السلام عليكم ورحمة الله وبركاته
كيف الحال
انا المهمة اللي اعطتني اياها ايمان انني اعلمكم التريكو
طب يا ايمان مش يمكن ما فيه حدا بدو يتعلم
اذا بدكو نبدا سوا بس شوي شوي لانه اختكم مش فنانة يا دوب بس بعرف اساسيات الشغل
واذا بتواجهني صعوبة بسال لكم وارد عليكم اذا عندكم استعداد قولوا لي عشان نبدا وراح اعرض لكم اخر شغلة عملتها وقولوا حلو والا لا



يمكن الصورة مش واضحة كتير لانه ما عندي كاميرا

هذا ومسمية نفسك بس بتعرفي أساسيات الشغل؟؟؟؟؟؟ ما شاء الله انت محترفة.. أنا صرت متخصصة بالحرامات والبطانيات والطواقي واللفحات.. ولهذا بدي أتعلم الكنزات والجاكيتات مثل اللي عرضتيها


لو ممكن الأخوات اللي حابين يتعلموا يبدأ بالتسجيل هنا


الله يجزيك الخير دراوشة

عدلت لك مقاسات الصورة وأنزلتها على مساحتي.

في البدايه جزاكي الله خير على المجهود الرائع .
أود أختي دراوشه أن أنضم الى مدرسة تعليم التريكو لأنني من هواة التريكو وأعرف بعض الغرز ولكن لا أعرف كيفية صنع جاكيت أو شال او غيره وبالذات عند الاطراف ما بيطلع كله على استقامه واحده بيطلع اشي مايل معاي . ما بعرف السبب . ارجو الافاده .
ايش رايك بعد ما نتعلم نفتح مصنع تريكو ونسميه مصنع دراوشه .

اللــــــــــــــــــــــــــه
ما شاء الله ..شو هاد الجمال ..حلو كتير ..
بس سوؤال ما هي لوازم شغل التريكو؟؟؟
"محسوبتكم غشيمة جدا جدا في الاشغال اليدوية والشيء الوحيد الذي تعلمته هو عمل كلكول "جوارب "بأسياخ الصوف للصغار"
ما لي طولة بال أعمل للكبار ..
بصراحة دخلت للفضول والاطلاع على معنى التريكو

السلام عليكم ورحمة الله وبركاته
اريد ان انضم لكم ن شاء الله بس نفسى اعرف طريقة الكندرة او السليبر الصوف

السلام عليكم
مشكورين حبيباتي على الاهتمام
ورايحين نبدا بسم الله بالادوات
وللامانة انا اخذت الصور من اخت لنا منزلة موضوع في مندى تاني متل موضوعنا


هذا التريكو


وهيك القطب

وبدي اعطيكوا فكرة كمان عن اسياخ او الابر اللي نستعملها في شغل التريكو


وهدول لحياكة الجرابات والقفازات وانا لسه م بعرف طريقة استعمالهم بس قبل يومين رحت للمرشدة اللي تعلمنا بالنادي وبديت معي حسب رايها سهل بس انا تلبكت ووعدتني انها تعطيني مجلة مشروح فيها الطريقة وان شاء الله نكمل الموضوع واكون متمكنة واشرح لكم انا كمان

نكمل والا شو رايكم
ما اسمي الا فاضية قبل ما يروحوا الاولاد من المدرسة
هذول اسياخ لعمل القبة ونسميه سيخ مدور وفيه ناس بيعملوا فيها مفارش
بس انا للصراحة ولا مرة شغلت مفرش تريكو






اما هدول للجدلة يعني نشك القطب اللي بدنا نجدلهن وممكن اذا مش موجودات بدبوس شعر اسوداو دبوس امان تبع الاطفال
وفيه هذا الشكل



اما الخيوط فمتنوعة صوف اكريليك



وطبعا عندنا الخيط الرفيع والتخين اللي بيحدد شو نمرة الابر اللي نستعملهم
خليني اوقف واحكوا لي اذا مفهوم والا لا
وخلينا نكون صبورين لانها اختكم لسة تلميذة بالكمبيوتر ووضع الصور وان شاء الله الله بيسرها

اشلون تقولي ما فيه حدا بده يتعلم

انا من اوائل اللي ودنا نتعلم الكورشيه

اتصدقي اني مع زميلاتي اتفقنا مع زميلة لنا نتعلم منها كورشيه

لكن القضاء كان لنا بالمرصاد

زوجها توفى ليلة السبت فجأة بالسكتة القلبية

اللهم ارحمه رحمة واسعة

وصبرها على مصابها .. يارب العالمين

لذلك عزيزتي التفاصيل المملة

الله يجزاك خير

وابي طريقة السنارة الوحدة لأني اعرف لطريقة السنارة الوحدة شوي

بس الثنتيم مو اكثير احبهم

بس سؤال شالفرق بين السنارة والسنارنين

هل يسمون نفس الأسم

ولكي جزيل الشكر

الاخت العزيزة احاسيس مرهفة
شكرا لتواصلك
بالنسبة لهذا الموضوع مش كروشية يعني مش بسنارة واحدة الا بتنتين وهذا نسميه تريكو حياكة او شغل صوف
واذا حابه تتعلميه تابعي معنا وان شاء الله تستفيدي
ونسيت اعزيك بوفاة زوج صديقتك الله يرحمه ويجعل ماواه الجنة
وبالنسبة للكروشية اللي هو بسنارة واحدة خدي هذا الرابط وراح يفيدك كتير
وفيه بالمنتدى مواضيع كتيرة ممكن تساعدك بيكفي تعملي بحث وتكتبي كروشية وشوفي اللي بيعجبك
http://www.lakii.com/vb/showthread.p...threadid=86051

يعطيك العافية وجزاك اللّه خير

مشاركة رائعة