خطيرة يا بوسي خطيييييييييييييييييييييييييييييييرة
تسلم ايدك ولا اروع من هيك شي
يا بخت صاحبتك وبنتها
بس لي سؤال شبكتي وحدات البطانية بالابرة العادية ام بسنارة الكروشية
كل التقدير لكي مع تمنياتي بالتوفيق

ماشاء اللة شغلك تحفة تسلم ايدك والف مبروك للمولود

طقم البيبى انا عملت المربعات و شبكتها فى بعضها بالغرزة المنزلقة من الخلف
و اشتغلته بخيط الصوف طبعا علشان البرد
و ممكن تعمليها بالقطن لو عايزاها مفرش خفيف فى الحر و الصيف
حواف البطانيه عملت عمودين و بعدين غرزتين سلسلة و اسيب غرزتين فى البطانيه و اعمل 2 عمود و هكذا
زى شغل الفيلية كده

و بعدين فى الاخر بعد 3 اسطر عملت خمسة سلسلة و اسيب اربع غرز على جسم البطانيه و اعمل منزلقه علشان تعمل انصاف الدوائر اللى من بره

بالنسبة للقبعه انا عملتها من غير باترون كده - بالحظ و الشبه يعنى - لكن فيه هنا موضوع للأخت خوالى انا استفدت منه جداااااااا
شوفيه و انتى هتعرفى ازاى تعملى الطاقيه بشكل صحيح - لانى للاسف لقيت الموضوع بعد ما عملت الطاقيه فعلا - و اللينك بتاعه اهو
http://www.lakii.com/vb/showthread.php?t=276387

اما بالنسبة للحذاء
ده لينك الموضوع اللى طبقته و هو سهل جدا للأخت العزيزة ام عزيزان
http://www.lakii.com/vb/showthread.php?t=218450

و طبعا زينته بشرائط الساتان




الطريقة بالشرح :
الاول تعملى السلسله بطول قدم البيبى مرتين
و بعدين تطلعى ب 3 سلسلة ارتفاع اول عمود و بعدين تشتغلى 3 او 4 اسطر بغرزة العمود او البريد
و بعدين تقفل الشغل و تقطعى الخيط
و تسيبى من طرف الشغل عدد من الغرز يساوى مسافة وجه القدم
و تشتغلى عدد اعمده لحد ما توصلى لنفس المسافة اللى سبتيها من بداية الشغل
و ترتفعى بعدد اسطر مناسب لعنق الحذاء
و بعدين تقفلى الشغل بغرزة منزلقة و تقلبيه على وشه

كتبت بواسطة merooooo

بوسي معلش انا عايزه اسألك كذا سؤال
اولهم اخدت منك كام شلة خيط تقريبا من كل لون ؟ الخيط صوف وللا قطن ؟
والابرة اللي اشتغلتي بيها مقاس كام ؟
وعملتي كام وحده للبطانيه كلها انا اعتقد انها 9في 9 لو صح قوليلي ؟
اللكلوك الباترون بتاعه او طريقه عمله ؟ وارجو اني مكونش ازعجتك

اسفه يا ميرو على التأخير فى الرد
ربنا يكمل لك على خير و تجيبى اخ او اخت زى القمر لميدو
انا جبتلك فوق طريقه الشراب لان الصور للأسف وقعت من موضوع ام عزيزان
بس شوفى دول بالباترون




انا اشتغلت بالصوف لكن الكمية قد ايه الصراحة مش فاكره لانى اشتغلتها من كام شهر و فضلت اعمل فيها وقت طويل لانى اتشغلت بكذا حاجه
بس تقريبا هاتى 4 او 5 بكرات من كل لون البكره ام جنيه و نص تقريبا
و طبها هيقضى و يفيض ان شاء الله
و انا اشتغلت بابره رقم خمسه .. و طبعا على حسب سمك الخيط الى هتجيبيه هتختارى الابرة
و البطانيه 10 مربعات فى 9 .. و بعدين الاطار اللى بره
و الباقى ممكن تعملى منه حاجات زى البافيته دى



و اى استفسار تانى انا تحت امرك يا جميل

كتبت بواسطة الراجيه عفو ربها

السلام عليكم ورحمه الله وبركاته

بوسى ما شاء الله تبارك الله



عقبال ما نهاديكى فى بيتك ان شاء الله عن قريب

تسلميلى يا حبيبة قلبى
فرحت اوىىىىى لما شفت ردك فى الموضوع
وحشتينا فى ركن الكروشية

كتبت بواسطة مقبولة2007

خطيرة يا بوسي خطيييييييييييييييييييييييييييييييرة
تسلم ايدك ولا اروع من هيك شي
يا بخت صاحبتك وبنتها
بس لي سؤال شبكتي وحدات البطانية بالابرة العادية ام بسنارة الكروشية
كل التقدير لكي مع تمنياتي بالتوفيق

تسلميلى يا قمر
انا شبكتها بالغرزة المنزلقة بنفس لون و خيط البطانيه





شكرااااااااا لكل اخت غاليه ردت على موضوعى
جزاكم الله كل خير

ميرسي جدا يا بوسي علي ردك وربنا يخليكي يارب ميرسي برضه علي البافته
انا ابتديت فعلا في الوحدات وخلصت تقريبا 10 وحدات وربنا يسهل ان شاء الله
لو عندك موديلات تنفع شنط للاطفال وتكون بالباترون ياريت انا بافكر اعمل نفس الوحدات دي واقفلها شنطه بحيث ممكن تكون طقم البطانيه والشنطه وربنا يسهل بس والوقت يقضي
اشوفك في البيت بقي سلام

الشكر لله يا ميرو
فكرتك فى الشنطة حلوة
ممكن تعملى الوجهين بنفس الوحدات و الجوانب بغرزة العمود مثلا
ربنا يوفقك يا قمر
و تقومى بالسلامة ان شاء الله

انا بشتغل فى البطانية لبنتى يا بوسى وهبقى اوريهالك

ما شاء الله يا رشا
والله فرحتينى
يلا انا مستنيه صورتها ان شاء الله
و مبروك على بنوتتك مقدما

تسلمي الله يعطيك العافية

تسلمى عزيزتى
جزاك الله خيرا