ونعيد تاني علشان خاطر قطعه السكر
شغل الاجور او التخريم
وده نوع من التريكو بيدي منظر جميل جدا ورقيق ويشبه الكروشيه
علشان تعملي الاجور يلزم نتعرف علي بعض الاساسيات
اهم حاجه اللفه
واللفه من اسمها انك بتلفي الخيط علي الابره اليمني لانتاج غرزه جديده تضاف للسطر بس مش بتكون بشكل غرزه عاديه بتكون بشكل الخرم وعلي فكره العراوي بتتعمل باللفه دي (العراوي الافقيه)
اللفه3 انواع
1-لفه بين غرزتين عدل واسمها في الباترون ( (forward (yf
وبتتعمل بانك وانتي ماشيه السطر العدل بتجيبي الخيط للامام زي ماتكوني حاتشتغلي مقلوب وتاخدي الغرزه عدل عادي وكده بتتكون عندك لفه زي الشكل ده







فيه نوع تاني بيكون بين غرزتين مقلوب او غرزه عدل يتبعها غرزه مقلوب وبيكون اسمه في الباترونYarn round needle (yrn)وفي النوع ده بتاخدي الخيط من فوق الابره للخلف وبعدين بتجيبيه تاني للامام لشغل الغرزه المفلوب التاليه وبيكون شكله كده
كده وده واضح من الاسم




النوع التالت من اللفات بيكون غرزه مقلوب يتبعها غرزه عدل وبيكون اسمه في الباترون المكتوب كدهYarn over needle (yon)
وفي النوع ده اتي اشتغلتي الغرزه المقلوب
وبدل ماترجعي الخيط للخلف تمهيدا لشغل الغرزه العدل
عدي الخيط من فوق الابره واشتغلي الغرزه العدل مكونه لفه
وبيكون شكله كده

بصوا ياحبايبي اللفه هي اساس الاجور بس بيساعدها عده غرز علشان الباترون يتنفذ ومايحصلش لخبطه في عدد الغرز
الغرز دي هي
2عدل معا- تنقيص لليسار -تنقيص ثلاثي
وعلشان نعمل الاجور بنعمل لفات محسوبه نبع الباترون ولازم اللفات دي بيقابلها تنقيص بعددها علشان عدد الغرز يفضل واحد
يعني لو عندك 10 غرز وعملتي لفه كده عدد الغرز حايكون زاد غرزه واصبحوا 11 غرزه علشان كده لازم ننقص غرزه بعمل التنقيص ولو عملنا لفتين لازم نعمل تنقيص لغرزتين وهكذالو عملنا 3 لفات لازم ننقص 3 غرز بالتالي
علشان كده لو عملتي اي غرزه عاده بيكون عدد اللفات بيساوي عدد التنقيصات
اولا التنقيص لليمين وده عاده بيكون قبل اللفه وبيكون غرزتين معا بناخدهم مع بعض في غرزه واحده
في السطر العدل بيكون اسمهم( knit two stitches together)
وبيكون رمزها في الباترونk2tog
وبيكون شكلها كده او طريقه شغلها

التنقيص في السطر المقلوب بيكون غرزتين مقلوب معا
وبيكون اسمه في الباترون p2tog),
وبيكون شكله كده او طريقه شعله وبتعمليه بانك بتغرزي الابره اليمني في الغرزتين المقلوب علي الابره اليسري وتاخديهم مع بعض

وده شكل التنقيص في الغرزه العدلk2 togبالفيديو
http://www.knittinghelp.com/apps/flash/video_player/play/54/1
ودي عموما طرق التنقيص لليمين اللي بتكون قبل اللفه وطبعا فيه طريقه او طريقتين تانيين بس مش بيكونوا اساسي انك تعرفيهم يعني بيكونوا في باترونات مخصوصه

وبيكون رمزها في الباترون كده

وده توضيح تاني لكيفيه عملها

الدرس التالي
التنقيص باتجاه اليسار
النوع ده عامه بنعمله بعد اللفه وله طريقتين
sl 1, k1, psso)r]اوskpo
والرمز في الباترون غالبا كده
وزي ماهو واضح من الاختصار بنعمله باننا بنسلت غرزه عدل من غير شغل وبعدين بنشتغل اللي بعدها عدل
كده بنسلت اول غرزه من غير شغل زي ماهو واضح من اتجاه السهم
كده بنشتغل الغرزه اللي بعدها عدل

كده الاشاره السهم اازرق بيشير للمكان اللي بنغرز فيه الابره اليسري تحت الغرزه المسلوته

خلاص اخدنا الاغرزه المسلوته علي الابره اليسري --بنعديها بقي فوق الغرزه المسلوته في اتجاه السهم

وفي السطر المقلوب بتعملي بنفس الطريقه وبيكون اختصارها (sl 1, p1, psso).اوsppo

فيه طريقه تانيه للتنقيص لليسار وهي ssk
s=slepاسلتي
s=slepاسلتي
k=knit اشتغلي غرزه عدل
كده يكون المعني اسلتي غرزه ثم اسلتي كملن غرزه ثم اشتغلي الاثنين عدل
ولعمل التنقيص ده اغرسي سن الابره اليمين في اول غرزه علي الابره اليسري كمل لو كنتي حاتشتغليها عدل


انقلي الغرزه من الابره اليسري للابره اليمني من غير ماتشتغليها وبعدين كرري مع الغرزه التاليه لها علي الابره اليسري

كده نقلتي غرزتين من الابره اليسري للابره اليمني من غير شغل
بعد كده دخلي الابره اليسري في الغرزتين اللي سلتيهم كده

اشتغلي الغرزتين معا عدل



وده الفيديو للطريقه دي ياحلوين
http://www.knittinghelp.com/apps/fla...ayer/play/58/1
اتمرنوا بقي علي التنقيص ده مع اللفه لغايه مااجيب غرز سهله كده للتطبيق

لو ممكن تاخدوا بالكوا من الاسماء والرموز اللي بالانجليزي وتفهموها كويس علشان لما نتدرب بعد كده علي قراءه الباترونات باذن الله[/CENTER]
ثالث غرزه هي التنقيص المزدوج او الثلاثي

التنقيص المزدوج بيتعمل لقفل غرزتين معا زي في غرزه ورقه الشجر في اخر سطر بيكون عندنا لفتين وعايزين نقفل قدامهم غرزتين
له 3 انواع

[1- بناخد التلات غرز في غرزه واحده Double Right-slanting Decrease (التنقيص المزدوج لليمين )وده بتعمليه بانك بتشتغلي 3غرز مع بعض[/CENTER]

وتوضيحها بالصور

بتغرزي سن الابره اليمني في ال3غرز مثل اتجاه السهم واشتغليهم معا

كده عملنا غرزه واحده بدلا من3غرز يعني نقصنا غرزتين

2-بنسلت غرزه من غير شغل ونشتغل غرزتين معا ثم نقلب الغرزه المسلوته علي الغرزه الناتجه (التنقيص المزدوج لليسار) Double Left-slanting Decrease

وده شرحها باننا بنسلت غرزه من غير شغل

ثم نشتغل غرزتين عدل معا

ثم نغرز الابره اليسري تحت الغرزه اللي سلتناها

ثم مرري الغرزه المسلوته فوق الغرزه الناتجه

وكده عملنا من 3غرز غرزه واحده

[

3-بنسلت غرزتين من غير شغل ونشتغل الغرزه التالته وبعدين نقلب الغرزتين المسلوتتين عليها واحده ورا الثانيهDouble Vertical Decrease(التنقيص المزدوج الراسي)[/CENTER]

وشرحه بالصور

اسلتي غرزتين من غير شغل عدل زي الصوره وي اتجاه السهم

اشتغلي الغرزه الثالثه عدل

اغرزي سن الابره اليسري في الغرزتين اللي سلتيهم

وعديهم من فق الغرزه اللي اشتغلتيها عدل

وكده عملتي غرزه واحده من 3غرز

معلش يابنات الدرس يبان كبير بس هو سهل وكمان متصل ببعضه يعني لازم اشرحه علي بعضه
وزي مااتفقنا لزم عدد اللفات =عدد التنقيصات في السطر علشان الغرز مش تقل او تزيد
يعني لو 2عدل معا = لفه
والتنقيص لليسار=لفه
والتنقيص المزدوج=لفتين
وفي العاده بيكون ال2عدل معا قبل الفه
والتنقيص لليسار بعد اللفه
والتنقيص المزدوج بين اللفتين
هه ايه رايكوا
ياللا اعملوا تطبيق
مره لفه مع ال2عدل معا في سطر
وسطر تنقيص لليسار مع لفه
وسطر فيه تنقيص مزدوج مع لفتين
عدوا الغرز وشوفوا التاثير

تسلميلي يا ست الكل
على الشرح
هسه هى طلع عندي

مبروك افتتاح المستوى التانى
مش عارفة اركز فى التريكو خاللص مش فاهمة ليه الله يصلح حالى و اقدر اكمل المستوى الاول و انطلق للتانى الله يساعدنى

كتبت بواسطة قطعت السكر

تسلميلي يا ست الكل

على الشرح
هسه هى طلع عندي

تسلمي ياسكره
ومستنيه تطبيقك ياقمر

كتبت بواسطة yaralemoo

مبروك افتتاح المستوى التانى
مش عارفة اركز فى التريكو خاللص مش فاهمة ليه الله يصلح حالى و اقدر اكمل المستوى الاول و انطلق للتانى الله يساعدنى

الله يبارك فيكي يايارا ياقمر ووحشتيني قوي
ليه ياحبيبتي مش عارفه تركزي ؟؟
ربنا يارب يصلح حالك ويوفقك
وحلو قويييييي التوقيع بتاعك
اسعدني جد والله
ايه دوره التجويد دي يايارا
لو ممكن تجيبي لي الرابط بتاعها

اختى ام قسمت مشكورة و الله على ذوقك
ماتحرمش و هاحاول اطبق حاجة الانهاردة
و دا رابط دورة التجويد و الدروس فى قسم نزهة المتقين 6 او 7 دروس

http://www.lakii.com/vb/showthread.php?t=665550

و فيه مسابقة حفظ كتاب الله بصى عليها برضه هما لسه فى الاول مافاتش كتير

بسم الله ما شاء الله ....الله يعطيكم العافية....انا متابعة بصمت لان كامرتي خربانة ....
تبارك الله لما شفت ام قسمت ...جيت طيران اريد اعبر عن رايي