فين اتعلم كروشية فى اسكندرية
بنات اسكندرية انا من محرم بك ونفسى اتعلم الكروشية فى اى مكان ولكن يكون تعليم جاد ومتواصل
ارجو ان لا تكسفونى

حبيبتى العزيزة ليه تدورى على الاماكن والنت عندك مليان بالشرح والفيديو لو بحثتى عن الكروشيه وكتبتى تعليم الكروشيه سوف تجدى كنوز احسن من اى مكان

كتبت بواسطة mima2005

حبيبتى العزيزة ليه تدورى على الاماكن والنت عندك مليان بالشرح والفيديو لو بحثتى عن الكروشيه وكتبتى تعليم الكروشيه سوف تجدى كنوز احسن من اى مكان

فعلا الاخت ميما عندها حق
انا كمان من اسكندريه ورحت فعلا دورات ووالله ما استفدت كتير
ودلوقتى لما تابعت فى المنتدى استفدت اكتر وانا فى بيتى
تابعى حبيبتى كروشيه مع فنانتنا الجميله ام مى وهاله وام عزيزان
والتريكو مع الموسوووووععه ام قسمت وان شاء الله تستفادى

شكرا اخواتى على ردودك
بالفعل النت وخاصة منتدى لكى مليان بالكنوز
لكن انا محتاجة متابعة وكمان محتاجة تشجيع وتواصل وللأسف ليس عنى كاميرا حتى استطيع عرض ما اتعلمه
ياريت لو احدى الأخوات تعرف مكان بس يكون مستواه عالى فى التعليم

اختي بصراحة انا تعلمت الكروشيه من النت وشوي شوي ابتديت اشتغل وانا الان الحمد لله بشتغل وبتعلم من هون من النت وعن قريب سوف اعرض لكي بعض اعمالي مش راح تصدقي شغلي اصبح بيجنن وما بيفرق كتير عن المحترفات تابعي من المنتدى تعليم الكروشيه افضل من اي مكان

حبيبتى انا كمان من اسكندريه واتعلمت فى احى المشاغل بس عملت حاجات كتير من المنتدى من الاخوات وهم مش بيتاخروا ابدا فى اى طلب

فعلا المنتدي مليان بالحاجات الكتير

وممكن تتعلمي منه كل حاجه

انا شخصيا اتعلمت اللاسيه وحاجات تانيه

كان نفسى أساعدك بس أنا مش عايشة فى اسكندرية

انا من الاسكندرية و من محرم بك كمان كنت بكره حاجة اسمها كروشيه
بس دخلت على المنتديات و عجبني شكل شغل الكروشيه جدا
و قررت لازم اتعلمه و فعلا فضلت ورا المنتديات و بقيت المواضيع التعليمية اسيفها عندي على الكمبيوتر في ملفword و اقعد و اطبق الغرز حتة حتة و كمان انزل مثلا صور المفارش بالباترون و انزلها على البرينتر و ابتديت و عملت لغاية دلوقتي 6 مفارش جمال جدا
ده انا عايزة اقولك كمان اني اتعلمت غرز تريكو جميلة جدا من المنتديات و عملت بلوفرين لبنتي
حاولي تعملي زي ما عملت و مش لازم يكون عندك كاميرا ممكن انتي تقارني بعينك شغلك زي الصور و لا لا

انا من اسكندرية ميامى البداية سهلة اتعلميها من اى حد تعرف غرز بسيطة والباقى تتعلمى من المجلات والمنتدى كمان جميل احنا اتعلمنا كدامش شرط مكان يعلمك انتى محتاجة تتعلمى الغرز الاساسية وهم مش كتير حوالى اربعة او حتى تلاتة والباقى مبنى عليهم وربنا يكرمك فى مكان فى سيدى بشر هدى الاسلام بيعلم تبع الشئون الاجتماعيةوممكن اى مدرسة خياطة تعلمك ويارتنى قريبة كنت اساعدك ربنا معكى