اهلا يا جماعه
اكيد كتيييييييييير مش حيعرفونى ولا حيفتكرونى
انا افكركم بنفسى للى اتعاملت معاهم
انا مهيتاب

رجعتلكم تانى بعد غياب سنه كامله عشان الدراسه
وطبعا مع رجوعى حتلاقوا حملات تانيه زى اللى كنت بعملها مع فريقى ضد السمننننه

بس للاسف رجعت تاااااااانى لنفس وزنى الاول ف خلال عام مع انى خسيت ف 3 شهور اكتر من 20 كيلو بس عشان مثبتش و مخدتش بالى انى رجعت لخبط ف الاكل تانى رجعت تانى

بس مش هاممنى ان شاء الله كل دا حيروح

وللى يعرفونى انتو عارفين انى دايما مبحبش اقول على وزنى

المهم حقولكم خطتى الاوليه دلوقتى

انا ابتديت النهارده (الاربعاء) ريجيم التمر و اللبن و ان شاء الله لمده اسبوع لحد ماروح لدكتور تخسيس
عشان اقل شويه كده قبل ماروحله عشان ماحبطش نفسى

ريجيم التمر واللبن اكيد كله يعرفه و هو عمل معايا مفعول جامد لما عملته السنه اللى فاتت

خسسنى 6 كيلو ف 10 ايام و مع العلم انى كنت ف اواخر الصيف تقريبا لما عملته يعنى الجسم كان خلاص اتعود على الدايت و معدل الخسيه قل وبالرغم من كده خسيت كتير وبان على شكلى اوى

هو 3 كوبايات لبن و21 تمره قسموهم على مدار اليوم

ولحد دلوقتى عادى مش تعبانه و ان شاء الله اقولكم خسيت اد ايه عليه بكره الصبح

بس انا ضامنه ان ان شاء الله الاقى خسيت 2 كيلو عشان انا اول ماببتدى الدايت بخس اول يوم 2 كيلو عشان اللخبطه اللى كنت ماشيه عليها
وطبعا ال2 كيلو دول ممكن يرجعوا مع اقل لخبطه فان شاء الله احافظ عليهم واقولكم برضه

ويوم الخميس الجاى ان شاء الله اول ماروح للدكتور حقولكم اللسته اللى اداهالى امشى عليها و نكون فريق برضه واقولكم على المشروبات ولو ادانى ادويه او لو عملت تمارين وكده


يارب الاقى ردود منكم كلكم من اللى فاكرينى و من اللى ميعرفونيش

اهلاً بعودتك يا ماهى
انا اعرفك من بعض ردودك
يعنى مر عليا اسمك
والمهم الف حمدلله على سلامة القمر
وتنورى من جديد
وربنا معاكى ويوفقك فى رحلة الرشاقه

مرحب بيك تااااااني

ورجيم التمر واللبن مجرباهو

يعني اكيد بينزل 6 كيلو في 10

والله يا اختي نصيحة من قلب انصحك تعملي تخفيف لانك لو ظليتي عالرجيمات بتنحفي صح بالاول وبعد ين بترجعي 00يعني تي تي 00تي تي 00رحتي مثل ما جيتي00انا صار لي 9 سنوات نصف العام اسوي دايت وانحف ونصف العام ارجع للوزن اللي خسرته ان لم يكن ضعفه000والان قررت انهي هذه المعاناه واغير عاداتي عشان اتمتع بالرشاقه للابد

اهلا بيكي ماهي انا معاكي ان شاء الله بس راح ابدا من بكرا الخميس
والله يكون بالعون

انا جيت يا جماعه
اول يوممممم للاسف اتصدمت والله
خسيت كيلو بس
اول مره تحصلى ف حياتى كلها مع انى امبارح بجد كنت تمام اوى
وشربت اتنين شاى اخضر
وميه كتيييييييير عشان بتخسس
وملخبطتش خالص ف التمر

يلا مش مشكله والله انا بالنسبالى كيلو نزل بصعوبه احسن من 5 نزلوا بسهوله

المهم اواصل وانا الحمد لله ناويه

ناسيه اسمى .. معايا يا قمر و حنتابع بعض هنا مؤقتا لحد مروح للدكتور وافتح صفحه تانيه

شكرا لردودكم يا عسولات

ماهىىىىىىىىىىىىىىىىىىىىىى
وحشتينى موووووووووووووت !!!!!!!!! انتى
عاملة ايه؟؟؟؟
طبعا طبعا طبعا انا معاكى من غير كلام
ايوة كده عايزين نرجّع امجاد زمان ياجميييييييييييييييييييييل
انا شغالة اهو بقالى 3 شهور تقريبا
شوية اتظبط وشوية الخبط
بس طالما رجعتى تانى يبقى هامشى على العجين ماالخبطوش

!!!!!!!!!!!!! يا ايمىىىىىىىى الحمد لله لقيت حد فاكرنى
ايوه يا ختى عالعجين فعلا ان شاء الله
استنونى بئى

السلام عليكم ورحمه الله وبركاته

اخواتى الرجاء مراجعه قوانين المنتدى والركن جيدا

قوانين المنتدى + قوانين خاصه بالركن ارجو من الجميع الدخول

شاكره لكن حسن تعاونكن

الله انا عضوى جديده لالمنتدى معاكوا بس سعيده من وجودى معاكو ومن ترابطكم ببعض واتمنى تقبالونى اخت وصديقه ليكوا