بسم الله الرحمن الرحيم
السلام عليكم ورحمة الله وبركاته
خضار مسلوقة توست ستيك جاج مشوي ما مليتوا يعني مافينا نطبخ أكل بدون سعرات ومفيد هي فكرتي والدور الباقي عليكن وعلى سوسو إذا بتعرفوا طبخات قليلة السعرات اكتبوها
وسوسو بتدخل وبتقييم الأكلات قبل ماحدا ياكلها
وهي حعلمكم طبخة أخواتنا الشاميات أكيد بيعرفوها هي فاصوليا بزيت بس لحنا حنعملها بماء
المقادير
كيلو فاصولياء خضراء مقطعة بعد ماتزيلي الخيوط التي على الجانبين بشكل مقطعي بالطول بعدين قطعيها قطع صغيرة مائلة ( حتى تكون جميلة يعني ويصير لنا نفس ناكلها ) ولازم تقطعيها بالطول
من كيلو إلى كيلو ونصف بندورة أوطماطم يعني يابتجيبي طماطم يا بندورة حسب لهجتك طبعا مقطعة مكعبات صغيرة وكل ماكترت البندورة بتكون أطيب
كزبرة خضراء مفرومة على فكرة بالخليجي اسمها يليلان
ثوم حسب الرغبة
بالطريقة الأصلية نضع القليل من زيت الزيتون ونحن سنضع القليل من الماء قليل ها يعني قولي شي كاستين شاي وبالخليجي استكانة
ومنحط الفاصولية مع الملح حسب الرغبة وبتروحي وبتجي وبتحركيها وبتتأكدي انو في ماء حتى ما تحترق حتى تستوي جيدا حيث حلوة حيث يتغير لونها وإذا تذوقتها لاتقرمش
وعندما تستوي ضعي عليها البندورة المقطع حتى تستوي وتنشف ماء البندورة الذي سيخرج منها أثناء الطبخ وبعدين ضعي الكزبرة والثوم وصحة وعافية
ملاحظة النار هادئة في البداية ولما تحطي البندورة متوسطة
ها شو رأيكم مو أطيب من الخضرة المسلوقة
قيمي لشوف يا سوسو شو رأيك بهالأكلة ممكن ناكلها بدال الخضرة المسلوقة
الروابط المفضلة