالرغم من اني اتبعت الباترون وماما طبعا ضحكت عليا
انا مقاسي مديام عشان كده عملت 117 غرزة كبدايه زي الباترون ما قال بس الضهر طلع صغير ، هاعرض الصورة عشان تشوفيها
كمان كان المفروض اني اشتغل غرزة الرز بس عملت بلسيه واكتشفت الخطأ بعد ما وصلت لنهاية الظهر تقريبا
السؤال بأه اني بعد ما وصلت طول قطعة الظهر 35 سم قفلت 6 غرز من الجانبين في اول سطر وبعدين قفلت 6 غرزة تاني من الجانبين في تاني سطر زي الباترون ما قال رغم ان الأخت اللي ترجمتلي الباترون في الأول قالت اقفل 6 غرز من الجانبين مرة واحدة بس ، بس لما قريت الباترون فهمت غير كده ، وبعدين يا ستي قفلت غرزة واحده من كل جانب 29 سطر ووقفت علي كده مش عارفه اعمل ايه ؟؟
وبقالي كام يوم بادور عليكي عشان تساعدني لحد ماما ما قالتلي ابتدي في الوجه علي ابرتين تانين لحد لما ام قسمت تظهر وترد عليكي ، تعرفي اني اشتركت في منتدي تاني لما لقيت اسمك فيه عشان اتكلم معاك ، شوفتي بأه انا دوخت عشان الاقيكي ازاي

اه بالنسبة لغرزة الحمصة نسمه هيا اللي كانت بتسأل عنها وانا كنت عايزه اصور نفسي وانا باعملها عشان اوريهالها بس ما عرفتش، الحمد لله انك موجوده عشان تقوليلها عليها.
في حاجه كمان نسمة عندها بنوته عندها 8 سنين وكانت عايزه تعرف بكام غرزة تبتدي عشان تعمل لبنوتتها بلوفر؟؟؟

حفظك الله لنا يا ام قسمت وحفظك لأولادك، أمين
كل سنة وانتي طيبة وبصحة وعافية

بااااه يازهره كل ده هههههه
معلش ياقمر انا والله بادخل منتديات كتير وبار
د كتير يعني من الاخر كده رغايه بس اللي بيسالني سؤال بيفضل علي بالي لغايه ماارد عليه الا بقي السهو يعني بانسي اوقات
المهم انتي بتعملي جاكيت لكي مش كده ؟؟
الحرده اولا مش مظبوطه لانك حردتي كتير قوي في الاول فلو ممكن تفكيها وانا حااترجم لك الباترون باذن الله ونمشي واحده واحده كده ولو اني مناكده ان الغاليه اللي ترجمت مترجماه صح بس علشان اركز معاكي
بالنسبه للطلب بتاع الاخت نسمه عايزه اعرف هي حاتعمل علي ابر نم كام علشان نحدد البدايه وقوليلي كمان انتي عرض الضهر مظبوط عليكي ولا صغير

انا كمان مستنياكى يا ام قسمت يا حبيبتى