-السلام عليكم ورحمة الله وبركاته-
الباترون
تطبيقي
رقم السنارة:3.5
نوع الصوف الأبيض:اكرليك
نوع الصوف الأزرق:100%قطن
طريقة العمل
1-السطر الأول
نعمل دائرة سحرية ونرتفع ب3سلاسل ونعمل في الدائرة 14 عامودبلفة ونغلقهم بمنزلقة
2-السطر الثاني
نرتفع 3سلاسل بعدين نضاعف عدد الغرز يعني نعمل 2عامودبلفة في كل سلسلةهينتهي معانا السطر ب28عامودبلفة نغلقهم بننزلقة
3-السطر الثالث
نرتفع 3سلاسل ونترك غرزة ونعمل في اللي بعدها منزلقة بعدين نرتفع 3سلاسل ونترك غرزة ونعمل في اللى بعدها منزلقة ونفضل كده لحد اما نخلص السطر
4-السطر الرابع
نرتفع 3سلاسل بعدين في ال3سلاسل(اللي عملناهم السطر اللي فات)
نعمل عامودين بلفة ونعمل سلسلة بعدين في ال3سلاسل نعمل 3 عامودبلفة بعدين نعمل سلسلة نفضل كده ﻻخر السطر بعدين نغلق بمنزلقة
(3عامودبلفة-سلسلة-3عامودبلفة-سلسلة)
5-السطر الخامس
نرتفع 3سلاسل بعدين في الفراغ (اللي هو بتاع السلسة اللي عملناها السطر اللي فات)نعمل 3عامودبلفة بعدين سلسلة بعدين في الفراغ اللي بعده نعمل 4عامودبلفة بعدين سلسلة لما نخلص نغلق بمنزلقة
(4عامودبلفة-سلسلة-4عامودبلفة-سلسلة)
6-السطر السادس
نرتفع 3سلاسل في الفراغ (اللي هو بتاع السلسلة اللي عملناها السطر اللي فات)نعمل 4عامودبلفة بعدين سلسلة في الفراغ اللي بعده نعمل 5عامودبلفة بعدين سلسلة ولما نخلص نغلق بمنزلقة
(5عامودبلفة-سلسلة-5عامودبلفة-سلسلة)
7-السطر السابع والأخير
نعمل منزلقة في الغرزة اللي بعد غرزة المنزلقة اللي عملناها في السطر السابق عشان نوصل للغرزة الثالثة في ال5عامود بلفة اللي عملناهم السطر السابق ونرتفع سلسلتين و في الفراغ نعمل 6عامودبلفة ونعمل منزلقة في ثالث غرزة في الخمس عواميد اللي عملناهم في السطر السابق ونرتفع سلستين بعدين نعمل 6عامودبلفة في الراغ ونغلق بمنزلقة في ثالث عامود ف ال5عواميد اللي عملناهم السطر اللي فات ونفضل كده لحد اما نخلص السطر ويكون المفرش كده الحمدلله خلص.
يارب يكون عجبكو
وبلتوفيق للجميع
الروابط المفضلة