انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 2 من 2 الأولىالأولى 12
عرض النتائج 11 الى 18 من 18

فستان كروشيه؟؟؟

(ركن الكروشيه والتريكو - منتديات لكِ النسائية - الأرشيف)
عند وصولى لفتحة الباط سأشتغل الامام وحده والخلف لوحده وهأبدأ بالأمام طبعا أنا محدده من قبل خط الجنب ووسعت زى مأنا عايزه هاأبدأ فى التنقيص ...
  1. #11
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة

    عند وصولى لفتحة الباط سأشتغل الامام وحده والخلف لوحده وهأبدأ بالأمام طبعا أنا محدده
    من قبل خط الجنب ووسعت زى مأنا عايزه هاأبدأ فى التنقيص 4_3_2 أزاى؟؟؟؟؟
    أول سطر فى فتحة الباط هأنقص 4 سلاسل طبعا أنا فى خط الجنب أشتغل 4
    عيون بالمنزلقة لعدم إرتفاع الشغل وبعدين أشتغل 4سلاسل بمثابة عمودبلفة
    وسلسلة بين العماويد زى كده

    أكمل لغاية قبل آخر خط الجنب ب4سلاسل كده أنا نقصت من كل جانب 4 سلاسل

    فى بداية السطر التالى أنقص 3 سلاسل ب 3 غرز منزلقة وأشتغا زى كل مرة 4
    سلاسل بمثابة عمود بلفة وسلسلة بين العواميد زى كده

    أثناء شغلى يمكننى قياس الوسط لأحدد إذا كنت عايزه أنقص أكتر ولا لأ
    وكمان أحدد فتحة الرقبة

    أنا هنا هابدأفى فتحة الرقبة أحدد أنا عايزة الفتحة كام سم أو مساحة كام عمود
    أقسم الشغل بالنصف وأشتغل من الباط حتى منتصف المساحة اللى حددتها
    لفتحة الرقبة لاننى سأكمل باقى المساحة عند الباط الثانى زى كده

    انا هنا بأشتغل فى ناحية واحده حتى الكتف

    كده خلصت أول ناحية من فتحة الرقبة وقطعت الخيط لأشبكه فى المكان اللى
    حددته لفتحة الرقبة

    أشبك الخيط فى المكان المحدد لفتحة الرقبه وأكمل الشغل مع تنقيص بسيط يصل لعين أو
    إثنين لعمل فتحة ضيقه من أسفل وواسعة من عند الكتف

    ومثلما إشتغلت فى الناحية اليمنى أشتغل فى الناحية اليسرى وأكمل الشغل زى كده

    كده نصف الوسط خلص
    كنا خلصنا الصدر وهنبدأفى الظهر وإشتغلنا دوران الوسط بشكل دائرى حتى وصلنا لفتحة الباط
    وأخذنا نصف الوسط للصدر وخلصناه ودلوقتى هنبدأ فى النصف الثانى وهو الظهر
    أقيس نصف الظهر وآخذه لاشتغل الظهر على قطعتين بمعنى أننى هاعمل فتحة تبدأ
    فى نفس صف فتحة الباط للظهر لكى يلبس الفستان بكل راحة للطفله وفيما بعد سأقول كيف
    تعملى لهذه الفتحة عراوى وأزرار

    بدأت فى التنقيص مثلما حدث فى الصدر وأبدأ ب4 غرز ثم السطر التالى ب 3 غرز والثالث ب2
    غرزه وأشتغل دون تنقيص ناحية فتحة الظهر التى ستفل بالازرار

    إشتعلى دون تنقيص حتى يصل الشغل قبل مستوى للصدر بثلاث اسطر لنفتح فتحة الظهر







  2. #12
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة

    لاتنسى أن تبدأى كل أول سطر ب4 سلاسل ثلاثة منهم بمثابة عمود وسلسله
    بين العماويد وكمان ياريت تثبتى دبوس كعلامة لمنتصف الظهر طبعاً
    بعد قياس وسع الظهر اقسمى على 2 وضعى الدبوس

    على فكرة أنا لبست الفستان ألوان داكنه ليظهر لكم بوضوح
    هاكمل معاكم فتحة الرقبه للظهر وزى ماتفقنا إحنا شغالين فى نصف الظهر الجهه اليمين منه
    ومثلما إشتغلنا فى النصف اليمين يجب تدوين كل الخطوات لنشتغلها بالضبط فى النصف
    اليسار من الظهر هنا وصلت بالشغل للإرتفاع المطلوب وهأبدأ بفتح الرقبه

    أشتغل سلسله واحده وأبدأ فى فتح الرقبه بشغل غرزة حشو(x) والغرزه التاليه غرزة
    العمود بلا لفه والعين الثالثه عمود بلفه وبين كل غرزة وغرزة سلسله وانا بأعمل
    كده لأرتفع بالشغل بالتدريج زى كده

    هأكمل الشغل بالعمود بلفه لآخر السطر

    أبدأ فى عمل إنحدار الكتف وهو يشبه فتحة الرقبه بمعنى أشتغل سلسله ونفس
    الخطوات السابقه لفتحة الرقبه ولكن عند وصولنا الى فتحة الرقبه أشتغل 3 سلاسل
    بمثابة عمود وأرجع بالشغل تانى مع مراعاة الشغل بغرزة العمود بلا لفه فوق الكتف
    زى كده

    أكملى الشغل بسطر آخر مع مراعاة تنقيص الكتف من ناحية الرقبه والجنب
    حتى يساوى الكتف الأمامى (الصدر)

    ده الشكل النهائى لنصف الظهر ومثلما فعلنا فيه إشتغلى النصف الآخر من الظهر

    بعد الإنتهاء من الظهر سوف نزين الرقبه كما فى الموديل
    وننزل على الجيب (الجزء السفلى للفستان )
    على نفس خط فتحة الباط .كده الصدر خلص وكذلك الظهر خيطى الكتف مع بعض
    بابرة الخياطة أو بإبرة الكروشيه زى كده

    كنت عايزة اوريكم الرقبه قبل تشبيكها مع الظهر

    وطبعا لسه محصلشى فيها حاجة إلا التقفيل فقط
    وده شكل فتحة الرقبه الخلفيه للظهر

    ده شكل الكتف بعد تقفيله بإبرة الكروشيه

    كده الصورة للرقبه وضحت وباقى تكحيلها بالشكل اللى ظهر فى الموديل بتاعنا

    اشتغلى بغرزة الحشو بداير الرقبه أمام وخلف وأنزلى بالغرزة على فتحة الظهر
    لانها هتكون فيها ناحية زراير وناحية عراوى وسوف نشتغل سطر آخر حشو
    وتوضح الصورة ناحية اليمين أول سطر حشو والناحية الشمال اشتغت سطرين


    وهنا أنا بدأت أخلص السطر الثانى
    النهارده هأعمل معاكم هأبدا بعمل عراوى للظهر طبعاً إحنا كنا فتحنا للظهر فى نفس السطر
    لفتحة الباط (إرجعى لعمل الظهر ) فبقى عندى فتحة لسهولة لبس الفستان يجب عمل ليها
    عراوى فى ناحيه وأزرار فى الناحيه الثانيه ....بالنسبه للعراوى إبداى فى عمل سطر
    حشو فى بداية فتحة الظهر وكل عدد معين متروك لكِ إشتغلى 5 سلاسل وأغرزى الابره بعد
    3 عيون ليحدث إرتفاع ووسع اللى هو العروه وعدى البعد المناسب للفتحة والمتساوى فى العدد
    وإعملى عروة ثانيه ليكونوا على أبعاد متساويه وهكذا زى كده




  3. #13
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة


    أكملى سطر الحشو لفتحة الرقبه الخافيه وأنزلى على فتحة الرقبه الاماميه وكملى
    على فتحة الرقبه الخلفيه الثانيه حتى تصلى بالشغل لأسفل الظهر إبدأى مره أخرى
    فى عمل سطر حشو ثانى بنفس الطريقة السابقة بس عند وصولك للعروه
    إدخلى الإبرة فى السلسال (5 سلسله ) لتغليف العروة وتسميكها لتتحمل دخول
    وخروج الزرار فيها فيبقى شكل العروة كده طبعاً من الناحية الاخرى يثبت الأزرار
    بشكل مضبوط للعروة






    أما الرقبه من الامام أصبح مشغول عليها سطرين الحشو أشتغلى سطر عمود بلفه واحده
    من الامام وحشو من الخلف بس ماتنزليش على فتحة الظهر بمعنى تشتغلى رايح جاى
    على فتحة الرقبة فقط الاماميه والخلفية بس زى كده






    إشتغلى سطر حشو فوق العمود بلفه من الامام واكملى لآخر الرقبه زى كده






    نسيت أقول لك فى ( الكورنر بتاع الرقبه أتركى عين متشتغلهاشى لعمل زاوية
    فتحة الرقبة الأمامية وعلشان متطلعشى فيها دوران زى كده
    إشتغلى سطر حشو ثانى ليصبح حوض الرقبه الامامى عبارة عن سطرين حشو وسطر
    عمود بلفه وسطرين حشو آخرين زى كده







    هنا واضحة زاوية ركن الرقبة لما عديت عين من غير شغل
    كده خلصت النهار ده إستنونى يكرة بإذن الله علشان نكمل اللون الثانى


    هأكمل معاكم باقى جيبة الفستان كنت وصلت لغاية شغل جزء كبير عبارة عن 5 سلاسل وجزء
    صغير عبارة عن 2 سلسلة ولكن فيه ملحوظة مهمة جداً أحب ألفت نظركم ليها إن هذه الأجزاء
    لازم تكون زوجية العدد بمعنى مينفعشى أشتغلها بعدد فردى أى أشتغل 4...6...8....10 .....12...
    وهكذا لإنى باشتغل على شكلين من الغرز فلازم تكون الاجزاء زوجية العدد

    فى الصورة شايفين إنى أشتغلت فى الجزء الواسع وحدة عبارة عن
    ( 2عمود بلفة وسلسلة و2 عمود بلفة )أما فى الجزء الصغير أشتغلى عمود بلفة
    واحده وعلى فكرة ده هيفضل لغاية آخر الشغل محتفظ بنفسة ( عمود بلفة واحدة )







    كملى الشغل لآخر السطر وتملى أقفلى بمنزلقة
    كررى السطر اللى فات مرتين وإشتغلى بعد كده نفس الوحده بس بدل عمودين
    بلفة إشتغلى ثلاث عماويد ونسيت أقول لك بين الوحده والعمود الواحد اشتغلى سلسلة






    هنا انا اشتغلت بس سطر واحد عمودين وسلسلة وعمودين وده لانى
    باشتغل للعروسة بمعنى إنى مش عايزة طول كتير للفستان


    كملى الشغل واشتغلى ثلاث عماويد و2سلسلة وثلاث عماويد و2سلسلة وعمود واحد
    فوق العمود السابق وده لاخر الشغل كررى السطر ده حسب أحتياجك لطول الفستان






    إشتغلى فى ال2سلسة اللى بين 6 عماويد السابقين 9 عماويد بدون سلاسل بينهم
    ودى هتكون بداية الاناناسة إشتغلى 2سلسلة وإشتغلى العمود الواحد أشتغلى 2
    سلسلة وإشتغلى ال6 عماويد وسطهم 2 وكملى لآخر السطر








    السطر اللى بعد كده بين العماويد ال9 إشتغلى عمود وسلسلة هيتكون معاكى 8عماويد
    إشتغلى 3 سلاسل وعمودواحد فوق العمود السابق و 3 سلاسل وإشتغلى
    الجزء ال6 عماويد بينهم 2 سلسلة وكده اصبح عندنا جزئين من الشغل
    جزء يمثل الاناناسة وجزء يمثل العماويدال6 وبينهم 2 سلسلة
    وده غير العمود الواحد اللى يفصل بين الجزئين ب3 سلاسل









    دلوقتى هأبدا فى عمل القناطر للاناناسة إشتغلى 4 سلاسل وأغرزى الابرة بين العمود
    الاول والثانى للاناناسة وإشتغلى غرزة حشو كملى لغاية متخلصى العمايودال8
    بكده تبقلى عملتى 7 قناطر (القنطرة 5 سلاسل ) كملى 4 سلاسل
    والعمود الواحد و4 سلاسل وجزء ال 6 عماويد وبينهم ال2 سلسلة و4 سلاسل
    والعود الواحد لآخر السطر








    إشتغلى نفس السطر اللى فات بس هتكون القناطر نقصت واحد بمعنى هتكون القناطر 6
    قناطر وكملى زى السطر السابق






    لما يصل عدد القناطر 5 قناطر اشتغلى فى الجزء بتاع ال6 عماويد وبينهم
    2 سلسلة 9 عماويد بين كل ثلاث عماويد 3 سلسلة لأننا هنكون
    بنأسس لقاعدتين لجزئين فى السطر اللى بعده أما باقى السطر زى السطور
    اللى فاتت بس ممكن تزودى فى السلاسل حسب رغبتك بدلا من 4 ممكن تكون 5
    مع الإحتفاظ بعدد سلاسل القناطر ( 5 سلاسل للقنطرة )








    آخر مرة عدل بواسطة هنهن2007 : 19-10-2008 في 10:25 AM

  4. #14
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة
    أنا وضعت دبابيس فى الفراغات علشان توصل الفكرة بكده احنا بنقص فى القناطر لنزود
    ونفتح لوحدتين جايين






    وده شكل القناطر وهى بتنقص أتمنى اكون أفدت من تريد ووصلت الفكرة
    إستنونى علشان نكمل المرحلة الاخيرة من الجيبة


    وكنت وصلت معاكم بأنى عملت قاعدة لأفتح لفرعين من الشغل ( 3عماويد 2سلسلة 3عماويد )
    طبعأً العماويد فى الموديل ده بلفة واحدة






    أشتغلى فى مكان كل دبوس من الصورة السابقة وحدة مستقلة بذاتها
    (3عماويد 2سلسلة 3عماويد ) 3سلاسل بينهم كررى الوحده
    زى كده






    إشتغلى 5سلاسل وعمود واحد و 5سلاسل وإبدئى فى قناطر الأناناسة
    وهتلاحظى إنك كل سطر جديد إن الأناناسة بتنقص قناطرها فى نفس الوقت
    بتزيد وبتفتح الوحدتين بجانبها إشتغلى 5سلاسل والعمود و5 سلاسل
    والوحدتين إستمرى حتى آخر السطر






    السطر التالى هأشتغل الوحده (3 عماويد 2سلسلة 3 غماويد ) 3سلاسل ووسط الوحدتين
    السابقتين إشتغلى ( عمودين 2سلسلة ) وهذه الوحدة هتزيد كلما إرتفعنا بالشغل
    فى الوقت اللى بتنقص فيه القناطر زى ماقلت سابقاً







    كملى لآخر السطر إشتغلى الوحدة (3 عماويد 2سلسلة 3 عماويد ) 3سلاسل عمودين 3سلاسل
    عمودين 3سلاسل كررى الوحده السابقة ( 3عماويد 2سلسلة 3عماويد ) كملة 5سلاسل
    وعمود واحد و5سلاسل وكملى القناطر ( طبعاً 5سلاسل ) لإنها مش بتتغير لآخر الشغل








    هكمل الشغل وكل ماطلع بالشغل أزود فى الوحدات (3سلاسل عمودين 3سلاسل عمودين 3
    سلاسل عمودين 3 سلاسل ) طبعا ده بجانب الوحدتين اللى على الجانبين
    (3عماويد 2سلسلة 3عماويد )









    إشتغلى 5 سلاسل وعمود واحد و5 سلاسل وكملى القنطرة وهتكون
    آخر القنطرة وبكده القناطر خلصت ومازلت بأفتح بالشغل من الجانب







    ( ملحوظة ) إستعنت بالدبابيس لتوضيح شكل الغرز
    كده خلصت النهارده ومعلهش كنت بأعيد فى كلامى الخطوات أكثر من مرة

    انا هنا اختى سيرين بس النت وعمايله المهم كنت وصلت لغاية ماكانت ثلاث وحدات
    ( عمودين و3 سلسال عمودين )






    وشكل الاناناسه اصبح كده








    اكملى السطر للآخر وابدأى سطر جديد طبعاً كل سطر بيزيد المجوعة
    فمثلاً السطر اللى فات كانت الوحدات ثلاثة السطر ده بقيوا اربعة
    والمجموعة عبارة عن ( عمودين و3 سلاسل عمودين )







    والاناناسة بقيت كده مع مراعاة عمل ال5 سلاسل حول القناطر ( 5 سلاسل )
    مكان الدبوسين هاشتغل العمود بلفه السطر اللى جاى








    كده هاقفل الاناناسه وبكده باقى على نهاية الشغل سطرين بس






    لاحظى إلتصاق الوحدتين ( 3 عماويد 2سلسلة 3 عماويد ) السطر اللى التالى


    هاغرز الابره مكان الدبوس علشان اقفل اعلى الانانسه واشتغلى عمود بلفه






    كده اشتغلت العمود وهاكمل






    لاحظى المجموعات اصبحوا 5 وحدات ( عمودين 3 سلاسل عمودين )




  5. #15
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة


    هنا هاشبك المجموعتين ال(3عماويد 2 سلسله 3 عماويد )
    وهنا هاغرز الابرة وسط ال6 عماويد بمعنى فى (2 سلسله )




    هنا اشتغلت المجموعتين وهاكمل الشغل وبرضه الاحظ زيادة المجموعات
    (2 عمود 3 سلسلة 2 عمود )



    هنا اصبحوا المجموعات 6 واشتغلى سطر كمان وده هيكون آخر سطر فى الجيبه



    هاكمل الشغل واشتغل سطر زى السابق مع الزياده اللى اتكلمت عليها
    كده انا باقفل على الاناناسه

    هاسيبكم مع الصور لانها تتحدث عن نفسها







    الجيبه كده خلصت هاعمل ليها شرشف (حافة ) وده هيكون على ذوقك
    انا اخترت الغرزه دى وهى عمل 4 سلاسل اقفليهم بزرده(منزلقه )
    اشتغلى 4 غرز حشو وهكذا لآخر السطر

    كده الجيبه خلصت استنونى مع الاكمام وصورة للعروسة بالفستان





    آخر مرة عدل بواسطة هنهن2007 : 19-10-2008 في 10:31 AM

  6. #16
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة


    وصلنا إحنا لغاية جسم الفستان وباقى الكم وشوية أكسسوارات
    لتزينه هأبدأ بالكم طبعا هيكون بالشكل ده







    نعمل سلسال يساوى دوران الذراع ونزيد عليه 6 سلاسل
    وأنا هنا باخد المقاس






    أشتغلى على السلسال سطرين عمود بلا لفه أو حشو







    أنا اشتغلت سطرين عمود بلا لفه وهأغير اللون بلون الصدر
    وطبعاً كان شغل الحافة بلون الجيبه






    أشتغلى ثلاث سطور من الغرزه اللى بداتى بيها الجيبه
    قبل عمل الاناناسة بمعنى وحدات عباره عن
    ( عمودين بلفه و2سلسله عمودين بلفه )
    (سلسله عمود بلفه سلسه) وهكذا الكم كله هيكون بتلك
    الغرزه بعد كده هنصل للتنقيص لعمل حردة الكم
    وهنقص 5 عيون







    عند نهاية السطر هاشتغل قبل النهايه ب5 عيون أطلع للسطر
    التالى كده سيقى السطر نقص من الناحيتين 5 عيون








    هأستمر فى التنقيص 4 عيون من كل جهه زى السطر السابق
    و3 عيون و2 لعاية ماأحصل على شكل باترون الكم زى كده






    الكم كده اصبح جاهز للخياطه والتشبيك







    أطبق الكم على الظهر وأخيطه بابرة إيتامين وبالخيط المستعمل
    فى الشغل ونفس اللون هيكون شكل زى الكم كده








    كده الكم خلص طبعاً هأشتغل كم تانى وماتنسيش تدوين كل
    شىء عن الكم الاولانى لتطبيق مثلة فى الاكم الثانى
    من ناحية الوسع والطول ومقدار التنقيص
    ليصيروا الكمين طبق الأصل من بعضهم

    هأكمل معاكم إكسسوار الفستان وهو الشريطين اللى يبدأ
    تشبيكهم من أول الوسط من الامام لغاية نهاية الظهر من الخلف
    وأبأ بعمل الشريط بالعرض اللى أنا أشوفه مناسب للفستان وأنا هنا عامله
    شريط عرضه 7 سلاسل أما الطول حسب مأنا محتاجة لطول الوسط والظهر










    إشتغلى أول سطر عمود بلا لفة وأكملى السطر الثانى 4 سلاسل
    3منهم بمثابة عمود بلفة وسلسلة وأعملى الغرزة اللى هتمشى عليها
    باقى الشريط ( عمودين بلفة سلسلة عمودين بلفة ) وسلسلة وعمود للحافة
    وهكذا زى كده






    أأكملى الشغل حتى تصلى إلى الطول المطلوب






    والشريط ده اللى هتركبى عليه الوردات أما موضوع الوردات
    هأوريكم فكرة ممكن تستعملوهاأنا إشتغلتها
    إعملى 7 سلاسل إشتغلى عليهم غرزة منزلقة وغرزة حشو وعمود
    بلا لفة وعمودين بلفة واحده وإنزلى بعمود بلالفة وغرزة حشو
    وكنزلقة بمعنى أطلع و أنزل هتكون النتيجة كده







    إشتغلى 7 سلاسل تانى وأعملى زى الورقة السابقة زى كده









    وممكن تعملى سلسال اطول من كده وتخلى للورقة فرع بس
    أنا معملتش كده علشان عايزة ورقة صغيرة










  7. #17
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة
    كده عملت الورقة الثالثة وكمان ممكن أشتغل الشغل ده
    على جانبى السلسال لعمل ورقة عريضة








    هنا عملت الورقات الثلاثة ونزلت بسلسال لعمل عودين للورق
    إشتغلى 8 سلسال وإرجعى بمنزلقة وكمان 8 سلاسل وإرجعى
    بمنزلقةلتحصلى على الشكل ده







    كده الوريقات خلصوا






    هأثبت عليهم الورده دى






    اكمل عمل الاكسسوار للفستان هاتى شريط ستان رفيع مناسب
    للون اللى إنتى إشتغلتيه أنا هنا جبت لون أحمر وأسود وكان
    ينفع تحطى عليهم لون أبيض وتعملى ضفيرة علشان
    يتحطوا فى وسط الفستان ولو فاكرة إحنا كنا إشتغلنا الوسط
    بعمود بلفتين علشان ينفع يتحط الشريط ويكون مستريح
    إختارى نقطة الوسط بالضبط وإدخلى الشريط زى كده







    لفى الشريط حول الوسط لغاية ماتصلى للأمام تانى زى كده






    أربطى الاطراف عبارة عن فيونكه وعلى فكرة ممكن تعملى
    بدل شريط الستان سلسال طويل من اللونين اللى عاملة منهم الفستان
    بالإضافة للون صارخ بينهم ومناسب أيضاً وتنهيهم بفراولتين من
    الكروشية وده حسب ذوقك إنتى المهم شوفى كده







    هنا بأثبت الشريطين الكروشية على الوسط بنفس لون الشغل







    هنا خيطت الورده على الاوراق اللى سبق وشفتوها






    هنا حطيت جزء من شريط الستان وسط الورده








    وعلشان أنا عاملة الفستان لعروسة ولاء بنتى مش هينفع
    أحط الورد فوق الشريط لإنه رفيع جداً فوضعت الورده
    على الصدر وده الشكل النهائى للعروسة إيه رأيكم
    أتمنى أنكم تكونوا إستفدتوا وأكون عرفت أوصل ليكم فكرة
    عمل فستان لطفلة بمعنى إحنا عرفنا نعمل جيبه وصدر فستان
    وأكمام يعنى ممكن نعمل أى شىء تانى مع إختلاف المقاس
    والغرزة المستعملة ومحضرة ليكم مجموعة ورود
























  8. #18
    هنهن2007's صورة
    هنهن2007 غير متواجد مجموعه العطاء في ركن الكروشيه "مُبدعة صيف 1430هـ"
    تاريخ التسجيل
    Jan 2007
    الموقع
    ام الدنيا
    الردود
    6,242
    الجنس
    امرأة
    دية ورشة عمل من احدى المنتديات للاخت رنونة بنت الاقصى
    منقولة للافادة
    آخر مرة عدل بواسطة هنهن2007 : 19-10-2008 في 10:42 AM

مواضيع مشابهه

  1. فستان كروشيه ... صيفي ..
    بواسطة noore في ركن الكروشيه والتريكو
    الردود: 27
    اخر موضوع: 15-08-2010, 02:03 AM
  2. فستان طفلة كروشيه
    بواسطة ام ساره الاموره في ركن الكروشيه والتريكو
    الردود: 30
    اخر موضوع: 06-08-2009, 09:10 PM
  3. فستان كروشيه جميل
    بواسطة أضواااء في ركن الكروشيه والتريكو
    الردود: 16
    اخر موضوع: 14-04-2009, 07:14 AM
  4. بدي فكرة فستان كروشيه
    بواسطة جديلة في ركن الكروشيه والتريكو
    الردود: 2
    اخر موضوع: 31-07-2008, 08:52 AM
  5. فستان بنوتا كروشيه
    بواسطة laif في ركن الكروشيه والتريكو
    الردود: 27
    اخر موضوع: 08-06-2008, 01:12 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96