حبيبتي

انا هقعد يوم اذكر الباترون وهحاول اوقولك علي الشرح

بس ادعيلي ان اوصل الشرح كويس ان شاء الله

اهلا بريماز
عايزاك تشوفي الرابط ده علشان تعرفي كل غرزة ورمزها ايه

http://www.lakii.com/vb/showthread.php?t=253909

وانا هتولى شرح الوردة ونسيب لدعوة للتفاؤل شرح المفرش

اول حاجة تعملي 16 سلسلة وتقفلي الدائرة وفوق كل سلسلة تعملي غرزة المنزلقة
وبعدين تطلعي بــ 3 سلاسل بمثابة عمود وبعدين تعملي عمودين بلفة ( البريد) بكده يكون
عندك 3 عواميد ... وبعدين تعملي 3 سلاسل وتكرري 3 عواميد و3 سلاسل حتى تنهى السطر
وتقفليه.
تطلعي من تاني سلسلة بـ 7 سلاسل تشبكيهم في السلسلة التانية اللي بين الـ 3 عواميد
وتكملي بـ 6 سلاسل وتشبكي بالسلسلة التانية وتكرري بنفس الطريقة الصف كله
وتكملي الصف اللي بعده بالمنزلقة على كل سلسلة
الصف اللي بعده تطلعي بـ 7 سلاسل وتشبكيه بعمود بدون لفة او بلفة لو عايزة ( البريد)
على المنزلقة الرابعة وبعدين 4 سلاسل وتتركي منزلقة وعلى التانية تعملي عمود
السطر الاخير تعملي 13 سلسلة فيها السلسلة التانية تشبكيها بالسطر اللي قبله وتكملي الـ 13
وترجعي على السلاسل بـ 11 عمود وتشبكي في السطر اللي قبله بنفس الشكل المرسوم يعني
على تالت سلسلة وتعملي سلسلتين للتثبيت وتطلعي بـ 10سلاسل منها السلسلة رقم 8 و9 تثبت
بالمنحنى كما بالشكل وتعملي بعد كده 11 عمود ويكرر العمل
ده شرح الشكل يارب يكون مفهوم
ولكِ مني التحية

محبوبتى .....أرمله
اشكرك جدا جدا على الشرح البسيط وارجوا منكى المزيد من اشكال المفارش مع الشرح
وياريت ما تزهقيش منى انتى والغاليه (( دعوة للتفاؤل))

لا ابدا يا ريماز مفيش زهق ولاحاجه

بس لو انت بتحبي الباترون المكتوب شوفي باترون مكتوبه بدل المرسومه

انا فعلا بحب اشتغل من الباترون المكتوب مش المرسوم
بس انا بحاول اتعلم الباترون المرسوم وربنا يسهل واتعلمه بسرعه

ريماز اهو بقى عندك بدل مدرس خصوصى اثنين ملكيش حجة بقى
حتتعلمى يعنى حتتعلمى واحنا وراك لغاية ما تبقى محترفة ونتعلم منك كمان
ياللا انضمى لدورة الاخت ام عزيزان حتفيدك جدا فى قراءة الباترون المرسوم
واى سؤال احنا هنا ... مش هنزهق ياستى